General Atlantic
| GENERAL ATLANTIC | |
|---|---|
 Sede en Park Avenue. | |
| Tipo | Sociedade de investimento en organización filantrópica |
| Localización | Nova York  Estados Unidos |
| Fundador | Chuck Feeney |
| Persoas clave | Bill Ford (CEO) Anton Levy Gabriel Caillaux Martín Escobari (co-presidents) |
| Produtos | Capital de crecemento (Growth Capital) |
| Número de empregados | 372 (2020) |
| Na rede | |
| https://www.generalatlantic.com | |
| [ editar datos en Wikidata ] | |
General Atlantic (tamén coñecida como "GA") é unha empresa estadounidense de capital de crecemento que proporciona capital e apoio estratéxico a empresas de crecemento global. GA ten a súa sede en Nova York.[1] Foi fundada en 1980 dentro de Atlantic Philanthropies, organización filantrópica fundada por Charles F. Feeney, o multimillonario cofundador de Duty Free Shoppers Ltd.[2]
En novembro de 2021, General Atlantic contaba con máis de 86.000 millóns de dólares en activos baixo xestión e céntrase en investimentos en cinco sectores, incluíndo tecnoloxía, consumo, servizos financeiros, saúde e ciencias da vida. A firma conta con 185 profesionais de investimento en Nova York, Stamford, Palo Alto, São Paulo, Londres, Múnic, Ámsterdam, Pequín, Hong Kong, Bombai, Shanghai, Cidade de México, Singapur e Iacarta.[3]
Historia
[editar | editar a fonte]Bill Gates e Warren Buffett acreditan a Feeney, fundador de GA, como unha grande inspiración tanto para a Fundación Bill & Melinda Gates como para o Giving Pledge, que recrutou máis de 90 dos máis ricos do mundo para eventualmente ceder a metade da súa riqueza á caridade.[4][5]
A empresa estivo dirixida inicialmente polo CEO Edwin Cohen, anteriormente socio de McKinsey & Company, xunto con Steven A. Denning como cofundador da firma. Denning foi director xeral de General Atlantic de 1995 a 2006 e agora é presidente emérito. William (Bill) E. Ford, que se uniu á empresa en 1991, é o actual (2021) presidente e director xeral de GA.[6] En novembro de 2019 anunciáronse os nomeamentos de Gabriel Caillaux, Martín Escobari e Anton Levy como copresidentes.[7] En decembro de 2019, Paul Stamas, co-responsábel global de Servizos financeiros de General Atlantic, foi seleccionado en 2019 como un dos mellores investidores de GrowthCap menores de 40 anos.[8]
General Atlantic centrouse inicialmente en investimentos en software, exploración de petróleo e gas, inmobles e venda polo miúdo. Entre os primeiros investimentos importantes da firma estivo United Health Services, que triplicou o seu valor en tres anos para a firma. A finais da década de 1980, General Atlantic comezou a ampliar as súas fontes de financiamento para incluír outras family offices, así como fundacións e dotacións financeiras.
Coincidindo coa expansión da súa fonte de financiamento, a empresa comezou a explorar a súa presenza no exterior. A partir de 1999, GA comezou a abrir oficinas en Europa e Asia e actualmente conta con 14 oficinas en todo o mundo.[9] En 2018, General Atlantic investiu na empresa de investimento do Reino Unido Greensill Capital nun intento de desafiar os sistemas de préstamo tradicionais.[10] En 2019, a empresa continuou os seus investimentos na rexión EMEA adquirindo a participación maioritaria en Kiwi.com.[11]
Investimentos
[editar | editar a fonte]General Atlantic apoiou a Royalty Pharma antes da saída a bolsa da compañía en 2020, que foi unha das maiores IPO dos EEUU.[12] A empresa tamén ampliou a súa pegada en Asia en 2020 cun investimento de 870 millóns de dólares na plataforma de servizos dixitais da India Jio Platforms.
En 2018, GA entrou nunha empresa conxunta, Nucom ecommerce, coa empresa alemá de medios masivos ProSiebenSat.1 Media. Máis tarde ese ano, NuComn comprou o sitio web de citas en liña eHarmony con sede nos Estados Unidos.[13]
General Atlantic é accionista de Authentic Brands Group.[14]
Notas
[editar | editar a fonte]- ↑ "GA". Linkedin.
- ↑ "G. Atlantic; Wall Street Journal". Abril de 2000. Consultado o 30 de marzo 2015.
- ↑ "Páxina oficial". Consultado o 27 de abril de 2021.
- ↑ "Historia e fundador". Atlantic Philantropies. Consultado o 30 de marzo de 2015.
- ↑ "Gates Notes". Consultado o 30 de marzo de 2015.
- ↑ "Bloomberg". Consultado o marzo 2015.
- ↑ Gottfried, Miriam (2019-11-05). "General Atlantic Taps Three for Roles Near Top of Firm". Wall Street Journal (en inglés). ISSN 0099-9660. Consultado o 2022-02-05.
- ↑ "GrowthCap Top 40-under-40 investors".
- ↑ "Web oficial, contacto". Consultado o 5-2-2022.
- ↑ Gottfried, Miriam (2018-07-16). "General Atlantic Invests $250 Million in Lending Startup Greensill". Wall Street Journal (en inglés). ISSN 0099-9660. Consultado o 2022-02-05.
- ↑ "Kiwi.com takes big investment as General Atlantic becomes majority owner". www.phocuswire.com (en inglés). Consultado o 2022-02-05.
- ↑ "Royalty Pharma prices at top of range in second-biggest pharma IPO ever". Reuters (en inglés). 2020-06-15. Consultado o 2022-02-05.
- ↑ "Germany's ProSieben buys U.S. online dating site eharmony". Reuters (en inglés). 2018-10-29. Consultado o 2022-02-05.
- ↑ "Leadership". Authentic Brands Group (en inglés). Consultado o 2022-02-05.