Tetãvore Misiónes

Misiones Misiones
'
Tetã	Paraguái
Tetãvore
Távayguakuéra	103.633 habitantes ava
Ape távagui	km²
ISO
Yvatekue	m
Koordinasion

Misiones ha'e tetãvore Paraguái retãmegua, oĩva ñembý ha kuarahy resẽ gotyo. Itavaguasu ha'ehína San Juan Bautista.

Ko tetãvorepe oiko 103 633 ava (2002 ary).

Misiones: ary 1893 pe oikova’ekue Villa icha. Ko táva ojeguerohory mayma ogakuéra, oguerohorýgui yvotyty neporãmba jepéva. Ko’ápe heñoiva’ekue Agustín Pío Barrios (Mangore), karai katupyry pupotýpe.

San Juan Bautista oñemohenda peteĩ tende yvatépe, mombyry 18 km. San Migeul gui, oguahẽva guive ko távape katuetei ho’u tembi’u oñembohérava “batiburrillo”.

Tavayguakuéra oñemitỹ ha omongakuaa mymba kuera. Mba’e ojehecharamovéva ha’e : yvukuéra, ñu, estancia, tupao guasu. Heta tavaguasú pe oĩ museos arte sacro jesuítico rehegua ojehecharamóva avei.

Tava

Tetãvore Paraguái: Misiones.

Oguerko pa tetã’i:

• San Juan Bautista
• Ayolas
• San Ignacio
• Santa María
• Santiago
• Villa Florida
• San Miguel
• San Patricio
• Santa Rosa
• Yabebyry

Localización

Ko tetã vore opyta Región Oriental yvy gotyo, 220 km Paraguay gui.

Límites

San Juan Bautista jerére oĩ

San Juan Bautista.

• Yvate gotyo: Paraguari ha Ka'asapa ndive.
• Yvy gotyo: ysyry Parana omohembe’ýva tatã Argentina ndive ha Provincia Corientes ndive avei.
• Kuarahyresẽ gotyo: tetã’i Itapúa ndive.
• Kuarahy reike gotuo: tetã’i Ñe'embuku ndive.

Tavusu

Ko tetã vore tavusu ha’e San Juan Bautista. Opyta 196 km. Paraguaýgui.

Ysyrykuéra

Mokõi ysyry guasu rupi oñemoambue ambue távagui. Yvate gotyo oĩ ysyry guasu Tevikuary, omoambuéva tetã’i Paraguaígui.. Yvy gotyo oĩ ysyry guasu Paraná, omoambuéva Argentina gui.

Ysyrykuéra apytépe oĩ: Javevyry, Atingy, Aguaray, Ytororõ, Ka’a Po’i ha San Tadeo.

Hembiasakue

San Ignacio.

Ko tetã vore oñepyrũva’ekue siglo XVIII ypyrõ guare, tembiapo jesuita kuera rehe, ary 1632 pe. Ourõ guare jesuita kuera pokõi táva opyta Brasil pe, papo Argentina me ha poapy Paraguáipe. Ko’ãva ha’e: San Ignacio Guazú, Santa María de Fe, Santa Rosa de Lima, Santiago, San Cosme y Damián, Itapúa, Trinidad ha Jesús. Ary 1790 pe heñoiva’ekue Yavevyry. Muruvicha Carlos Antonio López omotenondeva’ekue heñoi hagua táva San Miguel ha San Juan Bautista de las Misiones. Ary 1906 pe heñoi’va'ekue tetã vore San Ignacio, Santa Rosa, Santa María, Santiago, San Juan Bautista, San Miguel, Ayolas ha Florida].

Economía

San Miguel

San Miguel

Ko tetã vorépe oñemongakuaave vaka omongakuaa avei ovecha, kavaju kavara ha kure. Oñemitỹ arro, avati soja narã takuare’ẽ jety, papa ha mandyju.

Mba'eicha ñaguahē ha ñe'ēpypore

Ko tetãvorépe ñaguahẽ tape hũ hérava Mariscal Francisco Solano López rupi (Ruta 1). Ko tape hũ ombojoaju avei tetãvore Encarnación ndive.

Ñe'ēpypore

Misiones oguereko pukoe, avei oguereko ta’angambyry.

Iporãnguete oīva

Heta tenda porã oguereko Misiones, oĩ tavaguasu Villa Florida oguerekóva ñupyso iporãitereíva ikatuhápe jahasa porã opa ára.

San Ignacio pe ikatu Semana Santa pe jajeguerotopa karai Koki Ruiz rembiapóre, obra iporãmba jepéva, ojapóva opa mba'eichaguagui otopáva upe rupi.

Bibliografía

• Geografía del Paraguay - Editorial Hispana Paraguay S.R.L.- 1a. Edición 1999 - Asunción Paraguay
• Geografía Ilustrada del Paraguay - ISBN: 99925-68-04-06 - Distribuidora Arami S.R.L.
• La Magia de nuestra tierra. Fundación en Alianza. Asunción. 2007.