Academia Británica

Academia Británica
*British Academy*
Academia Británica; British Academy; ;
	Carlton House Terrace, sede da; Academia Británica; ;
Información xeral
Formación	1902
Sede central	Londres; Inglaterra; Reino Unido
Orzamento	60.727.817 £ (2019-2020)
Sitio web
	Sitio web da Academia Británica.

A Academia Británica (en inglés: British Academy) é a academia nacional do Reino Unido para as humanidades e as ciencias sociais, fundada en 1902 e merecedora da Carta Real (Royal Charter) no mesmo ano

A British Academy é unha organización benéfica autónoma, con sede nos números 10 e 11 de Carlton House Terrace, en Londres. Componse de máis dun milleiro de membros, destacados eruditos que abranguen todas as disciplinas das humanidades e das ciencias sociais, e é un organismo para o financiamento de proxectos de investigación en todo o Reino Unido.^[1]

O seu financiamento baséase fundamentalmente nunha subvención anual do Departamento de Negocios, Innovación e Talento (BIS). No exercicio 2019-2020 dispuxo dun orzamento de 60.727.817 libras.^[2]

Finalidade

A Academia actúa con cinco propósitos fundamentais:^[3]

Defensa das humanidades e das ciencias sociais.
Investimento nos mellores investigadores e nas mellores investigacións.
Informar e enriquecer o debate arredor das principais cuestións sociais.
Asegurar o mantemento da colaboración e do compromiso internacionais.
Aproveitar ao máximo os activos da Academia para asegurar o seu mantemento no futuro.

Historia

Fachada principal da **Academia Británica**.

A creación dunha "academia británica para a promoción dos estudos históricos, filosóficos e filolóxicos" propúxose por vez primeira en 1899, para que Gran Bretaña puidese estar representada nos encontros académicos europeos e americanos. A organización, que desde aquel momento se coñeceu simplemente como a British Academy, iniciouse o 17 de decembro de 1901 como unha simple sociedade, que adquiriu a Carta Real do rei Eduardo VII o 8 de agosto de 1902.^[4]

Desde entón, foron moitos os eruditos británicos da rama das humanidades e as ciencias sociais que participaron da vida da academia, entre eles John Maynard Keynes, Isaiah Berlin, C. S. Lewis e Henry Moore.

Ata a tempada 1927-1928, a Academia non tiña unha sede propia, e daquela instalouse nunhas salas no número e de Burlington Gardens. En 1968 trasladouse ata a veciña Burlington House e, posteriormente, ás proximidades de Regent's Park. Non foi ata 1998 cando a Academia Británica se instalou definitivamente na localización actual de Carlton House Terrace, nos números 10 e 11, con vistas a St James's Park. O edificio foi deseñado polo arquitecto John Nash e construíuse entre a década de 1920 e a de 1930. O número 10 foi anteriormente a residencia londiniense da familia Ridley e o número 11 foi, de 1856 a 1875, o fogar do primeiro ministro William Gladstone.^[5]^[6]

En marzo de 2010, a Academia comezou un proxecto de renovación e restauración das salas públicas do número 11, con orzamento de 2,75 millóns de libras, logo da saída do seu anterior inquilino, a Asociación da Prensa Estranxeira. Nesta operación, na que se uniron os dous edificio, completouse en xaneiro de 2011, e entre os novos espazos creados salienta o auditorio Wolfson, cunha capacidade de 150 asentos. O resto das instalacións componse de oficinas e diversas salas para conferencias e outros eventos da Academia.^[7]

A historia, as vicisitudes e os logros da Academia Británica quedaron rexistrados en senllas obras de dous secretarios da institución; a de Frederic Kenyon, de 37 páxinas, cobre ata o ano 1951,^[8] en tanto que a de Mortimer Wheeles abrangue entre os anos 1949 e 1968.^[9]

Membros e seccións

O teólogo e poeta Rowan Williams, membro da **Academia Británica**.

