Plataforma per Catalunya
Plataforma per Catalunya (PxC) é un partido político de Cataluña, cuxo núcleo político é a crítica das políticas de inmigración catalás. É cualificado de xenófobo e ultradereitista. A Plataforma, identificáse como un partido identitario e populista.
| Plataforma per Catalunya (PxC) | |
|---|---|
| Partido político de Cataluña | |
 | |
| Dirixentes e organización | |
| Líder | Xavier Simó (Presidente interino) |
| Historia | |
| Fundación | 2003 |
| Posicións políticas | |
| Ideoloxía | Populismo |
| Outros datos | |
| Na rede | |
| www.plataforma.cat | |
   | |
Historia e características
editarO programa político de PxC baséase na oposición á inmigración islámica, que considera unha ameaza para os principios democráticos imperantes na sociedade catalá, e reclama a aplicación de "tolerancia cero" ante a delincuencia e o terrorismo, a defensa dos valores tradicionais da familia e a protección do medio ambiente. O partido propón unha regulación máis sólida ante a inmigración.
Nas eleccións municipais de 2003 obtivo un 10% de votos na cidade barcelonesa de Vic, cidade da cal é natural o seu presidente, Josep Anglada. Nas eleccións autonómicas de 2003 chegou a reunir case 5.000 votos en toda Cataluña, sendo estas as súas primeiras eleccións, o que non abondou para entrar no parlamento catalán.
Tralas eleccións municipais de 2007, PxC ten concelleiros en sete localidades catalás: Vic, Manresa, Manlleu, e Roda de Ter (Barcelona), Cervera e Sant Martí de Riucorb (Lleida), Olot (Xirona) e Vendrell (Tarragona).