Gran Premio de Austria de 1981

Gran Premio de Austria de 1981

Nome oficial	XIV Austrian Grand Prix
Tipo	Gran Premio de Austria
Deporte	automobilismo
Parte de	Campionato Mundial de Fórmula 1 de 1981
Localización  e  Datas
Localización	A1-Ring (Spielberg) 47°13′11″N 14°45′53″L
Lonxitude	4,318 km
País	Austria
Data	16 de agosto de 1981
Competición
Primeiro posto	Jacques Laffite
Pole position	René Arnoux
Volta máis rápida	Jacques Laffite

O Gran Premio de Austria de 1981 foi unha carreira do Campionato do Mundo Fórmula 1 celebrada no Circuíto de Österreichring o 16 de agosto de 1981. Foi a 11ª carreira da tempada de Fórmula Un de 1981, o 14º Gran Premio de Austria e a décima segunda que se celebrou en Österreichring. A carreira levouse a cabo sobre 54 voltas ao circuíto de 5´942 quilómetros para unha distancia total de carreira de 321 quilómetros.

Informe

Cualificación

Na cualificación, do mesmo xeito que o ano anterior, a primeira fila foi de franceses, René Arnoux plantou o seu Renault turbo na pole, xunto ao seu compañeiro de equipo Alain Prost. Os seguintes foron Gilles Villeneuve no seu Ferrari turbo, Jacques Laffite no Ligier, Carlos Reutemann e Alan Jones nos Williams foron quinto e sexto, a continuación, Nelson Piquet nun Brabham e Didier Pironi no outro Ferrari turbo.

O equipo Fittipaldi non estivo presente porque non tiñan suficientes motores.

Carreira

Ao comezo, Villeneuve conseguiu adiantar aos dous Renault e lideraba na chicane Hella-Licht. Na seguinte volta, Prost pasou a Villeneuve na chicane Hella-Licht, o canadense intentou resistir e terminou na grava, volvendo á pista sexto, detrás a Reutemann pasoulle o mesmo, e foi adiantado por Piquet e Jones. O piloto de Ferrari perdeu posicións nas seguintes voltas en favor do dúo de Williams e, pouco despois, adiantouno Riccardo Patrese.

No veloz circuíto de Österreichring, a vantaxe da potencia deu seus froitos. Prost e Arnoux foron capaces de distanciarse do resto dos participantes. Ao redor da volta 4, Pironi (que saíra como un raio do oitavo lugar da grella) corría terceiro, Laffite, Piquet, Jones e Reutemann marchaban detrás de Pironi, pero ningún deles puido atopar un camiño para adiantalo, correndo detrás de Pironi varias voltas. Nunha situación similar ao Gran Premio español no principio do ano, o Ferrari tiña máis potencia que calquera dos coches de detrás, pero o seu manexo era moito peor. Os cinco pilotos loitaban, Piquet, Laffite, Jones e Reutemann trataban desesperadamente de adiantar a Pironi, pero non o lograban pola potencia do Ferrari que distanciábase nas rectas e dificultados polo trazado de Österreichring composto case enteiramente de curvas e rectas longas.

Villeneuve estrelouse con forza na Bosch-Kurve na volta 12, e finalmente Laffite, que adiantara a Piquet, logrou pasar Pironi na primeira das curvas de Texaco, e pronto seguírono os outros tres pilotos. Prost retirouse do liderado coa suspensión danada, Laffite foi a por Arnoux, ao que pasou na segunda das dúas curvas Texaco. Laffite mantivo a vantaxe ata o final e cruzou a liña de meta, seguido de Arnoux, Piquet, Jones, Reutemann (que cruzou a liña de meta co motor apagado) e John Watson co McLaren de fibra de carbono.

Clasificación

Pos	Nº	Piloto	Construtor	Voltas	Tempo/Retirada	Grella	Puntos
1	26	Jacques Laffite	Ligier-Matra	53	1:27:36.47	4	9
2	16	René Arnoux	Renault	53	+ 5.17	1	6
3	5	Nelson Piquet	Brabham-Ford	53	+ 7.34	7	4
4	1	Alan Jones	Williams-Ford	53	+ 12.04	6	3
5	2	Carlos Reutemann	Williams-Ford	53	+ 31.85	5	2
6	7	John Watson	McLaren-Ford	53	+ 1:31.14	12	1
7	11	Elio de Angelis	Lotus-Ford	52	+1 volta	9
8	8	Andrea de Cesaris	McLaren-Ford	52	+1 volta	18
9	28	Didier Pironi	Ferrari	52	+1 volta	8
10	32	Jean-Pierre Jarier	Osella-Ford	51	+2 voltas	14
11	17	Derek Daly	March-Ford	47	+6 voltas	19
Ret	22	Mario Andretti	Alfa Romeo	46	Motor	13
Ret	9	Slim Borgudd	ATS-Ford	44	Freos	21
Ret	29	Riccardo Patrese	Arrows-Ford	43	Motor	10
Ret	14	Eliseo Salazar	Ensign-Ford	43	Presión aceite	20
Ret	4	Michele Alboreto	Tyrrell-Ford	40	Caixa de cambios	22
Ret	23	Bruno Giacomelli	Alfa Romeo	35	Lume	16
Ret	6	Héctor Rebaque	Brabham-Ford	32	Embrague	15
Ret	30	Siegfried Stohr	Arrows-Ford	27	Temperatura	24
Ret	15	Alain Prost	Renault	26	Suspensión	2
Ret	25	Patrick Tambay	Ligier-Matra	26	Motor	17
Ret	12	Nigel Mansell	Lotus-Ford	23	Motor	11
Ret	27	Gilles Villeneuve	Ferrari	11	Accidente	3
Ret	33	Marc Surer	Theodore-Ford	0	Distribuidor	23
NSC	3	Eddie Cheever	Tyrrell-Ford
NSC	36	Derek Warwick	Toleman-Hart
NSC	35	Brian Henton	Toleman-Hart
NSC	31	Beppe Gabbiani	Osella-Ford

Posicións logo da carreira

Clasificación do campionato de pilotos

Pos	Piloto	Puntos
1	Carlos Reutemann	45
2	Nelson Piquet	39
3	Jacques Laffite	34
4	Alan Jones	27
5	Gilles Villeneuve	21

Clasificación do campionato de construtores

Pos	Construtor	Puntos
1	Williams-Ford	72
2	Brabham-Ford	47
3	Ligier-Matra	34
4	Renault	30
5	Ferrari	28

• Nota:Só están incluídos os cinco primeiros postos en ambos os grupos de clasificación.

Carreira anterior: Gran Premio de Alemaña de 1981	Campionato Mundial de Fórmula 1 da FIA Temporada 1981	Carreira seguinte: Gran Premio dos Países Baixos de 1981
Carreira anterior: Gran Premio de Austria de 1980	Gran Premio de Austria	Carreira seguinte: Gran Premio de Austria de 1982

Notas

A menos que se indique o contrario, todos os resultados da carreira tómanse de "The Official Formula 1 website". Arquivado dende o orixinal o 16 de maio de 2014. Consultado o 2007-06-16.