A elección como membro da Academia Británica supón unha alta distinción académica en humanidades e ciencias sociais, baseada nos traballos de investigación publicados polo candidato. Ademais dos membros de pleno dereito (arredor de 1.000), necesariamente residentes no Reino Unido no momento do seu nomeamento, existen tamén os membros correspondentes (máis de 300), residentes noutros países pero cunha conexión coas investigacións levadas a cabo pola Academia, e, finalmente, os membros honoríficos (31 en 2021), caracterizados por realizar contribucións especiais aos propósitos da Academia.^[1]

Todos os membros electos son encadrados nalgunha das seguintes seccións da Academia:^[10]

Humanidades

Antigüidade clásica.
Teoloxía e estudos relixiosos.
Estudos africanos e orientais.
Lingüística e filoloxía.
Primeiras linguas e literaturas da Idade Moderna.
Linguas e literaturas modernas, e outros medios.
Arqueoloxía.
Estudos medievais.
Historia moderna ata 1800.
Historia moderna desde 1800.
Historia da arte e da música.
Filosofía.
Cultura, medios e representacións.

Ciencias sociais

Dereito.
Economía e historia económica.
Antropoloxía e xeografía.
Socioloxía, demografía e estatística social.
Estudos políticos: teoría política, goberno e relacións internacionais.
Psicoloxía.
Estudos de xestión e de negocios.

Labor internacional

Coa finalidade de promover os intereses da investigación e da aprendizaxe no Reino Unido por todo o mundo, a Academia Británica traballa na creación de redes e na colaboración internacional, de xeito que se aborde a investigación en humanidades e en ciencias sociais desde unha perspectiva global. Para isto, a Academia definiu sete áreas de traballo: África, China, Oriente Medio, Europa, Asia meridional, e Hispanoamérica e o Caribe.^[11]

Ademais diso, a Academia Británica tamén financia e coordina unha rede de institucións estranxeiras que brindan experiencia local, apoio loxística e, con frecuencia, unha base de traballo para académicos do Reino Unido. Algúns destes institutos de investigación están en cidades como Amán, Ancara, Atenas, Xerusalén, Nairobi, Roma ou Teherán. Outras institucións destas redes están radicadas no Reino Unido e executan programas de investigación estratéxica noutras partes do mundo, como África, Hispanoamérica, e o sur e o sueste asiático.^[12]

Eventos públicos

A British Academy organiza un amplo programa anual de máis de 50 conferencias públicas, paneis de discusión e seminarios acerca de novas investigacións e nos que se debaten temas de actualidade. Entre elas inclúense series de conferencias celebradas ao longo dos anos, como é o caso das Shakespeare Lectures, que teñen lugar anualmente desde 1911.^[13]

A maioría destas actividades son de balde e teñen lugar na propia sede da Academia en Carlton House Terrace.^[7]

Premios

Medalla presidencial da **Academia Británica**.

A Academia Británica outorga un total de 15 premios e medallas, a maioría deles de concesión anual:^[14]

Medallas da Academia

O numismático Roger Bland, galardoado coa medalla presidencial da **Academia Británica** en 2016.

O numismático Andrew Burnett (esquerda), galardoado co premio Derek Allen 2020, da **Academia Británica**.

Medalla Presidencial da Academia Británica, creada en 2010 e outorgada ata a cinco receptores anuais que demostraran un "servizo destacado á causa das humanidades e das ciencias sociais".^[15]
Medalla da Academia Británica, creada en 2013 e concedida a ata tres receptores anualmente "polos logros académicos históricos en calquera das disciplinas de humanidades e ciencias sociais apoiadas pola Academia".^[16]

Outros premios

Medalla Burkitt, creada en 1923.^[17]
Medalla Kenyon, creada 1957.^[18]
Medalla e premio Leverhulme, outorgados desde 2002.^[19]
Premio Nayef Al-Rodhan para o entendemento cultural global, establecido en 2013.^[20]
Premio de prensa política Peter Townsend, establecido en 2011.^[21]
Premio Wiley de psicoloxía, outorgado desde 2009.^[22]
Premio Wiley de economía, creado en 2013.^[23]
Premio Brian Barry de ciencia política, instaurado en 2014.^[24]
Medalla Serena, concedida desde 1920.^[25]
Medalla Edward Ullendorff, desde 2012.^[26]
Premio Rose Mary Crawshay, outorgado desde 1916.^[27]
Medalla Grahame Clark Medal, creado en 1993.^[28]
Premio Sir Israel Gollancz, creado en 1925.^[29]
Medalla de Arqueoloxía da Paisaxe, establecida en 2007.^[30]
Medalla Neil & Saras Smith de lingüística, concedida desde 2014.^[31]
Premio Derek Allen, de numismática, musicoloxía e estudos celtas, establecido en 1977.^[32]

Presidentes da Academia Británica

Edward Maunde Thompson, segundo presidente da **Academia Británica**.

