Río Angara

O Angara (en ruso escrito Ангара) é o nome de dous ríos de Siberia, Rusia :

Río Angara

(ru) Ангара
Tipo	río
Inicio
Continente	Asia
País da cunca	Rusia
División administrativa	Krai de Khabarovsk, Rusia e oblast de Irkutsk, Rusia
Localización	Lago Baikal
Final
División administrativa	Q4239095
Localización	Strelka (en)
Desembocadura	río Ienissei
51°52′N 104°49′L B 58°06′N 93°00′L
Afluentes	Irkut (en) , Kitoy River (en) , Belaya (en) , Oka (en) , Iya (en) , River Kova (en) , Mura River (en) , Taseyeva River (en) , Ilim (en) , Chadobets (en) , Kamenka (en) , Irkineyeva (en) , Karabula (en) , Kata (en) , Tatarka (en) , Kuda (en) , Ushakovka (en) , Koda (en)
Conca hidrográfica	Yenisey basin (en)
Características
Altitude	75 m
Dimensións	1.779 () km
Superficie da cunca hidrográfica	1.039.000 km²
Medicións
Caudal	4.518 m³/s

O Angara en Irkutsk

Alto Angara

• O Alto Angara, que nace nos montes de Nertchinsk e desemboca no lago Baikal, logo dun curso de arredor de 500 km.

Baixo Angara

• O Baixo Angara ou Angara propiamente dito, que é o único río que xorde do lago Baikal, en tanto que recibe as augas de 336 correntes fluviais. É o tributario máis importante do río Ienisei.

Curso

O Baixo Angara nace do Baikal a 455 m de altura s.n.m., cerca da localidade de Listvianka. Corre en dirección norte, bañando as cidade de Irkutsk e de Bratsk, despois oriéntase cara ao oeste tras recibir as augas do río Ilim, para se unir ao Ienisei en Strelka, a 76 m sobre o nivel do mar. A súa lonxitude total é de 1.779 km.

Explotación económica

O Angara está regulado por encoros hidroeléctricos que figuran entre os máis importantes do planeta. O primeiro está situado nos límites de Irkutsk (encoro de Irkutsk, 660 MW) a unha distancia de sobre 80 km do lago Baikal. Seguidamente atópanse as presas de Angarsk e de Bratsk (esta produce 4.500 MW). A "cola" creada polo encoro de Bratsk figura entre os maiores lagos artificiais do mundo (5.004 km²). Este encoro fornece, de media, 71 milleiros de kWh por ano.

Datos hidrográficos

A conca hidrográfica do Angara cobre unha área de 1.039.000 km², practicamente o duplo da superficie de España. As súas augas fican conxeladas desde comezos de novembro até mediados de maio. Co desxeo as súas augas aumentan de profundidade. En Tatarka, preto da confluencia co Ienisei, o caudal medio, en 1999, foi de 3.260 m³ no mes de xaneiro e de 11.900 m³ en maio.

Afluentes

Os principais afluentes do Angara son:

• Pola dereita:
  • Ilim, 30.300 km², 589 km, 1.139 m³.
  • Chadebec.
  • Irkineeva.
• Pola esquerda:
  • Tasseieva, 128.000 km² de conca, 1.319 km de curso, 740 m³ de caudal.
  • Chuna (ou tamén dito Uda), 56.800 km², 1.203 km, 300 m³
  • Biriussa, ou río Ona, 55.800 km², 1.812 km.
  • Irkut, únese co Angara no corazón da cidade de Irkutsk, posúe unha conca de 15.000 km², e o seu curso é de 488 km.
  • Kitoj
  • Oka, desauga no encoro de Bratsk, logo de percorrer 630 km; a súa conca ocupa unha área de arredor de 34.000 km².
  • Río Belaya.
  • Ija, desemboca tamén no encoro de Bratsk; a súa bacía é de 18.100 km²; ten 1.810 km de lonxitude.
• Desembocan no lago Baikal, e considérase que o seu curso se continúa no Angara:
  • Selenga, 447.000 km², 1.024 km, caudal medio 310 m³.
  • Barguzine, 21.100 km², 480 km, 130 m³.
  • Kirenga, 46.600 km² de conca, 746 km de curso.

Navegabilidade

O Angara é apto para navegación en varios tramos illados:

• Desde o lago Baikal até Irkutsk;
• De Irkutsk a Bratsk;
• No encoro de Ust-Ilimsk;
• Desde a presa de Encoro de Boguchany (Kodinsk) até a súa confluencia co Ienisei.

O tramo entre o encoro de Ust-Ilimsk e o encoro de Boguchany non é aínda navegábel debido ás fervenzas; porén, co remate da presa de Boguchany e o conseguinte recheo da súa "cola", será navegábel polo menos en parte deste sector do río.