Afonso II de Portugal

Para outras páxinas con títulos homónimos véxase: Afonso II.

Afonso II de Portugal

Biografía
Nacemento	23 de abril de 1185 (Gregoriano) Coímbra, Portugal
Morte	25 de marzo de 1223 (Gregoriano) (37 anos) Coímbra, Portugal
Causa da morte	Lepra
Lugar de sepultura	Mosteiro de Alcobaça
Monarca de Portugal
26 de marzo de 1211 – 25 de marzo de 1223 ← Sancho I de Portugal – Sancho II de Portugal →
Datos persoais
Outros nomes	O Gordo O Gafo
Relixión	Cristianismo
Actividade
Ocupación	monarca
Outro
Título	Rei de Portugal (1211 (Gregoriano)–1223 (Gregoriano))
Familia	Casa de Borgoña
Cónxuxe	Urraca de Castela (1206 (Gregoriano)–1220 (Gregoriano)), morte do cónxuxe
Fillos	Sancho II de Portugal, Afonso III de Portugal, Leonor de Portugal, Fernando de Portugal, Senhor de Serpa, Pedro Afonso de Arganil
Pais	Sancho I de Portugal   e Doce de Aragón
Irmáns	Mafalda de Portugal Tareixa de Portugal Sancha de Portugal Berengária de Portugal, rainha da Dinamarca Branca de Portugal Pedro de Portugal Fernando de Portugal Constança de Portugal I Raimundo de Portugal Martim Sanches de Portugal Rodrigo Sanches de Portugal Gil Sanchez Teresa Sanches de Portugal Pedro Moniz Urraca Sanches de Portugal Constança Sanches de Portugal
Descrito pola fonte	Enciclopedia de Otto Encyclopedic Lexicon (en)

Afonso II de Portugal, nado en Coímbra o 23 de abril de 1185 e finado na mesma vila o 25 de marzo de 1223, alcumado "O Gordo", "O Craso" ou "O Gafo", en virtude da enfermidade que o tería afectado, foi o terceiro rei de Portugal. Afonso II era fillo do rei Sancho I de Portugal e da súa muller, Doce de Berenguer, máis coñecida como Doce de Barcelona, infanta de Aragón. Afonso sucedeu ao seu pai en 1211.

Reinado

O reinado de Afonso II caracterizouse polo un novo estilo de goberno, contrario á tendencia belicistas dos seus antecesores. Afonso II non contestou as súas fronteiras con Galicia e León, nin buscou a expansión para o sur (non obstante no seu reinado ter sido tomado aos musulmáns a cidade de Alcácer do Sal, en 1217, pero por iniciativa dun grupo de nobres, liderados polo bispo de Lisboa), preferindo consolidar a estrutura económica e social do país. O primeiro conxunto de leis portuguesas é da súa autoría e visan sobre temas como a propiedade privada, dereito civil e cuñaxe de moeda. Foron aínda publicadas embaixadas a diversos países europeos, co obxectivo de establecer tratados comerciais. A pesar de non ter tido problemas militares, enviou tropas portuguesas que, ao lado de castelás, aragonesas e francesas, combateron bravamente na célebre batalla das Navas de Tolosa na defensa da Península Ibérica contra os musulmáns.

Outras reformas de Afonso II tocaron na relación da coroa portuguesa co Papa. Cara á obtención do recoñecemento da independencia de Portugal, Afonso I, o seu avó, foi obrigado a lexislar varios privilexios para a Igrexa. Anos despois, estas medidas comezaron a ser un peso para Portugal, que vía a Igrexa desenvolverse como un estado dentro do estado. Coa existencia de Portugal firmemente establecida, Afonso II procurou minar o poder clerical dentro do país e aplicar parte dos ingresos das igrexas en fins de utilidade nacional. Esta actitude deu lugar a un conflito diplomático entre o Papado e Portugal. Despois de ter sido excomungando polo Honorio III, Afonso II prometeu rectificar os seus erros contra a Igrexa, mais morreu en 1223 excomungando, sen facer ningún esforzo serio para cambiar a súa política.

En 1214 redactou o seu testamento. O Testamento de Afonso II é o documento máis antigo conservado en lingua portuguesa.

Descendencia

Do seu casamento con Urraca de Borgoña, Afonso II tivo 5 fillos:

• Sancho II de Portugal (1207-1248)
• Afonso III de Portugal (1210-1279)
• Leonor, infanta de Portugal (1211-1231), casou co rei Valdemar III de Dinamarca
• Fernando de Portugal, Señor de Serpa (1217-1246), señor de Serpa
• Vicente de Portugal (1219)

Véxase tamén

Ligazóns externas

• Chronica do muito alto e muito esclarecido principe D. Afonso II, terceiro rey de Portugal, Rui de Pina (1440-1522), Lisboa Occidental, 1727 (en portugués)
• Chronica de El-Rei D. Affonso II, Rui de Pina (1440-1522), Lisboa: Escriptorio, 1906 (en portugués)

Rei de Portugal
Segue a: Sancho I de Portugal	Afonso II de Portugal (1211-1223)	Precede a: Sancho II de Portugal
	Dinastía de Borgoña