Esta é unha listaxe dos presidentes da Academia Británica desde a súa fundación en 1902:^[33]

1902-1907: D. Mackay.
1907-1909: E. M. Thompson.
1909-1910: S. H. Butcher.
1911-1913: A. Ward.
1913-1917: J. Bryce.
1917-1921: F. G. Kenyon.
1921-1928: A. J. Balfour.
1928-1932: H. A. L. Fisher.
1932-1936: J. W. Mackail.
1936-1940: W. D. Ross.
1940-1946: J. H. Clapham.
1946-1950: H. I. Bell.
1950-1954: C. K. Webster.
1954-1958: G. N. Clark.
1958-1962: C. M. Bowra.
1962-1967: L. C. Robbins.
1967-1971: K. C. Wheare.
1971-1974: D. L. Page.
1974-1978: I. Berlin.
1978-1981: K. J. Dover.
1981-1985: W. O. Chadwick.
1985-1989: C. R. Quirk.
1989-1993: A. J. P. Kenny.
1993-1997: K. V. Thomas.
1997-2001: E. A. Wrigley.
2001-2004: W. G. Runciman.
2005-2009: O. S. O'Neill.
2009-2013: A. Roberts.
2013-2017: N. H. Stern.
2017-2020: D. Cannadine.
2021-2025: J. M. Black.

Publicacións

Naville, E. (1915). *'The text of the Old Testament'*. Editado pola **Academia Británica** na serie *Schweich Lectures on Biblical Archaeology*.

As publicacións da Academia Británica organízanse nas seguintes series editoriais:^[34]

Edición de charlas e conferencias

British Academy Original Paperbacks.
British Academy Occasional Papers.
Proceedings of the British Academy.^[35]
Reissues of proceedings lectures.
Schweich Lectures on Biblical Archaeology.
Symposia.
Thank-Offering to Britain Fund Lectures.

Monografías

Archaeological reports.
British Academy Centenary Monographs.
Miscellaneous research publications.
Postdoctoral Fellowship Monographs.
Supplemental papers.

Haverfield, F. (1915). *Roman Britain in 1914*. Publicado pola **Academia Británica** na súa serie *Supplemental Papers*.

Series de investigación

Anglo-Saxon Charters.
Auctores Britannici Medii Aevi.
Classical and Medieval Logic Texts.
Corpus of Anglo-Saxon Stone Sculpture.
Corpus Signorum Imperii Romani.
Corpus vasorum antiquorum.
Corpus Vitrearum Medii Aevi.
Dictionary of Medieval Latin from British Sources.
Early English Church Music.
English Episcopal Acta.
Fontes Historiae Africanae.
Oriental and African Archives.
Oriental Documents.
Records of Social and Economic History.
Sylloge of Coins of the British Isles.
Sylloge Nummorum Graecorum.
Tabula Imperii Romani.

