Igualada

Igualada
Localización
	41°34′53″N 1°37′15″L / 41.581388888889, 1.6208333333333
Estado	España
Comunidade autónoma	Cataluña
Provincia	provincia de Barcelona
Comarca	Anoia
Capital de	Anoia
Capital	Igualada (pt)
Poboación
Poboación	41.164 (2023) (5.081,98 hab./km²)
Número de fogares	179 (1553)
Lingua oficial	lingua catalá
Xeografía
Parte de	Mancomunitat Conca d'Òdena (en) ; Q107554283
Superficie	8,1 km²
Bañado por	Anoia (en) e Riera d'Òdena (en)
Altitude	360 m
Comparte fronteira con	Òdena ; Santa Margarida de Montbui ; Vilanova del Camí ; Jorba
Organización política
• Mayor of Igualada (en)	Marc Castells i Berzosa (2011–)
Identificador descritivo
Código postal	08700
Fuso horario	UTC+01:00
Código INE	08102
Código territorial IDESCAT	081022
Outro
Irmandado con	Lecco ; Alcántara ; Nueva Esperanza (en) ; Aksakovo (pt) ; Guimarães ; Guimarães (pt) (1995–)
Sitio web	igualada.cat

Igualada é un municipio catalán da provincia de Barcelona, capital da comarca do Anoia. Está situado a 67 km de Barcelona. En 2010 tiña 39 149 habitantes.

A súa principal actividade é a industria (téxtil, papel, pel). Tamén se caracteriza por ter a única fábrica de globos aerostáticos que existe en España (Ultramagic). Así que Igualada poderíase definir como "a cidade do téxtil, a pel e os globos aerostáticos".

Historia

O topónimo procede do latín, combinando os lexemas aqua, aquae, "auga" e mais latus, lata, latum (supino do verbo fero, fers, ferre, tuli, latus, "levar"). Así o significado de Aqua Lata sería "auga levada", debido ás conducións hídricas que traían auga doutros lugares. A vila aparece citada en 1188 como Aqualatam (Cartulario de Sant Cugat, III 814). O resultado fonético sería Aigualada, con aférese do a ao ser considerada erroneamente unha preposición^[1].

Inicialmente foi un pequeno núcleo de poboación apuntado en 1003, no que se fai referencia a unha igrexa dedicada a Santa María, relacionada co Mosteiro de Sant Cugat. Igualada quedou circunscrita entre os límites do dominio feudal de Ódena e os señoríos de Montbui e Claramunt, atravesada polo antigo camiño de Barcelona a Lleida.

As primeiras murallas que se coñecen datan, probablemente, do século XII, que se ampliaron no século XIV coa intención de incluír as construcións do sol poñente, o Raval de Capdevila. Unha terceira expansión das murallas levou a cabo no século XV, con 36 torres e 10 portas. Estas murallas permaneceron ata o século XVIII.

Cara a finais do século XVIII edifícanse os barrios de Sant Agustí e La Soledat, (fóra das murallas). E neste mesmo século constrúense as novas curtidorías. En 1925 Igualada amplía o seu termo municipal comprando os terreos a Òdena, o que lle permitiu unha expansión posterior. A inmigración peninsular, durante o franquismo, provocou a creación de novos barrios obreiros como o de Fátima, Santo Cristo e Montserrat.

En 1984 aprobouse o Plan Especial de Mellora Urbana (Les Comes), que propiciou unha área residencial na zona norte da cidade, aprobándose, en 1988, a súa ampliación. Nos últimos anos a cidade tamén creceu en dirección oeste coa construción das urbanizacións residenciais de Sant Jaume Sesoliveres e o Pla da Massa.

Demografía

Evolución demográfica
1900	1930	1950	1970	1981	2000	2008
10.442	13.885	16.945	27.941	31.451	32.516	38.164

Economía

Tradicionalmente a actividade principal de Igualada foi a industria téxtil, papeleira e de peles. Durante os últimos anos do século XX e inicios do XXI, o sector téxtil padeceu unha gran crise. Con todo, hai empresas de moda que acertaron coa estratexia e adaptáronse aos cambios do sector como Buff, Sita Murt, Punto Blanco, Messcalino ou Escorpión.

A tradición adobeira de Igualada converteuna nun recoñecido centro de estudos relacionados co curtido e adobe de peles, que actualmente son impartidos na Escola d'Enginyeria d'Igualada, centro universitario público adscrito á Universidade Politécnica de Cataluña. O centro ofrece tamén os graos en Enxeñería química e Enxeñaría en Organización industrial.

Lugares de interese

Cemiterio de Igualada

Paseo Mossèn Jacint Verdaguer

Museo da Pel de Igualada e Comarcal do Anoia
Museo do Traginer
Igrexa de Santa Maria
Cemiterio Novo
Asilo do Sant Crist
Edificios modernistas

Transporte

A A-2 é a vía principal situada no norte que comunica Igualada en coche. Tamén no norte está a C-37 que comunica con Manresa. Ao sur atópase a C-15 que comunica con Vilafranca del Penedès. Tamén hai conexión coa Liña Llobregat-Anoia dos Ferrocarrils de la Generalitat de Catalunya, coa Estación de Igualada.

A dous quilómetros de Igualada atópase o Aeródromo de Igualada-Òdena General Vives, que se transformará proximamente no Aeroporto Corporativo Empresarial de aviación privada con capacidade para operar con voos de curta, media e longa distancia, na súa maioría en Europa e España. No aeródromo atópase a única fábrica de globos aerostáticos que existe en España, e a segunda do mundo por cifra de negocios: Ultramagic.

Galería de imaxes

Xigantes na Festa Maior
Dilixencia dos Tres Tombs

Notas

↑ Galmés de Fuentes, Á. (2000): Los topónimos: sus blasones y trofeos (la toponimia mítica). Madrid, Real Academia de la Historia. ISBN 9788489512795. Páx. 186.

Véxase tamén

Ligazóns externas

Sitio oficial do concello (en catalán)
Guía urbana da cidade de Igualada (en catalán)
Información da Generalitat de Catalunya (en catalán)
Información do Institut d'Estadística de Catalunya (en catalán)

[1] Galmés de Fuentes, Á. (2000): Los topónimos: sus blasones y trofeos (la toponimia mítica). Madrid, Real Academia de la Historia. ISBN 9788489512795. Páx. 186.

[1]