Wikipedia

Donald Sterling

Donald Tokowitz Sterling, nado Donald Tokowitz e máis coñecido como Donald Sterling, nado en Chicago o 26 de abril de 1934[1], é un antigo avogado e empresario, ex-propietario do equipo de baloncesto Los Angeles Clippers da NBA, equipo onde permaneceu desde 1981, ao adquirilo por 12,5 millóns de dólares, a´te 2014, ano no que se estimaba o valor da franquía en 575 millóns de dólares segundo a revista Forbes.[2] Tres 33 tempadas, Sterling era un o propietario da NBA con máis antigüidade desde a morte de Jerry Buss dos Lakers o 18 de febreiro de 2013, con todo, o 29 de abril de 2014 foi suspendido pola NBA de por vida por facer declaracións racistas.

Modelo:BiografíaDonald Sterling

(2010) Editar o valor en Wikidata
Biografía
Nacemento26 de abril de 1934 Editar o valor en Wikidata (90 anos)
Chicago, Estados Unidos de América Editar o valor en Wikidata
EducaciónCalifornia State University, Los Angeles (en) Traducir
Southwestern Law School (en) Traducir
Theodore Roosevelt High School (en) Traducir Editar o valor en Wikidata
Actividade
Ocupaciónavogado, empresario, senhorio (pt) Traducir Editar o valor en Wikidata
Deportebaloncesto Editar o valor en Wikidata

Primeiros anos

editar

Os seus pais Susan e Mickey[3], eran inmigrantes xudeus e Donald pasou os seus primeiros dous anos na súa cidade natal pero logo a súa familia mudouse aos Ánxeles. Estudou na Universidade Estatal de California e na Southwestern University School of Law[4]

Carreira de avogado e empresarial

editar

Sterling, graduado nunha universidade sen o prestixio das grandes non podía aspirar a ingresar nunha firma de avogados recoñecida polo que cando comezou a súa carreira de avogado en 1961 fíxoo como independente, especializándose en divorcios e lesións. Cos beneficios logrados no exercicio da súa profesión comezou desde 1963 a mercar inmobles, en especial en Beverly Hills, algúns de actores como os de Raymond Burr, Chuck Connors, Robert Mitchum, John Wayne, Carol Burnett, Burt Lancaster e varios de Jerry Buss. En total, Sterling acquiriu arredor de 5000 apartamentos o Hotel Comstock, o antigo edificio da MGM (hoxe Sterling Plaza), e en Malibú o antigo Malibu Yacht Club e un inmoble do produtor Jack Warner.[5]

Clippers

editar

En 1981 o propietario maioritario dos Lakers Jerry Buss, con quen fixera negocios Sterling, suxeriulle que mercase a súa propia franquía da NBA. Sterling mercou os Clippers, que entón tiñan a súa sede en San Diego por 12,5 millóns de dólares, aínda que a diferenza de Buss cos Lakers, Sterling e os seus Clippers loitaron en numerosas tempadas sen lograr o campionato da NBA, e non foi ata a tempada 1991-1992 cando lograron o primeiro.

En 1984, Sterling moveu os Clippers de San Diego aos Ánxeles, decisión que non aprobou a NBA impoñéndolle unha multa de 25 millóns, Sterling demandou á liga por 100 millóns que retirou cando chegou a un acordo para reducir a multa a 6 millóns[3]. Sterling recibiu moitas críticas pola xestión económica do club[6], debido en parte aos malos resultados, e o equipo está considerado desde hai tempo un equipo dos do fondo da NBA e mesmo como algo risible[7][8][9][10], logrando só tres veces o pase aos playoffs da NBA, en 1992, 1993 e 1997. Durante a tempada 1999-2000 o equipo pasou a xogar no Staples Center, e nos anos seguintes melloran os seus resultados deportivos, gañando 45 partidos na tempada 2005-2006 volvendo de novo aos playoffs, e de novo nas tempadas 2011-2012, 2012-2013 e 2013-2014. Sterling gastou 50 millóns de dólares para construír en Playa Vista un centro de adestramento e sede social do equipo, inaugurado en setembro de 2008. Algúns medios influentes como o Sporting News [11] ou The New York Times[12] describírono como o peor propietario de equipos deportivos profesionais.

