Myšecy

**Myšecy**
Muschelwitz
	Połoženje Myšec na karće Hornjeje Łužicy
	Połoženje Myšec na karće Hornjeje Łužicy
gmejna:	Hodźij
zagmejnowanje:	1936 (do Prěčec)
wobydlerstwo:	77 (31. decembra 2022)
přestrjeń:	1,576 km²
wysokosć:	173 metrow n.m.hł.
	51.21083333333314.316111111111173 Koordinaty: 51° 12′ 39″ S, 14° 18′ 58″ W
póstowe čisło:	02633
předwólba:	035937
	wobydler/ka:; Myšečan/-ka
	adjektiw:; Myšečanski
	skłonowanje:; Myšec, Myšecam, Myšecy, Myšecami, w Myšecach
	Powětrowy wobraz Myšec Powětrowy wobraz Myšec
	wikidata: Myšecy (Q160663)

Myšecy (prjedy tež Mušecy; němsce Muschelwitz) su wjes we wuchodosakskim Budyskim wokrjesu, kotraž słušeja ke gmejnje Hodźij.

Geografija

Stary dźěl wjeski leži 173 m nad mórskej hładźinu na prawym brjoze Čornicy při skłoninje. Nowše sydlišćo z něhdyšej šulu, dźensnišej pěstowarnju, bu na lěwym brjoze rěčki natwarjene. W NDRskim času bu Čornica pola Myšec zrunana, w lěće 2023 pak zaso renaturěrowana. Susodne wjeski su Sulšecy na sewjeru, Lešawa na juhowuchodźe a Prěčecy na juhozapadźe.

Ležownostne mjena

Michał Rostok naliči 1887 slědowace serbske ležownostne mjena: Žele, Chrósty, Fórmanki, Kamjeńc, Šćežki, Smohi, Bóńc, Hory, Doły, Wowče hórki, Šěroke, Pola Lešawy, Za rěku, W Lipach, Wabiny (we Wabinach), Bokač, Strónje, Hajki.^[2]

Stawizny

Prěnje historiske naspomnjenje jako Mislesovici sta so hižo w lěće 1088.^[3] Porno wšěm bjezposrědnim susodnym wsam, ale runje tak kaž Hodźij njesłušachu Myšecy do Hornjołužiskeho markhrabinstwa, ale běchu jako prjedawše wobsydstwo Mišnjanskich biskopow jako eksklawa hižo wot 1559 dźěl sakskeho kurwjerchowstwa.

Po Mukowej statistice mějachu Myšecy we 1880tych lětach cyłkownje 96 wobydlerjow, z nich 94 Serbow a jenož dwaj Němcaj.^[4]

Infrastruktura

Myšečanska pěstowarnja „Při baćonjacym hnězdźe“ je w nošerstwje Hodźijskeje gmejny a ma dwurěčnej WITAJ-skupinje. Wona je zaměstnjena w twarjenju něhdyšeje wjesneje šule.

Wosobiny

Hanuš Knjez (1863–1887) – serbski wučer, spisaćel, litograf; 1884–87 wučer w Myšecach

Žórła

↑ staw: 31. decembra 2022; Podaća gmejnskeho zarjada Hodźij
↑ Michał Rostok: Ležownostne mjena. W: ČMS 40 (1887), str. 3–50, tu str. 21 (digitalizat).
↑ Myšecy w Digitalnym stawizniskim zapisu městnow Sakskeje (němsce)
↑ Ernst Tschernik: Die Entwicklung der sorbischen Bevölkerung. Akademie-Verlag, Berlin 1954, str. 56. → wšě wjeski

Wotkaz

Commons: Myšecy – Zběrka wobrazow, widejow a awdiodatajow

Wjesne dźěle Hodźija

Hodźij:	Bóšericy \| Brěza \| Darin \| Debiškow \| Janecy \| Zemichow
Koblicy:	Běčicy \| Čěškecy \| Dobranecy \| Mała Praha \| Njezdašecy
Mała Boršć:	Dźiwoćicy \| Hornja Boršć \| Nowe Błohašecy \| Praskow \| Tři Hwězdy
Prěčecy:	Baćoń \| Čornecy \| Haslow \| Liboń \| Myšecy \| Pozdecy \| Sulšecy
Spytecy:	Lutyjecy \| Nowe Spytecy
Žičeń:	Žičenk

[1] staw: 31. decembra 2022; Podaća gmejnskeho zarjada Hodźij

[2] Michał Rostok: Ležownostne mjena. W: ČMS 40 (1887), str. 3–50, tu str. 21 (digitalizat).

[digit-3] Myšecy w Digitalnym stawizniskim zapisu městnow Sakskeje (němsce)

[4] Ernst Tschernik: Die Entwicklung der sorbischen Bevölkerung. Akademie-Verlag, Berlin 1954, str. 56. → wšě wjeski

[1]

[2]

[3]

[4]