Barbuda

Para outras páxinas con títulos homónimos véxase: Barbuda (homónimos).

Barbuda

(en) Barbuda
Tipo	illa dependency of Antigua and Barbuda (en)
Parte de	Illas de Barlovento Antillas Menores Illas de Sotavento
Situado na entidade xeográfica	Antillas Menores
Localización
División administrativa	Antiga e Barbuda
Localización	Caribe
17°38′N 61°49′O
Bañado por	Océano Atlántico
Características
Altitude	122 m
Dimensións	14,1 () × 24 () km
Punto máis alto	Barbuda Highlands (en)
Superficie	161 km² 61,99 mi²
Sitio web	antigua-barbuda.org…

Barbuda é unha illa do mar Caribe que forma parte de Antiga e Barbuda, localízase ao norte de Antiga. Ten 161 km² e 1.638 habitantes (censo 2011), deles máis da metade (1.252 habitantes) viven na vila de Codrington. Non obstante, en setembro de 2017, o furacán Irma danou ou destruíu o 95% dos edificios e infraestruturas da illa e, como resultado, todos os habitantes da illa foron evacuados a Antiga, deixando Barbuda baleira por primeira vez na historia moderna.

Historia

Os siboneis foron os primeiros habitantes da illa cara ao 2400 a. C., pero os aruaques e os caribes poboaron a illa antes do desembarco de Cristovo Colón na súa segunda viaxe (1493). Os primeiros asentamentos europeos, españois e franceses, fracasaron. En 1667 os británicos formaron unha colonia con éxito.

En 1685 Barbuda arrendouse aos irmáns Christopher e John Codrington, que fundaron a cidade de Codrington. A familia Codrington producían alimentos nas súas terras en Barbuda, e transportaban escravos como man de obra para as súas plantacións de cana en Antiga. Houbo máis dunha rebelión de escravos en Codrington durante a década de 1740, durante as cales os escravos levantáronse contra os administradores. Todos os escravos foron liberados en 1834.

Os Codringtons utilizaron Barbuda durante un tempo como unha "gardería" para escravos.

En 1719, Codrington e a illa de Barbuda tiveron o seu primeiro censo (tanto de persoas como de animais), levado a cabo por Sir William Codrington (1715-1790) É pouco probable que William Codrington realizara un censo cando tiña 4 anos de idade .

O primeiro mapa de Barbuda fíxose na segunda metade do século XVIII. Nese momento había notables edificios na área da montaña, un castelo en Codrington, un forte no río, agora coñecida como a Torre Martello, e casas en Palmetto Point, Coco Point, e Castle Hill. O mapa mostra oito barracóns para reter aos escravos fuxitivos capturados, o que indica que este era un grave problema. Había varias unidades de baterías defensiva con canóns en todo o perímetro da illa. Había unha gran plantación na zona de Meadow e Guava e outra gran plantación na zona das terras altas.

O 1 de novembro de 1981, a illa obtivo a súa independencia como unha parte integral de Antiga e Barbuda, membro da Commonwealth. Nas eleccións de 1989, o Movemento pola Independencia de Barbuda recibiu demasiado poucos votos para ter dereito a un asento no parlamento nacional.

En setembro de 2017, o furacán Irma danou ou destruíu o 95% dos edificios e infraestruturas da illa e, como resultado, todos os habitantes da illa foron evacuados a Antiga, deixando Barbuda baleira por primeira vez na historia moderna. Un informe de abril de 2018 indicaba que moitas das poucas persoas que viven na illa estaban a facelo en tendas de campaña, aínda se reparaban algúns edificios gobernamentais. Naquel momento, a auga e a electricidade estaban dispoñibles nos edificios do goberno, a comisaría, o hospital e a oficina de correos en Codrington. O primeiro ministro Gaston Browne dixo que había plans para construír unha nova pista para jets no aeroporto, pero non se deon datos específicos. O 21 de marzo de 2018 había uns 500 residentes que volveran ás súas antigas casas en Barbuda.

Localización

Barbuda atópase ao norte de Antiga, no centro das Illas de Sotavento. Ao sur atópanse as illas de Montserrat e Guadalupe, e ao oeste e o noroeste están Nevis, St. Kitts, St. Barts, e San Martiño.

Puntos de interese

Barbuda é o fogar santuario dos paxaros fragata, que se atopa na lagoa de Codrington. Outros puntos de interese son Highland House (a casa da familia Codrington do século XVIII) e a Cova do Indio, que contén antigos petróglifos amerindios.

Turismo

O clima e a xeografía de Barbuda é propicio para o turismo. Moitos turistas séntense atraídos polas praias da illa. As actividades inclúen un santuario de aves, natación, mergullo, pesca, e espeleoloxía. Só dous resorts operan na illa, o resto foron abandonados pola mala xestión, a difícil infraestrutura e os danos do furacán.

Xeografía

A superficie total é de 160´56 km². A capital e cidade máis grande é Codrington, cunha poboación estimada de 1.250 habitantes. A illa é na súa maioría coral e pedra calcaria con poucas variacións topográficas. A área de "terras altas" no lado oriental da illa ten outeiros que se levantan a 38 m., pero a maior parte da illa é moi plana, con moitas lagoas na esquina noroeste.

Clima

O clima clasifícase como tropical mariño que significa que hai pouca variación estacional da temperatura. En xaneiro e febreiro, os meses máis fríos, a media diaria da Temperatura máis alta é 27 °C. Mentres que en xullo e agosto, os meses máis cálidos, a media diaria é de 30 °C.

Localización de Barbuda.

Ligazóns externas

• [Sitio Oficial https://antiguabarbuda.digital/]