Controversias

editar

En agosto de 2006, o Departamento de Xustiza dos Estados Unidos demandou a Sterling por discriminación ao empregar un criterio racial como factor de aceptación nalgúns dos seus inmobles, así rexeitou o acceso a non coreanos no Koreatown dos Ánxeles e aos afroamericanos en Beverly Hills e a acusación alegou que Sterling afirmara que non lle gustaba alugar a hispanos por que eles "fuman, beben e vadían arredor do inmoble" e que os negros "cheiran e atraen á chusma"[13]. En novembro de 2009 Sterling aceptou pagar unha multa de 2,7 millóns de dólares para resolver as reclamacións do ministerio fiscal polas súas prácticas discriminatorias contra hispanos, negros e famlias con fillos[14]. Ademais a Sterling condenárono a pagar 4,9 millóns de dólares en custas procesuais.

En febreiro de 2009 demandouno o antigo director executivo dos Clippers, Elgin Baylor, por discriminación laboral por idade e raza[15]. A acusación alegaba que Sterling dixera a Baylor que este quería encher o equipo con "rapaces pobres negros do sur e un adestrador xefe branco" e que durante as negociacións con Danny Manning, Sterling declarara "estou a ofrecer moito diñeiro por un pobre rapaz negro"[16].

O 25 de abril de 2014 TMZ Sports deu a coñecer a gravación cunha conversa mantida o 9 de abril de 2014 entre Sterling e V. Stivian.[17][18]. Segundo TMZ, Sterling e Stiviano discuten sobre unha foto que Stiviano puxera en Instagram na que ela posaba con Magic Johnson[18]. Na gravación de son Sterling, presuntamente, dicíalle a Stiviano: "Moito me amola que propagues que te relacionas con xente negra. Tes que facelo?. Podes durmir con eles. Podes traelos aquí, podes facer o que che dea a gana. O pouco que che pido é que non o divulgues, que non os traias aos meus partidos"[17]. O presidente dos Clippers Andy Roesen emitiu unha declaración ao día seguinte na que indicaba que a súa organización non estaba segura que fose unha gravación lexítima e sen alterar, e que os sentimentos que se atribuían a Sterling non reflectían os seus puntos de vista e que a muller da gravación fora demandada pola familia de Sterling [19][20]. Pero a reacción de rexeitamento as declaracións foi inmediata, a sección local dos Ánxeles da National Association for the Advancement of Colored People cancelou os seus plans para darlle un premio a Sterling[21], e mesmo o presidente Barack Obama cualificou as declaracións atribuídas a Sterling de racistas, afirmando que “cando persoas ignorantes queren expresar a súa ignorancia, non podes facer nada, só deixar que falen”[22]. Varios dos principais patrocinadores do equipo anunciaron que finalizaban ou suspendían os seus contratos[23], e a NBA anunciou unha investigación sobre o caso [24] que deu como resultado segundo anunciou o 29 de abril o comisionado da NBA Adam Silver nunha suspensión de por vida da liga e unha sanción de 2,5 millóns de dólares, o máximo permitido segundo as normas da NBA[25]. A suspensión prohibe a Sterling acudir a calquera partido da NBA, entrar nos adestramentos dos Clippers ou de calquera outro equipo da NBA, e aínda máis Silver instou á xunta de goberno do equipo para que exerzan a súa autoridade e forcen unha venda do equipo[26].

