Praia de Samil

A praia de Samil é un areal vigués, no lugar do mesmo nome da parroquia de Navia, que conta cunha lonxitude aproximada tres quilómetros. Limita coa Praia de Tombo do Gato (Alcabre) polo norte e coa desembocadura do río Lagares polo sur.

Praia de Samil
42°12′33″N 8°46′35″O
Características xerais
Lonxitude	3 km
Grao de ocupación	Alto
Grao de urbanización	Urbana
Paseo marítimo
Características específicas
Tipo de area	Fina
Condicións do baño
Seguridade
Equipo de vixilancia	Si
Sinalización do perigo	Si
Policía local	Si
Equipo de salvamento	Si
Accesibilidade
Tipo de acceso	Estrada
Sinalización do acceso

O areal está dividido en dúas partes diferenciadas ao norte e ao sur por un grupo de rochas que quedan unidas á terra na baixamar formando un tombo. Estas rochas reciben o nome das Queimadas. A metade norte recibe o nome de praia do Laxón, praia da Laxe ou praia Azul. A metade sur recibe o nome de praia de Samil por estar situada en fronte do barrio do mesmo nome. O extremo sur do areal, na desembocadura do río Lagares, recibe o nome da Foz, A Fox ou Cabo da Vella.

Trátase dunha das principais praias da cidade debido ó seu atractivo turístico e ó seu complexo recreativo, no que destacan cafetarías, piscinas, canchas de baloncesto, circuíto de coches teledirixidos, paseo, zonas verdes, aparcadoiros, pista de patinaxe, half-pipe etc.

Na praia de Samil celébrase anualmente o Festival Aéreo de Vigo.

Arte e cultura

Na rotonda na que se cruzan as Avenidas de Samil e de Europa atópase o monumento d'O rapto de Europa de Juan Oliveira Viéitez. Na mesma avenida de Samil atópase tamén o Verbum - Casa das palabras.

Galería de imaxes

• 
  Solpor na praia.
• 
  Samil.
• 
  Festival aéreo 2004.
• 
  O rapto de Europa de Juan Oliveira Viéitez

Véxase tamén

Outros artigos

• Praias da provincia de Pontevedra#Vigo
• Paseo marítimo de Samil

Ligazóns externas

• Praia de Samil en Turgalicia.
• Concello de Vigo