TERTIB ACARA MINGGU TRINITATIS

(HASITOLUSADAON NI DEBATA)

IBADAH TAHUN OIKUMENE INKLUSIF 2024

HKBP RESSORT PARSAULIAN

TOPIK:
NA BADIA, NA BADIA, NA BADIA DO JAHOWA ZEBAOT
 Ev: Jesaya 6: 1-8  Ep: 1 Johannes 5: 9-13

Minggu, 26 Mei 2024

(Ibadah Siang Jam 10.00 WIB)

HURIA KRISTEN BATAK PROTESTAN

DISTRIK X MEDAN – ACEH
RESSORT PARSAULIAN
Jl. SMPN 2 Gg GEREJA Dsn XIV MULIOREJO, Kec. SUNGGAL

I. PROSESI
 Borhat ma Pandita Ressort, dohot Parhalado sian ruang konsistori diiringi
musik “Mars Tahun Oikumene Inklusif 2024”. Jongjong ma sude ruas.
II. IBADAH
1. Jou Jou tu Parsaoran U: Uluan ; R: Ruas ; S: Sude
U : Huria na hinaholongan ni Tuhanta Jesus Kristus!, janghon hamu ma
tabe sian hami sude Parhalado ni huria na adong di Ressort Parsaulian
on, Horas ma di hita saluhutna.
R : Horas ma nang di hamu Parhalado ni Tuhanta.
U : Tama situtu do hita mandok maulite tu Debata, siala pandonganion
dohot pangaramotionNa di sude pardalanan ni ngolunta. Di ari
sadarion, Minggu Trinitatis, Hasitolusadaon ni Debata, dipaloas do hita
patupahon Ibadah Tahun Oikumene Inklusif di HKBP Ressort
Parsaulian on. Manghalashon pasupasu dohot denggan basaNa do
parsaoranta sadarion, alani tapaunduk ma rohanta di adopanNa, jala
mardongan las ni roha dohot olopolop, tapasahat ma pamujionta tu
Debata. Marende ma hita!
2. Marende BE HKBP No. 569: 1-3 ”O Debata tung longang do
rohangku“
1) O Debata tung longang do rohangku, molo hubereng na tinompaMi.
Saluhut bintang, hilap dohot ronggur, manghatindanghon
hasangaponMi.
Reff: Marende au Tuhan mamuji Ho, O Debata, sangap do Ho.
Marende au Tuhan mamuji Ho, O Debata, sangap do Ho.
2) Di ladang di adaran dohot tombak, marende pidong tung mansai
sonang. Punsu ni dolok, sunge dohot rura, mamaritahon sangapMi
Tuhan. Reff:
(Jongjong)
3) Molo huingot balga ni holongMu, marhite Jesus na tarsilang i. Anak
sasadaMi O Debatangku, dilehon Ho manobus jolma i. Reff:
3. Votum - Introitus - Tangiang
U : Marhitehite Goar ni Debata Ama dohot Goar ni AnakNa Tuhan Jesus
Kristus dohot Goar ni Tondi Parbadia, na tumompa langit dohot tano on.
Amen.
Huida Tuhan i hundul di atas habangsa na timbo jala na marmulia, jala
angka rambu ni paheanNa manggohi bagas joro. Jongjong di atas
surusuruan Seraphim, jala masijouan ma nasida songon on: Na badia, na
badia, na badia do Jahowa Zebaot, gok hamuliaonNa liat portibi on.
Haleluya!
R : Mangendehon: Haleluya, Haleluya, Haleluya!
1
 U : Martangiang ma hita!
Ale Debata Sitolusada, Debata Ama, Anak dohot Tondi Parbadia! Na
mandok mauliate ma hami tu Ho, ala ditompa, dipalua jala diparbadiai
Ho hami hinorhon ni asi dohot holong ni rohaM na godang i. Sai ramoti
ma hami di bagasan parmaraan dohot pangunjunan, apuli hami uju
marsak, pahehe hami uju tinggang jala togutogu hami di hasusuda ni
bohalnami tu harajaonMu na di banuaginjang i, asa disi pujionnami Ho
marhitehite roha dohot hata naimbaru.
S :Amen (Hundul)
4.Koor: Ina Ester
Punguan Lansia HKBP Ressort Parsaulian
5.Marende BE HKBP No. 112 : 1 – 2 “Haleluya tapuji ma”
1) Haleluya! Tapuji ma Amanta Tuhan Debata, dibaen denggan basaNa.
Sai tong girgir ma hita be, pasangap Debatanta i, dibaen asi rohaNa.
Sangap, sangap, hagogoon, hatoguon, hapistaran. Di Amanta na di
ginjang
2) Haleluya! di Jesus i, talehon hasangapon i, nang pe pujipujian. Dilehon
do mudarNa i mamuri hita sasude, parade hatigoran. Denggan,
denggan parsaoranta tu Tuhanta, badiaNa. Songgop do tu huriaNa.
6. Patik
U : Tangihon ma patik ni Debata di Minggu Trinitatis sadari on ima:
Patik I – IV. (Agenda HKBP)
Ido sahatna! Antong, rap mangido gogo ma hita sian Tuhan Debata!
S : Ale Tuhan Debata, sai pargogoi ma hami mangulahon na hombar
tu PatikMi. Amen.
7. Koor: Ama Agave
Koor Lansia HKBP Jl Pelajar – Medan
8. Marende BE HKBP No. 9 : 1 – 2 “Hupuji holong ni rohamu”
1) Hupuji holong ni rohaMu O Tuhan Jesus Rajangki. Tu Ho hulehon ma
tondingku ai i do pinangidoMi. Huhalupahon ma diringku mamingkir
holong ni rohaMu .
2) Sai dilului Ho do ahu au pe huhalungunhon Ho. Ditaiti rohaMi rohangku
dibahen i hulehon do. Dipillit Ho hian tondingku i pe hutodo Ho
Tuhanku.
9. Refleksi Tahun Oikumene Inklusif 2024
U : Hamu angka dongan sahaporseaon, ditogu do hita dibagasan taon on
laho patuduhon holong ni roha ni Debata tu sandok portibion marhite
Taon Oikumene Inklusif 2024.

