Musical
| Musical |
|---|
| instantia de: genere musical[*], theatrical genre[*], type of dramatico-musical work[*] |
| subclasse de: musical drama[*], audiovisual work[*], play[*], performing arts production[*] |
|
|
|
| data de creation: 1560 |
| Commons: Musicals |
Le musical[1] es un forma de theatro que combina le canto, parlar, accompaniamentos musical e dansa. Un spectaculo de musical narra un historia per le jocar e cantos. Le majoritate de musicales ha un mixtura del parlar e canto, ma alcun ha solmente canto. Le phrase es usalmente associate con le formas in paises anglophone, specialmente le scenas del theatros de Broadway in New York City e West End in London. Iste paises ha etiam scenas alternative in le urbes major (p.e. Off-Broadway in New York City), theatros in urbes altere e productiones amateur. Musicales ha essite create e interpretate in paises altere, specialmente postea le annos 1990.
Theatro que combina drama e musica es un concepto antique. Formas moderne del musical veniva del operas comic (specialmente Gilbert e Sullivan) e operettas, subgeneres allegre del opera. Le musical non ha le traditiones e conventiones distinctive del opera e ha incorporate plus de influentias del theatro non-musical. Le genere era establite in New York City per le travalios de Edward Harrigan, Tony Hart, George M. Cohan e alteros, decades ante le successos popular e critic de Show Boat (1927), Of Thee I Sing (1931) e Oklahoma! (1943). Show Boat era specialmente influential proque illo incorporava drama seriose. Le era ab 1940 usque 1970 era un etate auree de theatro musical statounitese, per le obras de Richard Rodgers, Oscar Hammerstein II, Lorenz Hart, Irving Berlin e Leonard Bernstein.
Usque le annos 1960, le musical era influentiate principalmente per musica classic e jazz. Post 1960, Stephen Sondheim introduceva nove influentias e themas, e altere musicales como Hair (1967) includeva influentias del musica rock. Durante le annos 1980, alcun musicales de Andrew Lloyd Webber, Les Misérables (1985) e Miss Saigon (1989) deveniva megamusicales, que ha successo commercial sin precedente. Le dominantia commercial de megamusicales, adaptationes de filmes, adaptationes altere, e revivales de musicales classic ha incoragiate le disveloppamento de scenas alternative. Le genere continue evolveva; per exemplo, Hamilton (2015) incorporava aspectos de hip hop.
Le musical es relatate al film musical. Multe musicales adapta un film musical (o non-musical) e reciprocamente, multe musicales succedite ha essite adaptate pro cinema.