Paléontologi

Paléontologi iku ngèlmu kawruh sing nyinaoni tetilasan kéwan saka jaman purbakala. Tembung iki asalé saka basa Yunani, yaiku paleon kang tegesé tuwa utawa apa-apa kang ana gayutané karo jaman biyèn, ontos kang tegesé kauripan, lan logos kang tegesé ngèlmu utawa pasinaon. Bisa uga dingerteni manawa paléontologi iku padha karo paléobiologi (paleon = tuwa, bios = urip, logos = ngèlmu), mula bisa dijupuk kasimpulan, paléontologi iku ngèlmu kang nyinaoni utawa ngèlmu kang njlèntrèhaké babagan sajarah kauripan kang ana ing bumi, tuladhané kaya ta kéwan lan tetuwuhan jaman biyèn kang wis dadi fosil. Paléontologi kagolong ing salah sawijining cabang ngèlmu saka Biologi. Wong kang nyinaoni babagan iki karan paléontolog.