2
 Didok di Mateus 5: 45: “Asa tung gabe anak ni Amamuna na di banua
ginjang i hamu: Ai dipabinsar do mata ni arina tu angka parroha na
jahat nang tu na bonar, diparo do udan tu parroha na tigor nang tu na
geduk.”
Dipatuduhon Debata do holongNa tu sude angka natinompaNa so
marnida bohi. Ido nang niigil ni Debata sian hita ruas ni HKBP Ressort
Parsaulian on.
R: Marsangap ma Tuhan Jahowa naung mamasumasu ngolunta. Dipillit do
hita asa gabe pasupasu tu nahumaliang hita marhite mamaritahon
denggan basa ni Debata tu saluhut natinompa.
U: Songon angka naung mananda jala mandai denggan basa ni Debata,
tarjou do hita ruas ni HKBP asa proaktif Menghadirkan Kebaikan Allah
bagi semua ciptaanNya. Asa molo nunga tajalo jala tadai ragam ni
pasupasu sian Debata, hobas ma hita pajongjong hinadenggan ni
pambahenanta tu nahumaliang.
R: Sai patau jala pangke ma hami ale Tuhan gabe pasupasu tu angka
nahumaliang, asa tarpatupa hami angka na denggan saurdot tu HataM,
gabe lam mananda portibion, dihatiuron naung pinatupaMi.
U: Asa molo nunga tajalo basabasaNai naeng ma lam doras pardalanan ni
panghobasion ni Koinonia, Marturia dohot Diakonia marhite hita dohot
marhite huriaNa di HKBP Ressort Parsaulian on. Amen
10. Marende BE HKBP No. 172 : 1 – 2 “O Jesus
Panondang”
1) O Jesus panondang, di portibi on. Mula ni na torang, tangi hatangkon.
Sai asi rohaMu, di pardosa on. Ho ma mangapuli, au na marsak on.
(Jongjong)
2) Sesa ma dosangku, ale Tuhanhi. Ala ni mudarMu, na nilehonMi. Asal
ma rohangku, salelengna i. Ingot di hansitMu, dohot mudarMi.
11. Manopoti Dosa
U : Tatopoti ma dosanta tu adopan ni Debata, martangiang ma hita!
Ale Tuhan Debata, Pargogo na so hatudosan jala Amanami! Hujou
hami do GoarMu na badia i, ala na targogot hami marningot dosanami.
Sai marasi ni roha ma Ho mida hami on. O Tuhan Jesus Kristus, Anak
ni Debata na gabe jolma ala ni hami, na mate jala na hehe sian na mate,
na manaek tu banua ginjang do Ho mangondihon hami! Asi rohaM di
hami, sai patongtong ma di hami roha hamauliateon tu Ho. O Tondi
Parbadia, pangapul di na marsak roha, pamalum ma saluhut na bernit,
binahen ni dosanami! Ro ma Ho mangingani hami, asa marlas ni roha
3
 hami mangulahon lomo ni rohaM. Ho do parhitean ni nasa asi ni roha,
sai unang tulak hami. Sai tangihon ma hami, Ho ale Debata, Ama, Anak
dohot Tondi Parbadia ! Amen.
U : Tabege ma bagabaga ni Debata taringot tu hasesaan ni dosanta!
Ai ndang adong imbar ni i; ai saluhut do pardosa jala hurangan
maradophon hasangapon ni Debata, alai angka na gabe pintor, binahen
ni basabasa marhite sian asi ni rohaNa, hinorhon ni panobusion na
marhitehite Kristus Jesus i, na pinajongjong ni Debata bahen habangsa
parasian marhitehite haporseaon di mudarNa.
Hasangapon ma di Debata na di ginjang !
S : Amen. (Hundul)
12. Koor: Ina HKBP Ressort Parsaulian
Ina HKBP Palmarum
13. Marende BE HKBP No. 183 : 1 + 3 “Na jumpang au”
1) Na jumpang au na asi roha, di au naung mago i hian. Tuhan Jesus parasi
roha, di au na lilu nahinan. Nuaeng hutanda Tuhanhi, parasi roha bolon
i, parasi roha bolon i.
3) On pe holan asi ni roha, sipangasahononhon i. Sipujionku do Jahowa,
dung ro na pamanathon i. Unduk huhut las rohangki, mamuji asi roha i,
mamuji asi roha i.
14. Epistel
U : Tajaha ma marsingkatsoring Hata ni Debata turpuk Epistel di Minggu
Trinitatis sadarion, ima natarsurat di 1 Johannes 5 : 9 – 13.
9) Ia panindangion sian jolma tajalo do; alai sumurung do
panindangion na sian Debata, ai panindangion na sian Debata do
on, na hinatindangkonNa taringot tu AnakNa i.
10) Na porsea di Anak ni Debata, ditiop do panindangion i. Na so
porsea di Debata, i ma mambahen Ibana pargabus, ala so porsea
ibana di na hinatindanghon ni Debata taringot tu AnakNa i.
11) Jala on do panindangion i: Naung dibasabasahon Debata do tu
hita hangoluan salelenglelengna, jala di bagasan AnakNa do
hangoluan i.
12) Ia di ibana Anak i, di ibana do hangoluan i; ia so di ibana Anak ni
Debata, ndang di ibana hangoluan i.
13) Umbahen na husurat angka i tu hamu, angka na porsea di Goar ni
Anak ni Debata: Naeng botoonmuna, naung di hamu do hangoluan
na salelenglelengna!

