Eduard Buchner

Eduard Buchner, nado o 20 de maio de 1860 en Múnic e finado o 12 de agosto de 1917 en Focsani (Romanía), foi un químico alemán, galardoado co premio Nobel de Química en 1907.

Eduard Buchner

(1907)
Biografía
Nacemento	20 de maio de 1860 Múnic (Confederación Xermánica)
Morte	13 de agosto de 1917 (57 anos) Focșani (Reino de Romanía)
Lugar de sepultura	Focsani German Soldiers Cemetery (en)
Residencia	Múnic
Educación	Universidade de Múnic Universidade Técnica de Múnic Universidade de Erlangen-Núremberg
Director de tese	Adolf von Baeyer
Actividade
Campo de traballo	Química e Bioquímica
Lugar de traballo	Berlín Wrocław Tubinga
Ocupación	bioquímico, químico, profesor universitario
Empregador	Universidade de Tubinga Universidade Humboldt de Berlín Universidade de Breslau Universidade de Würzburg Universidade de Múnic
Membro de	Leopoldina
Carreira militar
Conflito	Primeira guerra mundial
Familia
Cónxuxe	Lotte Stahl
Irmáns	Hans Buchner
Premios
(1907)  Premio Nobel de Química (1905)  Medalha Liebig (pt)
Descrito pola fonte	Nordisk familjebok Grande Enciclopedia Soviética 1969-1978, (sec:Бухнер Эдуард) Obálky knih,

Traxectoria

Fillo dun médico e profesor de medicamento forense, comezou os seus estudos de química en 1884 con Adolf von Baeyer e botánica con Karl Wilhelm von Nägeli no Instituto de Botánica de Múnic. Tras un período en que traballou con Otto Fischer en Erlangen, obtivo o doutoramento pola Universidade de Múnic en 1888. Desde 1893 foi sucesivamente profesor das de Kiel, Tubinga, Berlín, Breslau e Würzburg.

Casou con Lotte Stahl en 1900.

Durante a primeira guerra mundial serviu nun hospital de campaña en primeira liña. Foi ferido o 3 de agosto de 1917 e morreu a consecuencia de ditas feridas nove días despois.

En 1897, Eduard descubriu que os extractos de lévedo podían fermentar o azucre ata alcohol e probou que os enzimas implicados na fermentación alcóholica continuaban a funcionar mesmo cando se eliminaban as células vivas.

Investigacións científicas

En 1907 recibiu o premio Nobel de Química polo seu descubrimento da fermentación (en concreto sobre a fermentación alcohólica) en ausencia de células vivas. Con este experimento demostrou que a fermentación alcohólica débese á acción dunhas encimas chamadas cimasas e non á simple acción fisiológica das células do fermento.

Escribiu sobre os seus descubrimentos acerca da fermentación na obra Die Zymasegährung (1903), escrita en colaboración co seu irmán Hans.

Véxase tamén

Ligazóns externas

• Páxina web do Instituto Nobel, Premio Nobel de Química 1907 (en inglés)
• Biografía na páxina do Instituto Nobel 1907 (en inglés)
• Perfil de Eduard Buchner en NNDB (en inglés)

Predecesor: Henri Moissan

Premio Nobel de Química 1907

Sucesor: Ernest Rutherford