Jerónimo Saavedra
Jerónimo Saavedra Acevedo, nado nas Palmas de Gran Canaria o 3 de xullo de 1936 e finado na mesma cidade o 21 de novembro de 2023, foi un político socialista canario. Foi presidente do goberno das Canarias de 1983 a 1987 e de 1991 a 1993, así como ministro de Administracións Públicas (1993-1995) e ministro de Educación e Ciencia (1995-1996) de España. Entre 2007 e 2011, coa vitoria nos comicios municipais por maioría absoluta, foi alcalde de Las Palmas de Gran Canaria.
Saavedra era doutor en Dereito e diplomado en Administración de Empresas pola Escola de Organización Industrial.
Historia política
editarEn 1972 comezou a militar no Partido Socialista Obrero Español (PSOE) e na Unión Xeral de Traballadores (UGT). Foi elixido en 1977 Secretario Xeral do Partido Socialista Canario (PSC-PSOE) e entre 1976 e 1983 membro do Comité Executivo da UGT. Foi deputado polo PSOE pola provincia das Palmas nas primeiras Cortes Constituíntes (1977), e volveu ser elixido deputado nas eleccións xerais de 1979, 1982 e 1989.
Foi Presidente do Goberno das Canarias de 1983 a 1987 e de 1991 a 1993.
Ministro de Administracións públicas (1993-1995) e Ministro de Educación e Ciencia durante a última lexislatura de Felipe González Márquez como presidente do goberno (1995-1996).
Senador en 1996 e de 1999 a 2003.
No ano 2000 revelou que era homosexual no prólogo do libro "Outing en España".
Presentouse á alcaldía de Las Palmas de Gran Canaria nas eleccións municipais do 27 de maio de 2007 polo Partido Socialista Canario (PSC-PSOE), nas que obtivo maioría absoluta.[1] Foi investido alcalde o 16 de xuño de 2007.
Cargos desempeñados
editar- Deputado por Las Palmas no Congreso dos Deputados. (1977-1983)
- Secretario xeral do PSC-PSOE. (1977-1997)
- Presidente do Goberno das Canarias (1982-1987; 1991-1993)
- Deputado por Las Palmas no Parlamento das Canarias. (1983-1993)
- Ministro de Administracións Públicas. (1993-1995)
- Ministro de Educación e Ciencia. (1995-1996)
- Deputado por Las Palmas no Parlamento das Canarias. (1996-1999)
- Senador designado polo Parlamento das Canarias. (1999-2003)
- Alcalde de Las Palmas de Gran Canaria. (2007-2011)
- Portavoz do PSOE no Concello de Las Palmas de Gran Canaria. (2011)
- Deputado do Común das Canarias (2011- )
Notas
editar- ↑ Canarias 7, ed. (28-05-2007). "Jerónimo Saavedra, nuevo alcalde de Las Palmas de Gran Canaria". Arquivado dende o orixinal o 27-09-2007. Consultado o 12-12-2012.
Véxase tamén
editarLigazóns externas
editar| Predecesor: Ninguén |
 Secretario xeral do PSOE de Canarias 1977–1997 |
Sucesor: Juan Carlos Alemán |
| Predecesor: Ninguén |
 Presidente do Goberno de Canarias 1983–1987 |
Sucesor: Fernando Fernández Martín |
| Predecesor: Lorenzo Olarte Cullén |
Presidente do Goberno de Canarias 1991-1993 |
Sucesor: Manuel Hermoso |
| Predecesor: Juan Manuel Eguiagaray Ucelay |
 Ministro de Administracións Públicas de España 1993–1995 |
Sucesor: Joan Lerma |
| Predecesor: Gustavo Suárez Pertierra |
Ministro de Educación e Ciencia de España 1995–1996 |
Sucesor: Esperanza Aguirre |
| Predecesor: Josefa Luzardo Romano |
 Alcalde de Las Palmas de Gran Canaria 2007–2011 |
Sucesor: Juan José Cardona |