Blaverismo
Blaverismo (Valenciane: blaverisme) esas la termino per qua ordinare konocesas la jus naskita politikala movado kom reakto kontre la katalanista fluo dil Valenciana nacionalismo en Valencia (Hispania).
La simboli
[redaktar | redaktar fonto]On povas definar Blaverismo kom la negado pri l'existo di kulturala e simbolala elementi partigata inter Katalunia e Valencia.
La flago
[redaktar | redaktar fonto]La Valenciana flago kun la blua strio kronizita apud la masto, kreesis dum la duesma duimo di 14ma yarcento, pro rejala privilejo, la propra od oficala simbolo dil urbo Valencia.
En la Statuto pri Autonomeso di 1982 la trikolora kronizita flago esos elektita oficala Standardo di l'Autonoma Regiono Valencia.
La linguo
[redaktar | redaktar fonto]La blaveri ne aceptas l'unueso dil Kataluniana linguo propozita da Joan Fuster e li ne aceptas la Normi di Castellón di 1932 por elektar la Normi di la Rejala Akademio pri Valenciana Kulturo di 1978.
Ta movado komencis per la verko da Miquel Adlert En defensa de la llengua valenciana: perqué i cóm s’ha d’escriure la que es parola (1977) e lua protagonisto esas Adlert ipsa, e la poeto Xavier Casp, qui evolucionis dum la yari 1970a, komence ek senco unitarista.
Blaverismo obtenis importanta sucesi dum l'unesma yari di lua existo, kande ol nomesis "Milito di la linguo".