GEREJA KRISTEN PROTESTAN INDONESIA

THE CHRISTIAN PROTESTANT CHURCH IN INDONESIA

Badan Hukum No. 1 Tahun 2004.
Terdaftar Dalam Lembaran Tambahan Berita Negara RI. No. 13 Tanggal 13 Pebruari 2004

JEMAAT SIMPANG RAMBUTAN

RESORT TANJUNG JABUNG BARAT
WILAYAH VIII SUMBAGSEL

KHUSUS CALON
ULAON PAMASUMASUON

Sabtu, 06 Mei 2023

A. IBADAH
 Page 2 of 4
HATA PATUJOLO :
Sian mulana, uju ditompa Debata baoa dohot boruboru, dihalomohon Ibana do
asa gabe sada nasida di bagasan holong, masipaune-unean jala masitungkolan. Di
bagasan sangkap-Na nauli i, dipatomu jala dipasada ma Dedi Dores Sagala dohot
Priska Sitanggang. Alani i di bagasan sadari on Sabtu, 06 Mei 2023, marhite
haporseaon dohot pos niroha, jala di bagasan las ni roha na gok, dijolo ni keluarga,
sisolhot nang ale-ale, ro do nasida manjalo pasupasu sian Debata di na laho mandalani
ngolu naimbaru di bagasan parsaripeon i.
Antong rap jongjong ma hita, laho manomunomu Tuhanta dohot haroro ni
Pangoli dohot Oroan!
…..(diiringi instrumentalia)…..
1. Marende BE. No. 15 : 1-2+4 Aut Na Saribu Hali Ganda
1. Aut na saribu hali ganda saringar ni soarangki, Naeng nasa gogo bahenonku,
mamuji Debatanta i. Paboa las ni rohangki hinorhon ni pambaenNa i.
2. Tung sura sahat soarangku tu ujung ni portibi on. Naeng nasa jolma haraonku
mamuji Debata tongtong. Tama do nasa hosangki hubaen pasangap Tuhan i.
(Ruas Jongjong)
4. Mauliate ma rohangku di Ho, o Debata tongtong. Dibaen sude denggan
basaMu naung nilehonMu di au on. Ai dipatongon Ho tongtong sude na
ringkot di au on.
2. Votum/Introitus
P = Pandita H = Huria
P : Ulaon Pamasumasuon pardongansaripeon on dipungka jala dipatupa
dibagasan goar ni Debata Ama, Anak-Na Tuhan Jesus Kristus, dohot Tondi
Parbadia. Asi ni roha dohot dame ma mandongani hamu saluhutna, Amen.
H : Pujipujian, Hasangapon dohot Hamuliaon ma di Tuhanta Pardenggan basa i.
Tapuji jala tapatimbul ma goarNa. Ai Ibana do manompa langit dohot tano. Di
bagasan Ibana do pangurupion di hita. Ari on do na jinadihon ni Jahowa,
marolopolop jala marlas ni roha ma hita disi.
P : Martangiang ma hita:... (Agenda GKPI).
(Ruas Hundul)
3. Koor Ina
4. Marende BE. No. 463 : 1-2 PasupasuM TongosonMu
1. PasupasuM tongosonMu i do didok hataM i, Suru TondiM na badia, bosur ma
baen rohangki. HagogoonMu songgop ma tu rohangkon. Unang sai holan
manetek, gohi sandok diringkon.
 Page 3 of 4
2. Buat ma angka pangambat, unang songsong dalan i. Mual ni aek hangoluan
ringkot do dirohangki. HagogoonMu songgop ma tu rohangkon. Unang sai
holan manetek, gohi sandok diringkon.
5. Jamita
6. Marende BE. No. 160 : 1-2 Au Dohot Na Saripengkon
1. Au dohot na saripengkon, o Jesus, na di joloM on, Ho naeng oloannami. Ho
nampuna hami on, saleleng hosanami on; Sai pasupasu hami. Ho ma Raja
Sioloan, pausoan, sisungkunon dipatikMu, ale Tuhan!
