دۊختر

دۊختر یا دتر واجه‌ئني ايسد کي مؤنث ٚ زای-أ گئده. ايته لاکۊ هر سند ؤ سالي کي بدأره، خۊ پئر ؤ مأر ٚ دۊختر ايسه. مذکر ٚ زاکان-أ ني پسر گئده. بيؤلؤژيکي نظر ٚ جه، دۊختر درجه یک ٚ خيش محسۊب به.

ايته تاتايي کي ۱۹۳۱ سال ٚ شينه ؤ چارته نسل جه ماران ؤ دۊختران-أ شأ دئن

آناستازيا ؤ سۊفيا، فنلاند ٚ ريئيس جؤمۊر مارشال مانرهیم ٚ دۊختران

بتسي فؤرد، آمريکا أوولي وانئی خۊ دۊختر ٚ أمرأ

واجه‌شيناسي

گيلکي زوان ٚ مئن، خانوادگي نسبت ؤ عاطفي جۊمله‌ئن ٚ مئن، دۊختر یا دتر ٚ واجه‌ئن گۊته به ؤ مؤنث ٚ اينسان ٚ عام ٚ معني ايشاره وأسي، لاکۊ یا کؤر ٚ جه ايستفاده به. گيلکي دۊرۊن دۊختر، اينگيليسي «Daughter» مۊعادل ؤ لاکۊ یا کؤر ني «Girl» واجه مۊعادل ايسه. گيلکي مئن حالت یا مؤقعيت أساس ٚ سر، دۊختر ؤ کؤر-أ سيوا گئده ولي فارسي مئن أتؤ نيه ؤ همه جيگا هۊ «دختر» گۊته به.

مثال:

1. أ کؤر أمي همسایه ايسه.
2. مریم، مي ريفئق ٚ دۊختر ايسه.
3. أ کؤر مي دۊختره.