Chalcogenos
| Chalcogenos |
|---|
| instantia de: gruppos del tabella periodic, main group[*] |
| subclasse de: elemento chimic |
| parte de: tabella periodic del elementos, elementos de bloco p |
|
|
|
| precedite per: gruppo de nitrogeno , succedite per: halogenos |
| Commons: Periodic table group 16 |
Le chalcogenos es le elementos chimic in gruppo 16 del tabella periodic. Illo consiste del elementos oxygeno (O), sulfure (S), selenium (Se), tellurium (Te), le elemento radioactive polonium (Po), e le elemento synthetic livermorium (Lv).
Nomines
[modificar | modificar fonte]Iste gruppo es etiam note como le familia de oxygeno.
Ben que omne elementos de gruppo 16 includente oxygeno se defini como chalcogenos, oxygeno e oxydos es usualmente distinguite de chalcogenos e chalcogenidos. Le termino chalcogenido es plus communmente reservate pro sulfidos, seleniatos, e telluratos, plus tosto que pro oxydos.
Ben que le parola "chalcogeno" deriva litteralmente de parolas grec con le signification "formator de cupro", le signification es plus proxime a "formator de mineral de cupro" o plus generalmente "formator de mineral". Iste elementos electronegative es fortemente associate con minerales que contine metallos, ubi illo ha formate compositos insolubile per aqua con le metallos in le minerales.
Proprietates
[modificar | modificar fonte]Membros de iste gruppo monstra patronos similar in lor configuration electronic, specialmente le conchas le plus externe, resultante de tendentias similar de conducto chimic.
Oxygeno e sulfure es nonmetallos, e selenium, tellurium, e polonium es semiconductores metalloide (con proprietates inter illos de un metallo e un insulator). Nonobstante, e tellurium e selenium communmente se refere como un metallo quando in forma elemental.
Chalcogenidos metallic es commun como minerales. Pro exemplo, pyrite (FeS2) es un mineral de ferro. Le mineral rar calaverite es le ditellurido AuTe2.
Le numero de oxydation formal del compositos de chalcogeno le plus commun es −2. Altere valores, como −1 de pyrite, pote attinger se. Le numero de oxydation formal le plus alte +6 se trova in sulfatos, selenatos, e telluratos, como acido sulfuric (H2SO4) o selenato de sodium (Na2SeO4).