Notas

↑ ^1,0 ^1,1 "The British Academy fellowship". The British Academy.
↑ "British Academy Annual Report 2019/20". The British Academy. Páxina 54.
↑ "The British Academy Strategic Plan 2018-2020". The British Academy.
↑ "A brief history of the British Academy". The British Academy.
↑ Syrett, K. (2018). "The Secret History of 10-11 Carlton House Terrace". The British Academy.
↑ "A brief history of 10-11 Carlton House Terrace". The British Academy.
↑ ^7,0 ^7,1 "Events". The British Academy.
↑ Kenyon, F. G. (1952).
↑ Wheeler, R. E. M. (1970).
↑ "Fellows of the British Academy: Sections". The British Academy.
↑ "International". The British Academy.
↑ "British International Research Institutes". The British Academy.
↑ "Shakespeare Lectures". The British Academy.
↑ "Prizes and Medals". The British Academy.
↑ "The British Academy President's Medal". The British Academy.
↑ "The British Academy Medal". The British Academy.
↑ "Burkitt Medal for Biblical Studies". The British Academy.
↑ "Kenyon Medal". The British Academy.
↑ "Leverhulme Medal and Prize". The British Academy.
↑ "Nayef Al-Rodhan Prize for Global Cultural Understanding". The British Academy.
↑ "Peter Townsend Prizes". The British Academy.
↑ "Wiley Prize in Psychology". The British Academy.
↑ "The British Academy Medal". The British Academy.
↑ "Brian Barry Prize in Political Science". The British Academy.
↑ "Serena Medal". The British Academy.
↑ "Edward Ullendorff Medal". The British Academy.
↑ "Rose Mary Crawshay Prize". The British Academy.
↑ "Grahame Clark Medal". The British Academy.
↑ "Sir Israel Gollancz Prize". The British Academy.
↑ "Landscape Archaeology Medal". The British Academy.
↑ "Neil and Saras Smith Medal for Linguistics". The British Academy.
↑ "Derek Allen Prize". The British Academy.
↑ "Past Presidents of the British Academy". The British Academy.
↑ "Publishing". The British Academy.
↑ Proceedings of the British Academy. Acceso en liña aos volumes 51 a 111.

Véxase tamén

Bibliografía

Kenyon, F. G. (1952). The British Academy: The First Fifty Years. Oxford University Press.
Wheeler, R. E. M. (1970). The British Academy 1949-1968. Oxford University Press.

Outros artigos

Membros da Academia Británica

Ligazóns externas

Sitio web da Academia Británica

[:1-1] 1,0 ^1,1 "The British Academy fellowship". The British Academy.

[2] "British Academy Annual Report 2019/20". The British Academy. Páxina 54.

[3] "The British Academy Strategic Plan 2018-2020". The British Academy.

[4] "A brief history of the British Academy". The British Academy.

[5] Syrett, K. (2018). "The Secret History of 10-11 Carlton House Terrace". The British Academy.

[6] "A brief history of 10-11 Carlton House Terrace". The British Academy.

[:0-7] 7,0 ^7,1 "Events". The British Academy.

[8] Kenyon, F. G. (1952).

[9] Wheeler, R. E. M. (1970).

[10] "Fellows of the British Academy: Sections". The British Academy.

[11] "International". The British Academy.

[12] "British International Research Institutes". The British Academy.

[13] "Shakespeare Lectures". The British Academy.

[14] "Prizes and Medals". The British Academy.

[15] "The British Academy President's Medal". The British Academy.

[16] "The British Academy Medal". The British Academy.

[17] "Burkitt Medal for Biblical Studies". The British Academy.

[18] "Kenyon Medal". The British Academy.

[19] "Leverhulme Medal and Prize". The British Academy.

[20] "Nayef Al-Rodhan Prize for Global Cultural Understanding". The British Academy.

[21] "Peter Townsend Prizes". The British Academy.

[22] "Wiley Prize in Psychology". The British Academy.

[23] "The British Academy Medal". The British Academy.

[24] "Brian Barry Prize in Political Science". The British Academy.

[25] "Serena Medal". The British Academy.

[26] "Edward Ullendorff Medal". The British Academy.

[27] "Rose Mary Crawshay Prize". The British Academy.

[28] "Grahame Clark Medal". The British Academy.

[29] "Sir Israel Gollancz Prize". The British Academy.

[30] "Landscape Archaeology Medal". The British Academy.

[31] "Neil and Saras Smith Medal for Linguistics". The British Academy.

[32] "Derek Allen Prize". The British Academy.

[33] "Past Presidents of the British Academy". The British Academy.

[34] "Publishing". The British Academy.

[35] Proceedings of the British Academy. Acceso en liña aos volumes 51 a 111.

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

[17]

[18]

[19]

[20]

[21]

[22]

[23]

[24]

[25]

[26]

[27]

[28]

[29]

[30]

[31]

[32]

[33]

[34]

[35]