Helga Möller
Helga Möller | |
|---|---|
| Fædd | 12. maí 1957 |
| Störf | Söngkona |
Helga Möller (f. 12. maí 1957)[1] er íslensk söngkona þekkt fyrir ýmis dægurlög og jólalög.[2] Hún flutti „Gleðibankann“ með hljómsveitinni ICY í Söngvakeppni evrópskra sjónvarpsstöðva árið 1986.[3]
Ævi
[breyta | breyta frumkóða]Helga er fædd í Reykjavík. Hún stundaði nám við Laugalækjarskóla[1][4] og Verzló.[5]
Sem unglingur söng hún og spilaði á gítar[3] og söng inn á litla plötu með Melchior, hljómsveit Hilmars Oddssonar.[1][4]
Á síðasta árinu í menntaskóla var hún söngkona hljómsveitarinnar Celsíus.[4] Eftir menntaskóla gerðist hún flugfreyja.[4]
Dóttir hennar, Elísabet Ormslev (f. 1993), tók þátt í undankeppni Söngvakeppni sjónvarpsins árið 2016.[6][7][8] Elísabet söng líka bakraddir inn á jólaplötu móður sinnar.[1]
Helga starfar sem tónlistarmaður og flugfreyja.[1][3]
Ferill
[breyta | breyta frumkóða]Helga skipar ásamt Jóhanni Helgasyni dúettinn Þú og ég og hafa þau starfað saman í yfir 30 ár.[9] Þau gáfu árið 1979 út slagarann „Í Reykjavíkurborg“.[9]
Frá 1996 hefur hún verið í kántríhljómsveitinni Snörunum ásamt Evu Ásrúnu Albertsdóttur og Ernu Þórarinsdóttur.[10]
Að auki hefur hún verið í Hljómsveit Gunnars Þórðarsonar og Hljómsveit Magnúsar Kjartanssonar[1] og gefið út ýmis barnalög.
Jólalög
[breyta | breyta frumkóða]Helga hefur sungið mörg af vinsælustu íslensku jólalögunum, þ.m.t. „Ég kemst í hátíðarskap“ og „Aðfangadagskvöld“ sem hún gaf út með Þú og ég.[2][11] Hún gaf út safn með ýmsum af sínum þekktu jólalögum á plötunni Hátíðarskap árið 2007 og heldur reglulega jólatónleika.[2]
Söngvakeppnin
[breyta | breyta frumkóða]Þegar Söngvakeppni sjónvarpsins var fyrst haldin 1981 (5 árum áður en Ísland tók fyrst þátt í evrópsku kepnninni) tók Helga þátt með lagið „Sýnir“ eftir Bergþóru Árnadóttur.
Hún tók ekki þátt í undankeppninni fyrir Söngvakeppnina 1986, en var fengin til að flytja lagið „Gleðibankann“ með Pálma Gunnarssyni og Eiríki Haukssyni í fyrsta skipti sem Ísland tók þátt í evrópsku söngvakeppninni sem haldin var í Noregi.
Hún tók aftur þátt í undankeppni íslensku söngvakeppninnar árin 1990, 1991, og 1992.
Tilvísanir
[breyta | breyta frumkóða]- ↑ 1,0 1,1 1,2 1,3 1,4 1,5 „„Þetta er mín plata"“. www.mbl.is. Sótt 2. ágúst 2019.
- ↑ 2,0 2,1 2,2 „Helg eru jól“. www.mbl.is. Sótt 2. ágúst 2019.
- ↑ 3,0 3,1 3,2 „Gleðibankinn stóð af sér bankahrunið“. www.mbl.is. Sótt 2. ágúst 2019.
- ↑ 4,0 4,1 4,2 4,3 „Notum hverja stund til að bregða okkur á bak“. Helgarpósturinn. 26. október 1979. bls. 22.
- ↑ „Gamlir Verzlingar fagna saman“. www.mbl.is. Sótt 2. ágúst 2019.
- ↑ „„Þetta er risastórt skref í lífinu fyrir mig og ákveðinn sigur"“. DV. 26. apríl 2017. Sótt 2. ágúst 2019.
- ↑ „Fetar Elísabet í fótspor mömmu?“. mbl.is. Sótt 2. ágúst 2019.
- ↑ „Höndlar hún að vera Eurovision-stjarna í tvær vikur? FÁSES tekur púlsinn á Elísabetu Ormslev – Við elskum Eurovision!“ (bandarísk enska). Sótt 2. ágúst 2019.
- ↑ 9,0 9,1 „Þú og ég frumflytja nýtt lag“. www.mbl.is. Sótt 2. ágúst 2019.
- ↑ „Erum bara rétt að byrja“. www.mbl.is. Sótt 2. ágúst 2019.
- ↑ „Jólin rokkuð inn“. www.mbl.is. Sótt 2. ágúst 2019.
