Jesús Gil y Gil
Gregorio Jesús Gil y Gil, nado en El Burgo de Osma (Soria) o 12 de marzo de 1933 e finado en Madrid o 14 de maio de 2004, foi un empresario e político español. Foi presidente e máximo accionista do Club Atlético de Madrid e alcalde de Marbella (Málaga).
| Biografía | |
|---|---|
| Nacemento | 12 de marzo de 1933 El Burgo de Osma (Soria)  Castela e León |
| Morte | 14 de maio de 2004 Madrid |
| Causa da morte | ictus  |
| Lugar de sepultura | Cemiterio de La Almudena |
 Alcalde de Marbella | |
| 15 de xuño de 1991 – 24 de abril de 2002 – Julián Muñoz → | |
| Datos persoais | |
| Relixión | Catolicismo |
| Actividade | |
| Ocupación | Empresario Político |
| Partido político | Grupo Independiente Liberal |
| Familia | |
| Fillos | Jesús Gil Marín, Miguel Ángel Gil Marín |
  | |
Traxectoria
editarComezou a súa vida laboral nunha tenda de repostos de automóbiles logo de abandonar os estudos de Ciencias Económicas.
Foi xulgado e encarcerado polo homicidio de 56 persoas cando en xuño de 1969 un comedor da urbanización Los Ángeles de San Rafael, na provincia de Segovia, da que era promotor e propietario, derrubouse.[1] Posteriormente foi indultado en 1971.
A partir de 1987 chegou á presidencia do Atlético de Madrid, club de fútbol do cal era socio facía 6 anos.
O 26 de maio de 1991, Jesús Gil e o seu partido o GIL conseguiron a maioría absoluta na alcaldía de Marbella. Ese mesmo verán ata chegou a presentar un programa de televisión, Las noches de tal y tal, emitido por Telecinco desde esa cidade. Durante once anos foi alcalde de devandito municipio.
Faleceu por mor dun infarto cerebral á idade de 71 anos.
Corrupción
editarEn 1999 ingresou en prisión, ao ser imputado dos delitos de malversación de caudais públicos e falsidade en documento público. En 2002 foi condenado a 28 anos de inhabilitación e seis meses de arresto por catro delitos de prevaricación (polo que se viu obrigado a abandonar a Alcaldía de Marbella), relativos ao "Caso Camisetas", polo desvío de 450 millóns de pesetas do Concello marbellí ao Atlético de Madrid. Jesús Gil tamén entrou en prisión pola malversación de 4.442 millóns de pesetas (máis de 26 millóns de euros da actualidade) do Concello de Marbella entre os anos 1991 e 1995. Logo da súa morte, en 2004, o Tribunal Supremo declarouno culpable de apropiación indebida do Atlético de Madrid aínda que o absolveu por prescrición. Na mesma sentenza declarouno culpable de estafa ao club por simulación de contratos.[2]
| Predecesor: Francisco Castedo |
Presidente do Atlético de Madrid 1987 - 2003 |
Sucesor: Enrique Cerezo |
| Predecesor: Francisco Parra Medina |
Alcalde de Marbella 1991 - 2002 |
Sucesor: Julián Muñoz |
Notas
editar- ↑ Foi encarcerado de novo o promotor de «Los Angeles de San Rafael», La Vanguardia, 8 de abril de 1971, pg. 10.
- ↑ "Sentenza 620/2004 do Tribunal Supremo sobre o "Caso Atlético"" (PDF). Arquivado dende o orixinal (PDF) o 31 de marzo de 2010. Consultado o 24 de marzo de 2010.