José de la Peña de Toro

José de la Peña de Toro, nado en Salamanca e finado en Santiago de Compostela en 1676, foi un arquitecto e mestre de obras castelán.

José de la Peña de Toro

Biografía
Nacemento	Salamanca
Morte	1676 Santiago de Compostela
Actividade
Ocupación	arquitecto
Descrito pola fonte	Gran Enciclopedia Galega Silverio Cañada Diccionario enciclopédico galego universal Enciclopedia Galega Universal

Claustro do colexio de San Xerome, obra de José Peña Toro.

Traxectoria

Traballou no Convento de Santo Estevo de Salamanca. Clasicista, posteriormente evolucionou cara ó barroco. Chamado polos monxes beneditinos, en 1652 trasladouse a Santiago de Compostela onde continuou as obras do Mosteiro de San Martiño Pinario. En 1656, a Universidade contratouno para construír o claustro do Colexio de San Xerome.

Dirixido polo cóengo José Vega y Verdugo, de 1658 a 1672 traballou na Catedral de Santiago de Compostela (Pórtico Real da Praza da Quintana, Porta Santa ou dos Perdóns, Porta dos Abades, ciborio e coroación das ábsidas e Torre das Campas da Fachada do Obradoiro), sucedendo, en 1664, como mestre de obras ao portugués Francisco de Antas, que finou nese ano.

Fixo, tamén, a capela de Santa Tareixa (logo chamada da Soidade) na igrexa parroquial de Santa María Salomé, a capela de San Xosé na Igrexa da Compañía de Xesús de Santiago, hoxe igrexa da Universidade, e a capela de San Miguel na igrexa de Santa Baia de Arealonga (Vilagarcía de Arousa).

Véxase tamén

Bibliografía

• Anguita Herrador, Rosario (2010). El arte barroco español Encuentro. ISBN 978-84-9920-503-8.

Outros artigos

• Domingo de Andrade
• Melchor de Velasco Agüero

Ligazóns externas

• «A arquitectura barroca compostelá. 2ª metade do século XVII» Espazo Abalar.