O lapis do carpinteiro (filme)

O lapis do carpinteiro
Ficha técnica
Título orixinal	El lápiz del carpintero
Director	Antón Reixa
Produtor	Juan Gordón Antón Reixa
Guión	Xosé Morais Antón Reixa
Baseado en	O lapis do carpinteiro de Manuel Rivas
Intérpretes	Tristán Ulloa Luís Tosar María Adánez Nancho Novo
Música	Lucio Godoy
Fotografía	Andreu Rebés
Montaxe	Guillermo Repesa
Distribuidora	Biblos Clube de Lectores La Voz de Galicia Warner Sogefilms
Estrea	2002
Duración	100 minutos
Orixe	Galicia
Xénero	Drama
Orzamento	€ 3.300.000
Na rede

O lapis do carpinteiro (en castelán: El lápiz del carpintero) é un filme galego dirixido por Antón Reixa baseado na novela homónima de Manuel Rivas. O filme conta unha historia ambientada durante a guerra civil española en Galiza. Obtivo os premios, o mellor actor e o do público, no Festival Internacional de Cine de Mar del Plata (2004).

Sinopse

Daniel Da Barca é un xove médico e intelectual republicano encarcerado polas súas ideas na Galicia de 1936. A súa moza, Marisa Mallo, filla dun coñecido oportunista reaccionario, loita dende fóra para devolverlle a liberdade. A testemuña do seu amor é Herbal, un apoucado carcereiro que asiste entre atónito e furioso ás historias e conversas que manteñen os presos para facer máis levadora a súa condena. Moitos presos son fusilados clandestinamente; axiña chegará a quenda de Daniel e será de novo Herbal quen, vítima e verdugo dos seus propios medos, se debata entre a violencia e a conciencia.

Personaxes

• Tristán Ulloa como Daniel Da Barca
• Luís Tosar como Herbal
• María Adánez como Marisa Mallo
• Carlos Blanco como Pintor
• Nancho Novo como Zalo
• María Pujalte como Beatriz
• Manuel Manquiña como Benito Mallo
• Anne Igartiburu como Madre Izarne
• Maxo Barjas como Laura
• Carlos Sobera como Landesa
• Serxio Pazos como Sarxento Somoza
• Xosé Manuel Esperante como Boldemir

Galardóns e nomeamentos

• 2004: XIX edición do Festival Internacional de Cine de Mar del Plata, Arxentina. Premio ao mellor actor (Luís Tosar) e premio do público.
• 2004: Festival Cinespaña de Tolosa. Filme máis votado polo público.

Véxase tamén

Ligazóns externas

• O lapis do carpinteiro en AVG