(Pangoli dohot Oroan ro tu Jolo)
2. Sai pasupasu hami be, pasingkop bohalnami pe, padao ma hapogoson. Horasi
dohot daging i, sai tuk ma baen gogona i, manahan di ulaon. Tolong, tolong,
ganup hami, asa hami manghaposi, rohanami na sai marasi.
7. Pahothon Dohot Pamasumasuon Pardongansaripeon:
7.1. Poda Pardongansaripeon
7.2. Padan Pardongansaripeon
Pandita : On pe naeng jaloonmuna ma pasupasu pardongansaripeon i.
Alana i, patubegehon hamu ma sangkap dohot padanmuna na
dua laho mardongansaripe diadopan ni Debata dohot dijolo ni
angka dongan na pungu dison.
Pangoli : Ahu, Dedi Dores Sagala manjangkon ho, Priska Sitanggang,
gabe pardihutangku. Marpadan ma ahu sadari on, na ingkon
haholonganku ho saleleng ahu mangolu, di tingki las nang arsak
ni roha pe, tingki hipas nang uju ro parsahiton, tingki singkop
nang di na hurangan pe, songon na tama binahen ni na porsea
di Tuhan Jesus.
Oroan : Ahu, Priska Sitanggang manjangkon ho Dedi Dores Sagala,
gabe sinondukku. Marpadan ma ahu sadari on, na ingkon
haholonganku ho saleleng ahu mangolu, di tingki las nang arsak
ni roha pe, tingki hipas nang uju ro parsahiton, tingki singkop
nang di na hurangan pe, songon na tama binahen ni na porsea
di Tuhan Jesus.
7.3. Pasahat Tintin
Pangoli : Hubahen ma tintin on tu jarijarimon, songon tanda ni hot ni
padan dohot holong ni rohangku tu ho.
 Page 4 of 4
Oroan : Hubahen ma tintin on tu jarijarimon, songon tanda ni hot ni
padan dohot holong ni rohangku tu ho.
7.4. Pahothon Dohot Pamasumasuon
7.5. Pasahathon Surat Parsaripeon
7.6. Pasahathon Bibel
8. Marende BE. No. 66 : 1+3 Debata Baen Donganmi
1. Debata baen donganmi! Lao mangula ulaon mu, baen Ibana haposanmu; Sai
paserep roham i, Debata baen donganmi! Debata baen donganmi.
3. Debata baen donganmi! Sai na saut do ulaonmu, Sai na tulus do sangkapmi,
jala sonang roham i. Debata baen donganmi! Debata baen donganmi.
9. Ayat Pelean / Pelean
10. Tangiang Pelean (Agenda GKPI) / (Ruas Jongjong)
11. Marende BE. No. 497 : 1+4 Di Na Humolso Rohangki
1. Di na humolso rohangki pasari hangoluanki, Tibu bolongkononku pe,
holsongku sasude, ai i didokkon Jesus i Tuhanta na di surgo i, na sumarihon
ngolum i, denggan sudena i.
4. Marlas ni roha do au on, Ai Jesus donganki tongtong, Sai ro do sinondangNa i
tongon tu rohangki. Ipe huingot ma tongtong, ndang boi holsoan rohangkon,
Ai Damang na di surgo i pasingkop bohalhi.
12. Tangiang Panutup : Ale Amanami… d.u
13. Pasu-Pasu / Amen… Amen… Amen…

B. ACARA UMUM
1. Mandok Hata:
-Mewakili Paranak
-Mewakili Parboru
2. Sesi Foto
3. Marsijalangan (Marende BE. No. 141 : 1---)
♫ Sai tiur ma langkamuna, sai Debata ma donganmuna, nang surusuruanNa pe.
Molo diramoti Jesus, hamuna ndang tarbaen so bulus, do langkamuna sasude.
Antong, Tuhanta i, ma donganmuna i ganup ari! Hamu sude sai ingot be;
Tumangianghon hami pe.