Festival da Poesía no Condado
Atención: Este artigo ou sección semella conter investigacións orixinais. |
Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde abril de 2017.) |
O Festival da Poesía no Condado é un certame poético e cultural que se celebra a primeira fin de semana de setembro en Salvaterra de Miño, organizado pola Sociedade Cultural e Deportiva do Condado (SDC). Presenta un programa cun ton reivindicativo que sempre enfocou a súa mensaxe nas reivindicacións populares do momento.
| Festival da Poesía no Condado | |
|---|---|
| Tipo | festival de poesía |
| Data de fundación | 1981 |
| En | Salvaterra de Miño |
| País | Galicia |
| [ editar datos en Wikidata ] | |
Este festival nace en 1981 en Mondariz coa intención de outorgarlle máis valor á poesía galega e, cos seus lemas contundentes, enaltecer o libre pensamento. Amais dos recitais poéticos, hai outras actividades como concertos musicais, charlas, mostras de artesanía ou xogos populares.
Historia
editarA Sociedade Deportiva e Cultural do Condado (SDC) naceu en novembro de 1973, se ben non foi legalizada até 1974 por non se someter aos requerimentos da Lei de Asociación (1968). Esta organización acolle diversas ideoloxías. Está centrada na transmisión da cultura galega e no seu desenvolvemento socio-cultural. Desenvolve as súas actividades na comarca do Condado, especialmente en Salvaterra de Miño, onde está a sede da Sociedade.
Manolo Soto, ideólogo e presidente da Sociedade Deportiva e Cultural, foi o fundador do Festival da Poesía no Condado. A creación deste certame pretendía exaltar a poesía e a cultura, tan perseguida na época.
A primeira edición do Festival da Poesía foi realizada en Mondariz-Balneario e, aínda que Salvaterra sería o centro da maior parte dos certames, celebraríanse varias edicións fóra (O Porriño, Ponteareas e Salceda de Caselas).
Cabe destacar que, por dificultades económicas (boicots e débedas contraídas), desde 1996 até o 2001, o festival sufriu un parón. A pesar da ausencia do festival este continuou vívido na memoria dos cidadáns o que permitiu a súa recuperación no 2001 coa XVI edición.
Características
editarModalidades
editarO festival comezou centrándose na poesía, pero co paso do tempo foi medrando e ampliando o seu programa. As novas áreas están relacionadas coa contorna artística, como a música, a pintura, o audiovisual ou a artesanía. Tamén acolle actividades de carácter lúdico como humoristas, contacontos ou xogos. Estas últimas permiten que toda a familia poida gozar deste festival.
Participantes
editarDestacan personaxes procedentes de Galiza pero tamén de toda a Península e doutros países. Neste grupo atópanse persoas principalmente relacionadas coas artes plásticas e a literatura.
Algúns de eles son personaxes de importancia nas súas áreas, como Carlos Solla, Branca Novoneyra, Celso Álvarez Cáccamo, Francismo Álvarez Koki, Xavier Seoane, Manuel Rivas. Entre os foráneos destacan Pan Gener Galin (Cataluña), Delmar Maia Gonçalves (Mozambique) ou Ana Silva Faria (Portugal), entre moitos outros.
Ideoloxía
editarMalia o grupo que se encarga deste proxecto estar conformado por persoas de diversas ideoloxías, certas características marcan a súa posición, como o uso do galego reintegracionista. Convídase tamén a persoas procedentes de diversos sistemas lingüísticos, como o catalán, euscaldún e lusófono.
O tema principal do festival é a reivindicación social e cultural. Por iso cada ano programa ten como centro un asunto de importancia social do momento. Tal e como reivindican na súa primeira edición, esta festa “tenta ser o xermolo do "xunguimento", nunha nova perspectiva no que o factor común sexa a unidade solidaria diante da agresión cotián”.[1]
Dentro dos temas a tratar destaca a denuncia social:
- Defensa da muller (igualdade de xénero)
- Emigración/inmigración e exilio
- Irmandades da Fala: a SDC eloxia a posición das Irmandades co seu monolingüismo en galego e a súa traxectoria.
- Crise
Entre as temáticas que aparecen como exemplo figuran as relacionadas con asuntos de actualidade. Porén, outros recordan certos momentos da historia de Galiza ou grupos que marcaron a historia galega.
Notas
editar- ↑ "Festival Da Poesia No Condado, Salvaterra de Miño". Consultado o 23 de abril de 2020.
Bibliografía
editar- "Festival da poesía no Condado, Salvaterra de Miño, na web Brujulea (en castelán). Consultado o 18 de marzo de 2017.
- Festival da poesía no Condado, en Cultura de Galicia. Consultado o 24 de febreiro de 2017.
- "A SCD do Condado demanda apoio social para o Festival da poesía", artigo en Sermos Galiza, 11 de xullo de 2013. Consultado o 25 de abril de 2017.
- "El Festival da poesía no Condado busca mecenas en internet", artigo de Benito Ordóñez e B. R. Sotelino en La Voz De Galicia, 21 de xullo de 2013. Consultado o 5 de marzo de 2017.
- "Poesía y desobediencia contra la crisis", artigo en El País, 30 de agosto de 2013. Consultado o 25 de febreiro de 2017.
Este artigo ou sección precisa dunha revisión do formato que siga o libro de estilo da Galipedia. Pode axudar a mellorar este artigo e outros en condicións semellantes. |
- Salvaterra, V.p. |. "El Festival Da Poesía Do Condado Aborda La Migración Y El Exilio En Salvaterra De Miño." El Festival Da Poesía Do Condado Aborda La Migración Y El Exilio En Salvaterra De Miño - Faro De Vigo. FARODEVIGO, 4 Sept. 2015. Web. 21 Feb. 2017. <http://www.farodevigo.es/comarcas/2015/09/04/festival-da-poesia-do-condado/1307419.html>.
- Santiago. "O Festival De Poesía Do Condado Chega Á Súa XVII Edición Co Programa Máis Completo Da Súa Longa Historia." Culturagalega. Cultura Galega, 4 Sept. 2003. Web. 21 Feb. 2017. <http://www.culturagalega.org/noticia.php?id=3344>.
- "XXV Festival Da Poesía No Condado." XXV Festival Da Poesía No Condado : Ponteareas Virtual. N.p., n.d. Web. 18 Mar. 2017. <http://www.ponteareasvirtual.com/guia/agenda/mostrar/xxv_festival_da_poesia_no_condado>.
- "XXX Festival Da Poesia No Condado." XXX Festival Da Poesia No Condado - CROA MAGAZINE. Croa, n.d. Web. 21 Feb. 2017. <http://croamagazine.es/agenda/xxx-festival-da-poesia-no-condado/>.