Jesús Dopico Ferreiro
| Biografía | |
|---|---|
| Nacemento | 24 de decembro de 1902  Ferrol, España |
| Morte | década de 1970 (67/77 anos) México |
| Actividade | |
| Ocupación | violinista, político |
Jesús Dopico Ferreiro,[1] nado en Ferrol o 24 de decembro de 1902 e finado en México cara a 1975, foi un violinista e político galego.
Traxectoria
[editar | editar a fonte]Presentouse ao público como violinista nun concerto no teatro Jofre de Ferrol en xullo de 1923.[2] Fixo estudos en París subvencionado pola Deputación da Coruña, e foi diplomado no Conservatorio de París. Foi solista do Teatro Lírico Nacional e foi nomeado catedrático de violín no Conservatorio Rexional da Coruña en novembro de 1935.[3] Logo do golpe de Estado do 18 de xullo de 1936 integrouse no batallón de Milicias Populares Galegas.[4] Militou en Izquierda Republicana e afiliouse á UGT.[5] Foi axente da Dirección General de Seguridad.[6] Coa derrota da República pasou a Francia. Exiliouse en México, arribando ao porto de Veracruz no barco Ipanema o 7 de xullo de 1939.[7] Foi o primeiro presidente do Padroado da Cultura Galega de México. Foi responsable da área de Música no Instituto Hispano-Mexicano Ruiz de Alarcón dirixido por Pedro Martul Rey. Colaborou na publicación do libro do Padroado Presencia de Galicia en México (1954).
Notas
[editar | editar a fonte]- ↑ Nalgunhas fontes aparece como Jesús Dopico Barreiro
- ↑ El Correo Gallego, 27-7-1923, p. 2.
- ↑ El Correo Gallego, 6-11-1935, p. 3.
- ↑ Ficha de Jesus Dopico Ferreiro no CDMH
- ↑ Ficha de Jesus Dopico Ferreiro no CDMH
- ↑ Ficha de Jesus Dopico Ferreiro no CDMH
- ↑ Ficha na Secretaría de Gobernación. Departamento de Migración de México
Véxase tamén
[editar | editar a fonte]Bibliografía
[editar | editar a fonte]- Vilanova Rodríguez, Alberto (2005). "Dopico Barreiro, Jesús". Gran Enciclopedia Galega Silverio Cañada (DVD). El Progreso. ISBN 84-87804-88-8.