Tequila (banda)
| Tequila | |
|---|---|
 | |
| Orixe | Madrid, Comunidade de Madrid  , España  |
| Período | 1975 – 1983, 2008 |
| Xénero(s) | Pop, Rock |
| Selo(s) discográfico(s) | Zafiro |
| Membros | Alejo Stivel Ariel Rot Julián Infante Felipe Lipe Manolo Iglesias |
| Na rede | |
| www.vuelvetequila.com | |
     | |
Tequila foi unha banda hispano-arxentina de rock fundada cara 1975. Foi unha das bandas míticas nos primeiros anos de democracia en España.
Membros
[editar | editar a fonte]| * | Alejo Stivel | Voz |
| * | Ariel Rot | Guitarra |
| * | Julián Infante | Guitarra |
| * | Felipe Lipe | Baixo |
| * | Manolo Iglesias | Batería |
Discografía
[editar | editar a fonte]Álbums
[editar | editar a fonte]| * | Matrícula de honor | (1978) |
| * | Rock and Roll | (1979) |
| * | Viva! Tequila! | (1980) |
| * | Confidencial | (1981) |
Historia
[editar | editar a fonte]Tequila xurdiu no contexto da Movida madrileña, rematado o franquismo, achegando un rock con influencias de artistas coma Chuck Berry e, sobre todo, The Rolling Stones, soando de xeito moi afastado dos entón puxantes acordes punk. Temas coma Salta (que soou por primeira vez no famoso concurso televisivo Un, dos, tres... responda otra vez), Quiero besarte ou Rock and Roll en la plaza de un pueblo, catapultaron os cinco membros de Tequila ao estrelato. Disolvéronse en 1982 entre outros motivos polas constantes discusións dos seus membros, xa enganchados á lacra daquela xeración: a heroína.
Trala disolución da banda, Ariel Rot e Julian Infante volverían xuntarse nos anos 90 para crea-lo tema Me vuelvo loco, cortina do programa arxentino Duro de domar, mentres que Alejo Stivel seguiría unha exitosa carreira coma produtor discográfico. Manolo Iglesias faleceu no 1994 e Julián Infante no 2000, ambos vítimas da SIDA.[1]
No 2008, os superviventes da banda volverán reunirse coma Tequila, fichando a tres músicos máis: Josu García, Daniel Griffin e Mauro Mieta. Realizarán unha xira veraniega e a discográfica Sony-BMG editará un disco e un DVD coas súas antigas actuacións en televisión.[2]
Notas
[editar | editar a fonte]- ↑ Dos ausentes en el camino Arquivado 05 de xuño de 2020 en Wayback Machine. Artigo en elperiódico.com
- ↑ Tequila volverá a la carretera este verano y publicará un disco y DVD Arquivado 18 de setembro de 2019 en Wayback Machine. Artigo en elperiódico.com
