Passau

Passau
Localización
	48°34′29″N 13°27′40″L / 48.5748229, 13.4609744
Estado	Alemaña
Estado federado	Baviera
Distrito rexional	Baixa Baviera
Capital de	Distrito de Passau ; principado episcopal de Passau (1263–1803); distrito do Baixo Danubio (1808–1837)
Contén a división administrativa	Altstadt ; Grubweg ; Hacklberg ; Haidenhof ; Hals ; Heining ; Innstadt
Poboación
Poboación	54.401 (2023) (782,07 hab./km²)
Xeografía
Parte de	Stimmkreis Passau-Ost
Superficie	69,56 km²
Bañado por	Río Danubio, Río Inn e Ilz
Altitude	312 m
Comparte fronteira con	Salzweg, norte ; Freinberg (pt) , sueste ; Schardenberg (pt) , sueste ; Tiefenbach (pt) , norte ; Distrito de Passau ; Neuburg (pt) , sur ; Vilshofen an der Donau (pt) , oeste ; Fürstenzell (pt) , Suroeste ; Thyrnau (pt) , Nordés ; Windorf (pt) , noroeste
Organización política
• Xefe do goberno	Jürgen Dupper (2008–)
Membro de	Working Group of Bicycle-Friendly Municipalities in Bavaria (en) ; Bayerischer Städtetag (pt) ; Alcaldes pola Paz (2006–)
Identificador descritivo
Código postal	94032, 94034, 94036 e 94001
Prefixo telefónico	0851
Código NUTS	DE222
Clave de rexión en Alemaña	092620000000
Número de municipio alemán	09262000
Outro
Irmandado con	Montecchio Maggiore (pt) ; Liuzhou (pt) ; České Budějovice ; Veszprém ; Faro ; Scurcola Marsicana (pt) ; Krems an der Donau (pt) ; Eferding (pt) ; Colônia Tovar (pt) ; Cagnes-sur-Mer ; Málaga ; Dumfries ; Hackensack (pt) ; Akita (1984–)
Sitio web	passau.de

Passau é unha cidade bávara nas ribeiras do Danubio e na fronteira con Austria. É denominada a cidade dos tres ríos porque ademais do Danubio atravésana os ríos Inn e Ilz. Segundo o censo de 2007 conta con máis de 50000 habitantes. A cidade vella (Altstadt) está bordeada polos ríos Danubio e Inn. O conxunto do termo municipal ten unha extensión de aproximadamente 70 km². Alexander von Humboldt, xeógrafo e etnógrafo alemán do século XVIII, considerábaa unha das cidades máis fermosas de Europa.

Historia

Tense constancia de asentamento de poboación no territorio onde está actualmente a cidade desde antes da chegada dos romanos. Os romanos construíron o castelo de Boiotro e integraron o territorio á provincia de Recia ata o ano 476 en que abandonaron a rexión. En 739 pasou a ser sede episcopal. Desde 1217 ten os privilexios de cidade episcopal de bispo-príncipe (Fürst) e no ano 1225 adquiriu categoría de cidade.

Passau é o lugar da orixe do Ausbund, o libro de cantos protestantes máis antergo e que aínda empregan hoxe en día os Amish nas súas liturxias. Este libro foi escrito entre 1535 e 1540 polos chamados Bautistas que foran presos na fortaleza da cidade e que despois da súa morte foron considerados mártires.

A cidade foi reconstruída baixo o mandato de arquitectos italianos despois do incendio de 1662, que a destruíu case totalmente. De aí vén a súa arquitectura barroca e que reclamen para si unha certa atmosfera mediterránea que a diferencia das cidades da súa contorna. É desde o ano 1803, e no contexto das guerras napoleónicas, pasa a formar parte de Baviera.

Debido aos tres ríos que a atravesan ten sido asolagada polas enchentes destes ríos e varias ocasións. A máis grave no ano 1954 aínda que no ano 2002 tiveron outro asolagamento importante.

Na historia recente da cidade está marcada como feito sinalado a fundación en 1978 da súa universidade. A máis recente das existentes en Baviera. Conta con 8000 estudantes, repartidos en cinco facultades: Teoloxía, Leis, Ciencias Económicas, Informática, Matemáticas e Filosofía. Debido a que o 12% dos estudantes son estranxeiros pola cantidade de convenios internacionais que asinou a universidade a cidade adquiriu carácter cosmopolita. A cidade experimentou un grande cambio desde a fundación da universidade que ten un peso importante tanto a nivel demográfico así como dinamizador cultural.