Río Anllóns

Río Anllóns
	O río Anllóns ó seu paso baixo a ponte de Ponteceso.
País	España
Comunidade Autónoma	Galicia
Nacemento	Pedra de Santa Marta nos montes do Xalo, entre Mantiñán (A Laracha) e a Ermida (Culleredo) , ou segundo outros autores na ; fonte de Miguel Belido en Soandres (A Laracha)
Lonxitude	54,4 km
Conca	516,3 km²
Caudal medio	11,4 m³/s
Caudal relativo	22,1 L/s/km²
Desembocadura	Ría de Corme e Laxe
Altitude desembocadura	0 m
	Cuncas dos ríos que desembocan na ría de Corme e Laxe, en azul
	v; c; e;

Para outras páxinas con títulos homónimos véxase: Anllóns.

Véxase tamén: Lugar de importancia comunitaria do Río Anllóns.

O Anllóns, anteriormente chamado río Ber^{[Cómpre referencia]}, é un río galego da vertente atlántica que nace nos montes do Xalo entre Mantiñán, A Laracha, e a Ermida, Culleredo.^[1]^[3], a uns 400 metros de altitude. Outros autores indican que nace na fonte de Miguel Belido na parroquia de Soandres (A Laracha)^[4], e desemboca na ría de Corme e Laxe.

O tramo de río e as súas ribeiras que van desde Carballo e Coristanco ata case a ría de Corme e Laxe. Foi declarado como zona especial de conservación (ZEC) Zona especial de conservación do Río Anllóns en 2014.^[5]^[6]

Toponimia

O topónimo Anllóns, que lle dá nome ao río, podería provir de angulones, do latín angulus, que faría alusión aos meandros da súa desembocadura.^[7]

Descrición

Percorrido

Percorre 54,4 km polos concellos da Laracha, Carballo, Coristanco, Cabana de Bergantiños e Ponteceso.^[1]^[8]

Afluentes

Recibe as augas dun bo número de regatos como o Rosende, Graña, o Quenxe, o Acheiro, o Abaixo, o Queo ou o Bertón, durante o curso alto. Tras pasar o monte Neme recibe as augas do Gándara, o Bandeira, o Vao, o Calvar, o Portecelo ou o Batán. No curso baixo, tras pasar Verdes, os rápidos fan que acelere a súa velocidade. Nesta zona recibe as augas do Lourido, o Ponteceso, o Prados ou o Bouzas. Xa na desembocadura recibe a auga do rego dos Muíños, chamado así debido aos numerosos muíños de auga que hai nel.

Réxime hídrico

O seu caudal medio é de 9.931 m³/s.

Intervención humana

Construcións

No Anllóns atópanse os coñecidos muíños da Saimia. Hoxe en día xa non traballan, aínda que as súas instalacións están en pé.

Aproveitamento

No concello de Ponteceso atópase o encoro de Anllóns, da empresa Hisdrospania, e no de Cabana de Bergantiños o de Corcoesto, de Gas Natural Fenosa.

Galería de imaxes

Vexa o artigo principal na Galería de imaxes do río Anllóns

Desembocadura do río Anllóns vista dende Monte Branco
O parque do Anllóns, no centro da Vila de Carballo
Ponte sobre o río Anllóns, no centro de Carballo
Ponte sobre o Anllóns, Carballo, Galicia
Vista da vila de Ponteceso e o río Anllóns dende o Monte Branco
Vista do estuario do Río Anllóns na súa desembocadura desde o paseo de Cabana de Bergantiños
O río ao seu paso por Verdes, Coristanco.
Vista do estuario do río Anllóns desde Canduas.