RAHWANA PEJAH

Tokoh :

 Ramayana ( Abed )
 Rahwana ( Zahran )
 Sinta ( Adillah )
 Lasmana ( Yulia )
 Hanoman ( Raihana )
 Marica, Raja ( Shalsabilla )

BABAK 1

ADEGAN 1

Di hiji poe, Rama , Sinta, jeung Lasmana keur ulin di leuweung. Di leweung teh Sinta
ningal kidang anu endah.

Sinta : “Kakanda Rama, tingali eta kidang, mani endah katingalna. Cik atuh
pangnewakkeun kanggo Sinta.”

Rama : “Muhun sinta.” (indit ngudag kidang)

ADEGAN 2

Teu lila, Sinta teh ngadangu sora Rama menta tulung. Kusabab Sinta hawatos manehna
nitah Lasmana sangkan nyampeurkeun Rama.

Shinta : “Lasmana eta kapireng siga sora Rama menta tulung, cik atuh pang tingalkeun.”

Lasmana: “Ah moal mungkin Rama eleh ku kidang.” (Ngarasa heran tur teu percaya)

Shinta: “Cik atuh pang tingalkeun heula bisi aya naon naon.”

Lasmana: “Muhun atuh mun eta kahoyong Sinta mah, tapi Sinta tong kaluar tina ieu
bunderan kumaha oge kaayaanna.”

Shinta: “Muhun kang.” (Lasmana indit)

ADEGAN 3

Teu lila lasmana indit, datang aki-aki nu menta tulung.

Aki: “Tulung tulung, tulungan abdi .”

Aki: “Kadieu neng, tulungan ieu.”

Sinta : “Muhun ki” (lumpat nyampeuran aki) (Si aki jadi Rahwana)

Rahwana: “HAHAHAHA akhirna kuring bisa meunangkeun maneh.”

Shinta : “(reuwas) aaaaa, saha anjeun?.”

Rahwana: “Kuring Rahwana ti karajaan alengka, maneh ayeuna kudu milu jeung kuring.”

Shinta: “Teu sudi kuring milu jeung maneh.”

Rahwana: “geus tong loba omong, milu jeung kuring ayeuna(narik sinta).”

Sinta: “Tulung tulung.....”

BABAK 2

ADEGAN 1

Di tempat sejen, keur Rama ngudag kidang, eta kidang teh robah jadi raksasa nyaeta
Marica.

Rama : (lumpat, ningali kidang robah jadi raksasa, terus manehna reuwaseun)

Rama : “Euleuh, saha maneh? Geuning jadi raksasa?.”

Marica : “HUAHAHA. Lain urusan maneh eta mah. Ayeuna, saha maneh? Ek naha ngudag
kuring? Aya naon, hah?! (terus ngajak ribut).”

Rama : (ngalawan raksasa, teras raksasa eleh)

Basa raksasa eleh, datang Lasmana.

Lasmana : “Aya naon, Rama? Aya naon?.”

Rama : “Eta kidang teh robah jadi raksasa, reuwas kuring. Eh, ari Sinta dimana? Naha bet
anjeun tinggalkeun?.”

Lasmana : “Muhun, tapi tadi tos dijagaan ku bunderan anu dimatraan, moal nanaon da
tos dijagaan.”
 ADEGAN 2

Lasmana jeung Rama leumpang ka tempat Sinta.

Lasmana : “Eh, mana Sinta? Pan cikeneh ge aya didieu.”

Rama : “HAH? NU BENER? PIRAKU LEUNGIT SI.” (ngamuk)

Lasmana : “Eh tingal itu, itu pan gelang nu sok dipake Rahwana. Boa- boa Sinta diculik?!”

Rama : “Awas bae lamun diculik. Dasar Rahwana, kurang ajar. Hayu urang ka Alengka,
Lasmana.”

Lasmana : “Hayu atuh” (leumpang ka Alengka)

ADEGAN 3

Di tengah jalan …..

Hanoman : “Punten, ieu Rama?.”

Rama : “Muhun, sim kuring Rama. Aya naon?.”

Hanoman : “Hapunten, tapi paduka abdi miwarang abdi sangkan nepikeun pesan menta
tulung ti karajaan abdi, kusabab karajaan abdi teh nuju perang.”

Rama : “Nya muhun atuh. Lasmana, hayu urang bantuan.” (mangkat ka karajaan
hanoman)

ADEGAN 4

Rama jeung Lasmana tuluy ngabantuan eta karajaan nu keur perang terus meunang.

Raja : “Sim kuring ngahaturkeun sewu nuhun pisan tina bantuanna. Arurang boga hutang
budi ka maraneh. Lamun teu aya maraneh, arurang bisa eleh sawaktu perang tadi.”

Rama : “Nya, sami- sami. Ah, teu usah ngarasa kitu, jeung babaturan mah kudu saling
nulungan. Ngan sim kuring neda dihapunteun,kuring ayeuna bade angkat ka karajaan
Alengka.”

Hanoman: “Kunaon emangna? rek nyerang?”

Rama : “Nya, leres. Manehna tos nyulik Sinta, kumaha abdi bisa cicing kitu wae lamun
Sinta diculik.”
Raja : “Waduh, bahaya eta mah. Hanoman, kuring nitah maneh tur pasukan monyet
ngabantuan Rama nyerang Rahwana. Rama, tampi bantuan ti arurang ieu minangka balas
budi ti arurang.”

Hanoman : “Sumuhun, siap laksanakeun Raja.”

Rama : “Wah, hatur nuhun pisan. Nya mun kitu mah, hayu urang ayeuna ka karajaan
Alengka. Kuring kudu geuwat nyalametkeun Sinta.”

BABAK 3

ADEGAN 1

Rama, Lasmana, jeung Hanoman ahirna nyampe ka tempat Rahwana

Rama : “Rahwana kaluar maneh, balikeun Sinta ka kuring.”

Rahwana : “Aya naon ieu rame rame kieu, teu sudi kuring merekeun Sinta ka maneh.”

Rama : “Sinta teh pamajikan kuring, naha teu sudi marekeun ka kuring.”

Hanoman : “Wahh ieu mah teu bisa diantepkeun, urang serang ayeuna bae.”

Rama : “Hayuu urang maju.”

Hanoman : “Rahwana teh boga sapuluh hulu, jadi lamun rama nembak huluna manehna
teh moal paeh.”

Rama : “Jadi kuring kudu kumaha?.”

Hanoman : “Rama kudu manah jantungna make senjata panah nu mibogaan ajian kyai
dangu jadi gampang newakna. Ngan urang teu tiasa ngelehkeun Rahwana sorangan
sorangan, Paduka Rama”

Lasmana : “Urang kudu kerjasama mun rek ngelehkeun Rahwana.”

Rama : “Maraneh coba tahan Rahwana sangkan kuring bisa manah pas kana jantungna.”

Hanoman, Lasmana : “Muhun, paduka” (nangkeupan Rahwana)

Ahirna Rama ngalawan dibantuan ku Hanoman jeung Lasmana ku cara nahan si Rahwana
terus Rama manah Rahwana pas dina jantungna. Rahwana eleh. Sinta bisa balik deui ka
Rama.

-TAMAT-