Guerra anglo-escocesa
| Guerra anglo-escocesa | |||||||
|---|---|---|---|---|---|---|---|
| |||||||
A Guerra anglo-escocesa foi un conflito que enfrontou a Inglaterra e Escocia nunha serie de batallas durante o século XVI. Logo das Guerras da Independencia de Escocia, Inglaterra e Escocia loitaron varias veces durante os séculos XIV, XV e XVI. Na maioría dos casos, un país intentou aproveitar a debilidade ou inestabilidade do outro. Por exemplo, Xacobe II de Escocia intentou recuperar Berwick durante a Guerra das dúas rosas de Inglaterra.
Guerras de fronteira
[editar | editar a fonte]A mediados do século XV, había moitos conflitos na fronteira entre Inglaterra e Escocia, sendo a máis notable a batalla de Sark.
Campaña de Flodden
[editar | editar a fonte]A Inglaterra de Henrique VIII declaroulle a guerra a Francia en 1512 (como parte dun longo conflito coñecido como Guerra da Liga de Cambrai). Xacobe IV de Escocia invadiu Inglaterra en cumprimento da súa alianza con Francia.
En 1513, tras incursións preliminares na fronteira, o exército principal de Xacobe IV invadiu Inglaterra. A súa artillaría rapidamente subxugou castelos ingleses como Norham e Wark. Con todo, o desenvolvido sentido de honra de Xacobe levouno a lanzar un desafío formal contra o exército inglés comandado por Thomas Howard e agardar na súa posición. O exército inglés de Surrey manobrou arredor do exército escocés e atacouno polas costas. Nesa batalla, coñecida como Batalla de Flodden, Xacobe IV morreu, xunto con moitos dos seus nobres e fidalgos.
