Denis López

Denis López
Nome orixinal	Denis López López
Biografía
Nacemento	5 de outubro de 1994 (30 anos); Caión, España
Actividade
Ocupación	futbolista
Deporte	fútbol
Posición de xogo	Dianteiro

Denis López López, nado en Caión o 5 de outubro de 1994, é un futbolista galego, que xoga como dianteiro no San Tirso, da Preferente Galicia.

Traxectoria

Formouse como futbolista na canteira do Deportivo da Coruña, no que ingresou en idade cadete. Aos 18 anos debutou na Terceira División, nas filas do Laracha, no que xogou un ano, antes de fichar polo Bergantiños. No club de Carballo militou durante as tempadas 2014/15 e 2015/16, ambas en Terceira. Durante a campaña 2016/17 xogou no Atlético Arteixo, de Preferente, e marcou un total de 19 goles, sendo o terceiro máximo goleador da liga, só por detrás de Miguel Taibo (Laracha) e Cuadrado (Polvorín).^[1]

A continuación xogou unha campaña no Polvorín, proclamándose campión de Preferente, e media de novo no Atlético Arteixo, antes de fichar en xaneiro de 2019 polo Racing Vilalbés, de Terceira.^[2] Posteriormente regresou ao Laracha e pasou polo Montañeros, recalando en 2021 no San Tirso. Na súa segunda campaña en Mabegondo chegou á derradeira xornada de Preferente como terceiro máximo goleador da liga con 18 goles, a cinco dianas de Pedro Beda (Boiro) e Juan de Dora (Betanzos). A pesar de que Beda anotou dous goles máis na última xornada, foi Denis quen acabou proclamándose máximo goleador do campionato, grazas aos seus oito goles na última xornada diante do Fisterra en Ara Solis, nun encontro que acabou 0-10.^[3]

Palmarés

Polvorín

Preferente Galicia (1): 2017/18.

San Tirso

Máximo goleador da Preferente Galicia (1): 2022/23 (26 goles).

Notas

↑ "Máximos Goleadores". lapreferente.com (en castelán). Consultado o 30 de maio de 2023.
↑ "O Vilalbés refórzase coas chegadas de Denis López e o defensa Castrín". El Progreso (en castelán). 4 de xaneiro de 2019. Consultado o 30 de maio de 2023.
↑ Mendoza, Santi (28 de maio de 2023). "¡Locura en Fisterra! Denis marca ocho goles y termina pichichi". DxT Campeón (en castelán). Consultado o 30 de maio de 2023.

Véxase tamén

Ligazóns externas

Datos do xogador en LaPreferente (en castelán).

[1] "Máximos Goleadores". lapreferente.com (en castelán). Consultado o 30 de maio de 2023.

[2] "O Vilalbés refórzase coas chegadas de Denis López e o defensa Castrín". El Progreso (en castelán). 4 de xaneiro de 2019. Consultado o 30 de maio de 2023.

[3] Mendoza, Santi (28 de maio de 2023). "¡Locura en Fisterra! Denis marca ocho goles y termina pichichi". DxT Campeón (en castelán). Consultado o 30 de maio de 2023.

[1]

[2]

[3]