4
 U : Ido sahatna. Martua do angka na tumangihon Hata ni Debata jala na
umpeopsa. Amen
15.Koor NHKBP
16.Marende BE HKBP No. 192 : 1 – 2 “O Tuhan Jesus Raja ni
sudena”
1) O Tuhan Jesus, Raja ni sudena, tubu sian Ama i. Haholonganhu,
sisombaonhu, sasada Ho do Tuhanhi.
(Jongjong)
2) Tombak denggan do, hauma pe denggan do, na rumatarata i. Jesus
dumenggan, Jesus gumodang, sibaen las ni rohanta i.
17. Manghatindanghon Haporseaon
U : Tahatindanghon ma haporseaonta i, songon na hinatingdanghon ni
donganta sahaporseaon di sandok portibi on. Rap ma hita mandok:
S : Ahu porsea….du
(Hundul)
18. Tingting
19. Marende BE HKBP No. 114 : 1-... “Parohon Harajaonmi” (P.
Pelean IA + IB)
1) Ale Jahowa Debata, sai tatap hami on. Ai masiboan dosa na be, do hami
tu joloM. Asi rohaM di hami be, sai sesa dosa i sude. Marhite Jesus
AnakMi, na mate di hau silang i. Di Golgata di dolok Golgata.
2) O Jesus haholongan i, sai tatap hami on. Ho pangondingannami i,
ondingi hami on. Sai unang mago hami be, ai na tinobusMi sude.
Taluhon ma sibolis i, ai na jorbut parulan ni i. Pangolu be ma hami on
sude.
(Musik)
3) Ho Tondi Parbadia i, sai tatap hami on. Lopokkon haholongonMi tu
rohanami on. Pasada rohanami be, patiur tondinami pe. Lao
mangihuthon dasdasMi, manghasiholi sondang ni. Parholong i,
pardenggan basa i.
20. J a m i t a : JESAYA 6 : 1 – 8
21. Marende BE HKBP No. 648 : 1-... “Sangap di Debata Ama”
(P. Pelean II)
1) Sangap di Debata Ama, sangap di AnakNa i, Nang di Tondi Porbadia
Debata na songkal i, Haleluya puji Tuhan salelenglelengna i.
2) Puji Raja Siparholong Sipalua jolma i. Na patauhon hita bongot tu
harajaonNa i. Haleluya puji Tuhan Raja na tarsilang i.
--(Musik)--
3) Puji Raja sian surgo Raja ni huria i. Raja ni saluhut bangso Tuhan na sun
sangap i. Langit tano sai endehon sangap di goarNa i.

