Eero Saarinen

Eero Saarinen, nado o 20 de agosto de 1910 en Helsinqui e finado o 1 de setembro de 1961, foi un arquitecto e deseñador estadounidense de orixe finlandesa. O seu pai foi o coñecido arquitecto Eliel Saarinen.

Eero Saarinen

Biografía
Nacemento	20 de agosto de 1910 Kirkkonummi, Finlandia
Morte	1 de setembro de 1961 (51 anos) Ann Arbor, Estados Unidos de América
Causa da morte	cancro de cerebro
Educación	Académie de la Grande Chaumière (pt) Yale School of Architecture (en) Universidade Yale
Actividade
Campo de traballo	Arquitectura
Lugar de traballo	St. Louis Aeroporto de Washington Dulles Instituto de Tecnoloxía de Massachusetts Aeroporto Internacional John F. Kennedy
Ocupación	arquitecto, deseñador
Empregador	Office of Strategic Services (pt)
Membro de	Academia Estadounidense das Artes e as Letras Academia das Artes e das Ciencias dos Estados Unidos Academia Bávara de Belas Artes
Movemento	Modernismo
Obra
Obras destacables (1958) Ingalls Rink (en) (1964) CBS Building (en) (1968) Gateway Arch (pt)
Arquivos en	Manuscripts and Archives Department Yale University Library (en) Avery Architectural and Fine Arts Library (en) Arquivos de Arte Americana (pt)
Familia
Cónxuxe	Aline B. Saarinen (1954–1961), morte da persoa Lilian Swann Saarinen (1939–1953), divorcio
Fillos	Eames Saarinen  () Aline B. Saarinen Eric Saarinen  () Lilian Swann Saarinen
Pais	Eliel Saarinen   e Loja Saarinen
Irmáns	Pipsan Saarinen Swanson
Premios
Medalla de Ouro do AIA  Fellow of the American Institute of Architects (en)

Traxectoria

Cando tiña 13 anos, os seus pais emigraron ós Estados Unidos. Saarinen estudou primeiramente escultura na Academia da Grand Chaumiére de París e posteriormente arquitectura na Universidade Yale. Recibiu unha bolsa para viaxar de novo a Europa, onde estivo dous anos. De volta ós Estados Unidos foi profesor de Arquitectura na Academia de Arte Cranbrook. En 1937 comezou a deseñar mobles en colaboración cun socio, polos que recibiron varios premios do Museo de Arte Moderna de Nova York.

Terminal TWA Flight Center no aeroporto JFK de Nova York (1962).

Máis tarde deseñou tamén mobles para a compañía Knoll, que se converteron en clásicos.

Como arquitecto, Saarinen traballou no estudio do seu pai ata a morte deste. Fíxose famoso polos seus deseños en liñas curvas, especialmete nas cubertas dos edificios, coas que conseguía darlles gran lixeireza. Asociouse acotío co que se denominou arquitectura internacional. Un dos edificios máis representativos e coñecidos popularmente é a terminal da TWA no aeroporto Kennedy de Nova York, inaugurada en 1962 e renovada na década de 2000.

Obras destacadas

• Arco Gateway (St. Louis, Missouri).
• Aeroporto Internacional de Hellinikon.
• Auditorio Kresge, Instituto de Tecnoloxía de Massachusetts (Boston).
• Edificio Bell Laboratories (Holmdel, Nova Jersey).
• Edificio da CBS (Black Rock, Nova York).
• Teatro Vivían Beaumont, Lincoln Center (Nova York).
• Aeroporto Internacional Washington-Dulles (Washington).
• Terminal da TWA, Aeroporto Kennedy (Nova York).
• Centro Técnico da General Motors (Worren, Míchigan).
• Embaixada dos EEUU en Oslo.
• Embaixada dos EEUU en Londres.
• Igrexa North Christian (Columbus, Indiana).
• Edificio de IBM Research en Yorktown Heights, Nova York

Véxase tamén

Ligazóns externas

• Biografía e proxectos en soloarquitectura.com (en castelán).
• Imaxes de obras en bluffton.edu (en inglés).