Karl Asmund Rudolphi

Karl Asmund Rudolphi
	;
Biografía
Nacemento	14 de xullo de 1771 ; Estocolmo, Suecia
Morte	29 de novembro de 1832 (61 anos); Berlín, Alemaña
Educación	Universidade de Greifswald (pt) ; Universidade de Gotinga ; Universidade de Jena
Director de tese	Christian Ehrenfried Weigel
Actividade
Campo de traballo	Zooloxía e botánica
Ocupación	biólogo, anatomista, fisiólogo, parasitólogo, botánico, zoólogo, profesor universitario, helminthologist (en)
Empregador	Universidade de Greifswald (pt) ; Universidade Humboldt de Berlín
Membro de	Academia de Ciencias de Rusia (membro estranxeiro) (1810–); Academia de Ciencias de Rusia (1803–); Leopoldina ; Real Academia das Ciencias de Suecia ; Academia Prusiana das Ciencias
Alumnos	Friedrich Gustav Jakob Henle
Obra
Doutorando	Johannes Peter Müller
Abreviación dun autor en botánica	Rudolphi
Arquivos en	Museum für Naturkunde Berlin, Archive (en) MfN, HBSB, N022 Nachlass Karl Asmund Rudolphi ;
Familia
Fillos	Julia Rudolphi
Premios
	Order of the Red Eagle 3rd Class (en) ;
Descrito pola fonte	Nordisk familjebok; Allgemeine Deutsche Biographie; Obálky knih,

Israel Karl (ou Carl) Asmund (ou Asmunt, ou Asmus) Rudolphi, nado o 14 de xullo de 1771 en Estocolmo, e finado o 29 de novembro de 1832 en Berlín, foi un botánico e zoólogo alemán de orixe sueca.

Está considerado como o "pai" da helmintoloxía.

Traxectoria

O seu pai era un mestre de escola e pastor protestante, en Stralsund, Pomerania, que naquela época pertencía á coroa sueca.

Rudolphi realizou os seus estudos na Universidade de Greifswald onde obtivo o doutoramento en filosofía en 1793.

Posteriormente estudou medicina na Universidade de Jena, e despois nas de Dresde, Erlangen e Göttingen.

Defendeu a súa tese de doutoramento, co título en francés, Sur les vers intestinaux, na Universidade de Greifswald.

En 1801, despois de dar clases na Escola de Veterinaria de Berlín, foi designado profesor no Instituto Veterinario de Greifswald, para, en 1808, obter a cátedra de Anatomía e Fisioloxía na Universidade Humboldt de Berlín.

En 1810 Rudolphi fundou o "Museo de Zooloxía de Berlín" que chegaría a ser, baixo o nome de Humboldt-Universität zu Berlin Museum für Naturkunde, un dos máis grandes do mundo.

Rudolphi contribuíu en numerosos dominios da historia natural e da bioloxía, especialmente en parasitoloxía, en anatomía e en fisioloxía. Foi o primeiro en describir os nematodos en Enterozoorum, Sive Vermium Intestinalium Historia Naturalis (1808-1810) seguindo con Entozoorum Synopsis (1819).

Un dos seus libros máis célebres foi o Grundriss der Physiologie, cuxa primeira versión aparece en 1821 e que melloraría até a fin da súa vida. Neste texto afirmaba que as razas humanas deben ser consideradas como especies, o que constituíu un soporte teórico de base do racismo científico alemán e escandinavo.

Será Johannes Peter Müller (1801-1858) quen o suceda na cátedra de Fisioloxía e Anatomía da Universidade de Berlín.

Algunhas publicacións

"Beobachtungen über die Eingeweidewürmer". En: Archiv für Zoologie und Zootomie 2, 1801, pp. 1–65.
"Neue Beobachtungen über die Eingeweidewürmer". En: Archiv für Zoologie und Zootomie, 3, 1803, pp. 1–32.
"Bemerkungen Aus Dem Gebiet Der Naturgeschichte, Medicin Und Thierarzneykunde: Auf Einer Reise Durch Einen Theil Von Deutschland, Holland Und Frankreich Gesammelt". En der Realschulbuchhandlung, Berlin, 1804.
Entozoorum sive vermium intestinalium historia naturalis. Ámsterdam, 1808-10, 3 vols.
Synopsis entozoorum. Berlin, 1819.
Grundriß der Physiologie. Berlin 1821-1828, 3 vols.
Anatomie der Pflanzen. Berlin, 1807
Beiträge zur Anthropologie und allgemeinen Naturgeschichte. Berlin, 1812

Honores

En 1816 foi elixido como membro estranxeiro da Real Academia das Ciencias de Suecia.

Eponimia

Aves

Paradisaea rudolphi Finsch, 1885

Peixes

Pareiorhina rudolphi Miranda Ribeiro, 1911
Pimelodella rudolphi Miranda Ribeiro, 1918

Himenópteros

Myrmelachista rudolphi Forel, 1903

Dípteros

Tomoplagia rudolphi Lutz & Lima, 1918

Anélidos

Schistomeringos rudolphi Delle Chiaje, 1828

Nematodos

Desmoscolex rudolphi Steiner, 1916

Abreviaturas

Botánica: A abreviatura Rudolphi emprégase para indicar a Karl Asmund Rudolphi como autoridade na descrición e clasificación científica dos vexetais.

Zooloxía: A abreviatura Rudolphi emprégase para indicar a Karl Asmund Rudolphi como autoridade na descrición e taxonomía en zooloxía.

Véxase tamén

Bibliografía

Grove, David I. (1990): A History of Human Helminthology Arquivado 19 de agosto de 2016 en Wayback Machine.. Wallingford, UK: CAB International. ISBN 0-86198-689-7.

Ligazóns externas

Klaus Beneke: Karl Asmund Rudolphi (14 de xullo de 1771, Estocolmo, † 29 de novembro de 1832, Berlín) und seine Bedeutung für die Entwicklung der Medizin und Naturwissenschaften im 19. Jahrhundert". uni-kiel.de (PDF)
Biografía de Karl Asmund Rudolphi en Wissenschaftliche Sammlungen an der Humboldt-Universität zu Berlin (en alemán)