5
 4) Hasangapon salelengna tarbege di surgo i. Marsaringar do soara ni na
tinompaNa i. Haleluya puji Tuhan Debata na songkal i.
22. Pasahat Tumpak tu Ressort
U : Nunga marolopolop roha dohot tondinta dibahen Debata. Antong sai
olo ma hita suruon jala pangkeon ni Tuhan i laho patulushon angka
ulaon pangkobasion di ressort on. Sai olo ma hita pangkeon ni Tuhan i
laho manumpahi angka na ringkot di bohal ni angka parbarita nauli.
On ma ombasna, ro ma hamu ganup sektor sian huria Parsaulian dohot
Palmarum, pasahathon silua manumpahi ulaon di ressort on, huhut ma
hita marende sian BE No. 848.1-...
1) Dison adong huboan Tuhan, parbue ni ngolungku na so tardok
nian. Sadia ma argana Tuhan molo sai nirajuman sude denggan
basaM? Jalo ma Tuhan, sai las ma rohaM.
2) Tanganku na metmet da, Tuhan, na so hea mansari dope au on
Tuhan; Rohangku ma hulehon Tuhan, na boi pelehononku gabe las
ni rohaM, Jalo ma Tuhan, sai las ma rohaM.
3) Huingot do hataM da, Tuhan, ingkon sarihononhon anggim na
metmet an; Ampehon ma tanganMu sangkan, Itak na otik i unang
suda nian, Jalo ma Tuhan, sai las ma rohaM.
(Jongjong)
U: Tadok ma mauliate tu Jahowa, ai pardenggan basa do Ibana, ro di
saleleng ni lelengna na do asi ni rohaNa tu hita. Nunga tapasahat
siluanta tu huriaNa. Antong, tangihon hamu ma hata ni Debata na
mandok: “Alai marhuaso do Debata mangusehon saluhut asiasi tu
hamu, asa sandok tuk situtu di hamu jala marlobilobi. Asa tau laho
patupahon saluhut ulaon na denggan”. Marsangap ma Ho ale Jahowa,
jala marmulia ma goarMu marhite ulaonnami sadarion tongtong
marolopolop ma ngolunami.
23. Tangiang Pelean: Tangiang Pesta Trinitatis, Tangiang Ale
Amanami, Pasupasu - Amen…Amen…Amen..

III. ACARA TAMBAHAN. (diatur tersendiri)

1. Tortor Persekutuan Parompuan Ressort

2. Lelang

6
7