Theodor Schwann
Theodor Schwann, nado en Neuss am Rhein, no Reino de Prusia (actualmente no Land alemán de Renania do Norte-Westfalia), o 7 de decembro de 1810 e finado en Colonia o 11 de xaneiro de 1882, foi un fisiólogo, citólogo e botánico alemán, considerado como un dos fundadores da teoría celular.
As súas moitas contribucións ao campo da bioloxía inclúen o estudo da xeración espontánea, a dixestión gástrica (coa invención do termo metabolismo), as fermentacións e diversos descubrimentos de moita transcendencia como son as células de Schwann no sistema nervioso periférico, a pepsina ou a natureza orgánica do lévedo. Tamén contribuíu notabelmente á histoloxía.
Schwann contribuíu, por unha parte, á construción de microscopios con lentes acromáticas e, por outra, a aplicación destes instrumentos ao estudo dos seres vivos.
Traxectoria
editarSchwann comezou os seus estudos universitarios en Bonn, en cuxa universidade ingresou en 1829, aos 18 anos, e onde coñeceu a Johannes Müller, fisiólogo, a quen axudou nos seus experimentos e que foi o seu mentor.
Schwann continuou os seus estudos de medicina na Universidade de Würzburg e, posteriormente, na de Berlín, onde coñeceu ao que sería seu amigo Matthias Jakob Schleiden e na que se doutorou en 1834. A súa tese de doutoramento versou sobre a respiración do embrión de polo.
En 1839 Schwann foi nomeado profesor de anatomía na Universidade Católica de Lovaina (Bélxica), onde permaneceu até 1848, cando aceptou unha cátedra na universidade de Liexa. Alí permaneceu até a súa xubilación, en 1880.
Despois de saír da influencia de Müller, a produtividade de Schwann practicamente cesou: en Bélxica fixo só unha publicación sobre o uso da bile. Era un excelente profesor, de conciencia, amado e apreciado polos seus alumnos.
O traballo de Schwann foi recoñecido finalmente polos científicos noutros países. En 1845 recibiu a Medalla Copley e, en 1879, foi nomeado membro da Royal Society, e tamén da Academia Francesa de Ciencias.
Schwann morreu o 11 de xaneiro de 1882, dous anos despois do seu retiro, en Colonia.
Teoría celular
editar- Artigo principal: Teoría celular.
Na constitución da teoría celular colaboraron especialistas como Jan Evangelist Purkinje, Johannes Müller e, sobre todo, Schleiden e o propio Schwann.
Schleiden (1804 -1881), un botánico, estaba máis preocupado polo problema da fitoxénese. A tese que defendía, a existencia dunha coincidencia fundamental na estrutura e no crecemento dos animais e os vexetais foi ser obra de Schwann que, en 1839, expuxo os seus traballos e as súas ideas no libre Mikroskopische Untersuchungen....
Xurdiron, así, dúas novas disciplinas, a citoloxía ou estudo da célula en si mesma, e a histoloxía ou ciencia da estrutura celular dos tecidos.
Outros autores completaron máis tarde a teoría celular.
Véxase tamén
editarWikimedia Commons ten máis contidos multimedia na categoría: Theodor Schwann  |
Bibliografía
editar- Aszmann, O. C. (2000). "The life and work of Theodore Schwann". Journal of reconstructive microsurgery (United States) 16 (4): 291–5. ISSN 0743-684X. PMID 10871087. doi:10.1055/s-2000-7336.
- Florkin, M. (1958). "Episodes in medicine of the people from Liège: Schwann & the stigmatized". Revue médicale de Liège 13 (18): 627–38. ISSN 0370-629X. PMID 13591909.
- Florkin, M. (1957). "1838; Year of crisis in the life of Théodore Schwann". Revue médicale de Liège 12 (18): 503–10. ISSN 0370-629X. PMID 13466730.
- Florkin, M. (1957). "Discovery of pepsin by Theodor Schwann". Revue médicale de Liège 12 (5): 139–44. ISSN 0370-629X. PMID 13432398.
- Florkin, M. (1951). "Schwann as medical student". Revue médicale de Liège 6 (22): 771–7.
- Florkin, M. (1951). "Schwann at the Tricoronatum". Revue médicale de Liège 6 (20): 696–703. ISSN 0370-629X. PMID 14883601.
- Florkin, M. (1951). "The family and childhood of Schwann". Revue médicale de Liège 6 (9): 231–8. ISSN 0370-629X. PMID 14845235.
- Haas, L. F. (1999). "Neurological stamp. Theodore Schwann (1810-82)". J. Neurol. Neurosurg. Psychiatr. (England) 66 (1): 103. ISSN 0022-3050. PMC 1736145. PMID 9886465.
- Hayashi, M. (1992). "Theodor Schwann and reductionism". Kagakushi kenkyu. Journal of the history of science, Japan (Japan) 31 (184): 209–14. ISSN 0022-7692. PMID 11639601.
- Kiszely, G. (1983). "Theodor Schwann". Orvosi hetilap (Hungary) 124 (16): 959–62. ISSN 0030-6002. PMID 6343953.
- Kosinski, C. M. (2004). "Theodor Schwann". Der Nervenarzt (Germany) 75 (12): 1248–1248. PMID 15368056. doi:10.1007/s00115-004-1805-5.
- Kruta, V. (1987). "The idea of the primary unity of elements in the microscopic structure of animals and plants. J. E. Purkynĕ and Th. Schwann". Folia mendeliana (Czech Republic) 22: 35–50. ISSN 0085-0748. PMID 11621603.
- Lukács, D. (1982). "Centenary of the death of Theodor Schwann". Orvosi hetilap (Hungary) 123 (14): 864–6. ISSN 0030-6002. PMID 7043357.
- Watermann, R. (1973). "Theodor Schwann accepted the honorable appointment abroad". Medizinische Monatsschrift (Germany, West) 27 (1): 28–31. ISSN 0025-8474. PMID 4576700.
- Watermann, R. (1960). "Theodor Schwann as a maker of lifesaving apparatus". Die Medizinische Welt 50: 2682–7. ISSN 0025-8512. PMID 13783359.
Outros artigos
editarLigazóns externas
editar- Breve biografía e bibliografía a Virtual Laboratory of the Max Planck Institute for the History of Science. (en inglés)
- Schwann, Theodor & Schleyden, M. J. (1847): Microscopical researches into the accordance in the structure and growth of animals and plants. Londres: Sydenham Society. (en inglés)