Jan-Ove Waldner

Jan-Ove Waldner

(2012)
Biografía
Nacemento	3 de outubro de 1965 (59 anos) Estocolmo, Suecia
Altura	180 cm
Actividade
Ocupación	xogador de pimpón
Deporte	tenis de mesa
Participou en
2004	Xogos Olímpicos de 2004
25 de setembro de 2000	table tennis at the 2000 Summer Olympics – men's singles (en)  (medalla de prata olímpica)
1996	Xogos Olímpicos de 1996
6 de agosto de 1992	table tennis at the 1992 Summer Olympics – men's singles (en)  (medalla de ouro olímpica)
1988	Xogos Olímpicos de 1988
Premios
(2015)  ETTU Hall of Fame (en) (2003)  ITTF Hall of Fame (en)  Sueco Internacional do Ano

Jan-Ove Waldner, nado en Estocolmo o 3 de outubro de 1965, é un xogador de tenis de mesa retirado sueco. Foi coñecido como "o Mozart do tenis de mesa", e está considerado un dos mellores xogadores de tenis de mesa de todos os tempos. É unha lenda do deporte en Suecia e na China, onde é coñecido como 老瓦 Lǎo Wǎ ("Vello Waldner") ou 常青树 Cháng Qīng Shù ("Árbore Sempre Verde"), a causa da súa extraordinaria lonxevidade e competitividade.

Traxectoria

Jan-Ove Waldner naceu en Estocolmo en 1965. O seu potencial deportivo foi recoñecido dende moi novo e destacou en 1982 cando chegou á final do Campionato Europeo con dezaseis anos, perdendo contra o seu compañeiro manicho Mikael Appelgren, que nese momento era considerado o sucesor lóxico do Campión do Mundo sueco Stellan Bengtsson. Mentres aínda estaba a desenvolver o seu xogo, Waldner, xunto con outros xogadores suecos, viaxou a un campo de adestramento de nivel nacional na China, e sorprendeuse pola dedicación e a solidariedade dos xogadores chineses. Dende entón indicou que aprendera moito da súa estadía, e a partir de aí estableceu o seu obxectivo primordial de obter o éxito no tenis de mesa.

Na China, país que adora o tenis de mesa, é sen dúbida o sueco máis coñecido, é un dos deportistas máis célebres. Está considerado como o xogador tecnicamente máis completo de todos os tempos, e case sen discusión o xogador non chinés de máis éxito.

Recibiu a Medalla de Ouro Svenska Dagbladet Gold Medal en 1992.

En 2010 Waldner gañou o seu noveno campionato de Suecia contra Pär Gerell, que naceu o mesmo ano que Waldner gañou o seu primeiro título de campión nacional.

Xogou para TTC Rhön-Sprudel Fulda-Maberzell na Bundesliga alemá ata maio de 2012. Ese mes, Stefan Frauenholz, presidente de Fulda-Maberzell, confirmou que Jan-Ove Waldner finalizara o seu contrato co club. Esta foi a fin da súa carreira na elite internacional, con corenta e seis anos.

En 2012 comezou a xogar para Spårvägens BTK.

O 11 de febreiro de 2016, Waldner xogou o seu último xogo na primeira liga sueca para Ängby/Spårvägen e anunciou oficialmente a súa retirada como xogador.

Cando se retirou, Waldner levaba xogando na elite por máis de trinta anos, algo infrecuente no mundo do tenis de mesa debido a que a coordinación man-ollo e a rapidez das reaccións son esenciais. Algúns dos xogadores chineses cos que xogou nos últimos tempos foron adestrados por aqueles cos que xogou na década de 1990, que á súa vez foran adestrado por aqueles contra os que xogou na década de 1980.

É un dos sete xogadores que competiu nos cinco primeiros xogos olímpicos dende a introdución do tenis de mesa en 1988. Tamén é un dos únicos cinco xogadores masculinos que logrou un grand slam (Campionatao do Mundo e Copa Mundial individual e Campionato Olímpico individual), que logrou en 1992.

Véxase tamén

Bibliografía

• Svenskar i världen (Swedes in the World), edición da primavera de 2005, revista sueca.

Ligazóns externas

• Swedish championship statistics
• Jan-Ove Waldner vs. Mikael Appelgren – 1990 U.S. Open Table Tennis Championships Video en Wayback Machine (archived 2010-02-11)
• Chinese TV interview mixed with video clips of his career
• Jan-Ove Waldners website for Chinese fans
• Jan-Ove Waldners website for English speaking fans
• Waldner retires