Lockheed P-3 Orion

O Lockheed P-3 Orion é un avión catrimotor antisubmarino e de vixilancia marítima desenvolvidopara a Armada dos Estados Unidos e introducido nos anos 60. Lockheed baseouno no avión comercial L-188 Electra e distínguise doadamente deste pola súa agulla de cola, usada para albergar o detector de anomalías magnéticas (MAD) de submarinos.

Lockheed P-3 Orion
Tipo	patrulla marítima
Fabricante	Lockheed Lockheed Martin Kawasaki Aerospace Company
Primeiro voo	novembro de 1959
Introducido	agosto de 1962
Principais usuarios	Armada dos Estados Unidos Armada da República da China Forza Marítima de Autodefensa do Xapón Armada de Corea do Sur
Produción	1961 - 1990
Unidades construídas	757
Variantes	Lockheed AP-3C Orion Lockheed CP-140 Aurora Lockheed EP-3 Lockheed WP-3D Orion

Ao longo dos anos, o P-3 experimentou numerosos desenvolvementos de deseño, sobre todo nos seus paquetes electrónicos. Numerosas armadas e forzas aéreas de todo o mundo seguen a usar o tipo principalmente para patrullas marítimas, recoñecemento, guerra antisuperficie e guerra antisubmarina.

Construíronse un total de 757 P-3. En 2012, uniuse ao feixe de avións militares, incluíndo o Boeing B-52 Stratofortress, o Boeing KC-135 Stratotanker, o Lockheed C-130 Hercules e o Lockheed U-2 que o exército dos Estados Unidos leva máis de 50 anos utilizando.

No século XXI, o Boeing P-8 Poseidon propulsado por turboventiladores comezou a complementar, e finalmente substituirá, aos P-3 da Armada dos Estados Unidos.