Pulp Fiction

Pulp Fiction
	Logo do filme.
Ficha técnica
Título orixinal	Pulp Fiction
Director	Quentin Tarantino
Produtor	Lawrence Bender
Guión	Quentin Tarantino; Roger Avary
Intérpretes	John Travolta; Samuel L. Jackson; Uma Thurman; Bruce Willis; Harvey Keitel; Tim Roth; Amanda Plummer; Maria de Medeiros; Ving Rhames; Eric Stoltz; Rosanna Arquette; Christopher Walken
Fotografía	Andrzej Sekula
Montaxe	Sally Menke
Estudio	A Band Apart; Jersey Films
Distribuidora	Miramax Films
Estrea	Cannes: 12 de maio de 1994; 14 de outubro de 1994; outono de 1998 (TVG)
Duración	154 minutos
Orixe	Estados Unidos
Xénero	Comedia negra
Orzamento	US$8 500 000
Recadación	$213 900 000
Na rede
	http://www.miramax.com/movie/pulp-fiction

Pulp Fiction é un filme estadounidense do ano 1994, gañador dun Oscar, escrito e dirixido por Quentin Tarantino, e protagonizado por John Travolta, Bruce Willis, Samuel L. Jackson e Uma Thurman, entre outros.

Está considerado coma un dos representantes do cinema posmoderno.^[4] Ademais, a súa estrutura non lineal e o seu estilo pouco convencional fixeron que se convertese nun filme de culto, cuxa inflúencia é notable noutras obras.

Estreouse en galego na TVG no outono de 1998.^[5]

Sinopse

O filme consta de tres historias curtas que Tarantino escribiu cando era novo; historias que se mesturan conforme avanza o filme. A trama comeza cun home e unha muller chamados Pumpkin (Tim Roth) e Honey Bunny (Amanda Plummer) nunha cafetería, que se dispoñen a atracar. Logo dos créditos, a historia segue cuns «gángsters», Vincent Vega (John Travolta) e Jules Winnfield (Samuel L. Jackson), que son enviados polo seu xefe Marsellus Wallace (Ving Rhames) ó piso duns raspiñeiros chamados Marvin (Phil LaMarr), Brett (Frank Whaley) e Roger (Burr Steers) a recuperar unha estraña maleta cuxo contido nunca é revelado. Ó chegar ó piso recuperan a maleta e matan a Roger e a Brett. Entón dá comezo á primeira historia: «Vincent Vega e a esposa de Marsellus Wallace». Nesta historia, Vincent ha de levar a cear a un asador a Mia (Uma Thurman), a esposa de Marsellus, xa que el ten que ausentarse.

A segunda historia: «O reloxo de ouro» narra a estafa de Butch (Bruce Willis) a Marsellus Wallace e a súa problemática fuxida da cidade.

Na terceira, «A situación con Boonie», estamos outra vez no piso no que Vincent e Jules matan a Roger e a Brett, onde termina a escena na que nos quedamos anteriormente. De súpeto aparece un cuarto home do baño (Alexis Arquette) que lles dispara sen chegar a darlles. O cuarto home é seguidamente asasinado por Vincent e Jules. Tras saír do edificio con Marvin, que en realidade era amigo de Jules, soben ó coche e Vincent, accidentalmente dispáralle na cabeza a Marvin, polo que teñen que esconder o coche e arranxalo. Escóndeno en casa dun amigo de Jules, Jimmie (Quentin Tarantino) e coa axuda do Señor Lobo (Harvey Keitel) arránxano. Logo pasamos ó epílogo no cal Vincent e Jules están na cafetería na que estaban Pumpkin e Honey Bunny ó principio.

Personaxes

John Travolta como Vincent Vega
Samuel L. Jackson como Jules Winnfield
Uma Thurman como Mia Wallace
Harvey Keitel como Winston Wolfe
Tim Roth como Ringo/"Pumpkin"
Amanda Plummer como Yolanda/"Honey Bunny"
Maria de Medeiros como Fabienne
Ving Rhames como Marsellus Wallace
Eric Stoltz como Lance
Rosanna Arquette como Jody
Christopher Walken como Capitán Koons
Bruce Willis como Butch Coolidge

Premios

En 1994: 7 nomeamentos ós premios Oscar con só un premio gañado:

1. Mellor película

2. Mellor director (Quentin Tarantino)

3. Mellor actor (John Travolta)

4. Mellor actor secundario (Samuel L. Jackson)

5. Mellor actriz secundaria (Uma Thurman)

6. Mellor guión orixinal: "GAÑADORA"

7. Mellor montaxe

1994: Foi Palma de Ouro no festival de Cannes

Banda sonora

1. Misirlou - Dick Dale & His Del-Tones
2. Royale With Cheese - John Travolta
3. Jungle Boogie - Kool & the Gang
4. Let's Stay Together - Al Green
5. Bustin' Surfboards - The Tornadoes
6. Lonesome Town - Ricky Nelson
7. Son Of A Preacher Man - Dusty Springfield
8. Bullwinkle Part II - The Centurians
9. You Never Can Tell - Chuck Berry
10. Girl, You'll Be A Woman Soon - Urge Overkill
11. If Love Is A Red Dress (Hang Me In Rags) - Maria McKee
12. Comanche - The Revels
13. Flowers On The Wall - The Statler Brothers
14. Personality Goes A Long Way - John Travolta
15. Surf Rider - The Lively Ones
16. Ezekiel 25:17 - Samuel L. Jackson

Notas

↑ British Board of Film Classification (ed.). "PULP FICTION". Arquivado dende o orixinal o 10 de maio de 2015. Consultado o 11 de novembro de 2012.
↑ ^2,0 ^2,1 Box Office Mojo (ed.). "Pulp Fiction (1994)". Consultado o 13 de maio de 2012.
↑ Waxman (2005), p. 67; Biskind (2004), p. 170; Polan (2000), p. 69; Dawson (1995), pp. 147–148.
↑ Charyn, Jerome (2009). Quentin Tarantino (en francés). ISBN 2-20725709-6.
↑ YouTube (ed.). "Filadelfia na TVG". Consultado o 11 de decembro de 2016.

Véxase tamén

Ligazóns externas

[1] British Board of Film Classification (ed.). "PULP FICTION". Arquivado dende o orixinal o 10 de maio de 2015. Consultado o 11 de novembro de 2012.

[Mojo-2] 2,0 ^2,1 Box Office Mojo (ed.). "Pulp Fiction (1994)". Consultado o 13 de maio de 2012.

[8.5_Budget-3] Waxman (2005), p. 67; Biskind (2004), p. 170; Polan (2000), p. 69; Dawson (1995), pp. 147–148.

[4] Charyn, Jerome (2009). Quentin Tarantino (en francés). ISBN 2-20725709-6.

[5] YouTube (ed.). "Filadelfia na TVG". Consultado o 11 de decembro de 2016.

[1]

[2]

[3]

[4]

[5]