Notas

editar
  1. ↑ Bolch, Ben (26 de abril de 2014). "Clippers owner Donald Sterling in firestorm over alleged racist remarks". Los Angeles Times. Arquivado dende o orixinal o 27 de abril de 2014. Consultado o 28 de abril de 2014. 
  2. ↑ "Los Angeles Clippers on the Forbes NBA team valuations list". Forbes. Consultado o 27 de abril de 2014. 
  3. ↑ 3,0 3,1 Lidz, Franz (17 de abril de 2000). "Up And Down In Beverly Hills". Sports Illustrated. Arquivado dende o orixinal o 28 de abril de 2014. Consultado o 28 de abril de 2014. 
  4. ↑ California State Bar Membership Records
  5. ↑ (en inglés) Ruth Ryon (12 de marzo de 1989). "Clipper Owner's Win Streak Much Better With Apartments". Los Angeles Times. Consultado o 27 de abril de 2014. 
  6. ↑ "For the Los Angeles Clippers, These Are the Best of Times". New York Times, 22 de abril de 2006
  7. ↑ Amick, Sam (1 de novembro de 2012). "Clippers have leg up on Lakers to start NBA season". USA Today. Consultado o 2 de novembro de 2012. 
  8. ↑ Abrams, Jonathan (11 de febreiro de 2011). "Confetti Falls as Cavaliers End Drought". New York Times. Consultado o 2 de novembro de 2012. 
  9. ↑ Beth, Harris (10 de maio de 2012). yahoo.com, ed. "Grizzlies-Clippers Preview". Arquivado dende o orixinal o 02 de novembro de 2013. Consultado o 2 de novembro de 2012. 
  10. ↑ ESPN.com, ed. (24 de outubro de 2012). "Clippers look to build on start of something good". Consultado o 2 de novembro de 2012. 
  11. ↑ SportingNews.com, ed. (28 de abril de 2014). "Report: Magic Johnson could present package to buy Clippers from Donald Sterling". Arquivado dende o orixinal o 29 de abril de 2014. Consultado o 29 de abril de 2014. 
  12. ↑ Witz, Billy (27 de abril de 2014). "Vortex of Outrage Has Long Trailed Clippers’ Owner". The New York Times. Arquivado dende o orixinal o 29 de abril de 2014. Consultado o 29 de abril de 2014. 
  13. ↑ Plaschke, Bill (13 de febreiro de 2009). "There are no winners in Elgin Baylor's lawsuit against Clippers". Los Angeles Times. 
  14. ↑ The Associated Press, ed. (3 de novembro de 2009). "Sterling settles housing bias lawsuit". 
  15. ↑ Lisa Dillman (12 de febreiro de 2009). Los Angeles Times, ed. "Baylor sues Clippers, alleging racist attitude". 
  16. ↑ Dillman, Lisa (14 de febreiro de 2009). Los Angeles Times, ed. "Mention of David Stern is an error in Elgin Baylor's lawsuit". 
  17. ↑ 17,0 17,1 "N.B.A. probing racial remarks tied to owner". The New York Times. 26 de abril de 2014. 
  18. ↑ 18,0 18,1 "L.A. Clippers owner to GF: Don't bring black people to my games ... including Magic Johnson". TMZ.com. EHM Productions. 25 de abril de 2014. Consultado o 26 de abril de 2014. 
  19. ↑ Knoblauch, Austin (26 de abril de 2014). "Clippers release statement on alleged Donald Sterling racist comments". Los Angeles Times. 
  20. ↑ The Los Angeles Clippers, ed. (26 de abril de 2014). "Statement from Clippers president Andy Roeser". 
  21. ↑ Rovell, Darren (April 27, 2014). "NAACP won't award Donald Sterling". ESPN.com. Arquivado dende o orixinal o 29 de abril de 2014. Consultado o 29 de abril de 2014. 
  22. ↑ "With Uproar Around Sterling, Clippers Take the Court". The New York Times. 26 de abril de 2014. 
  23. ↑ ESPN.com, ed. (28 de abril de 2014). "Sponsors end Clippers sponsorship". Arquivado dende o orixinal o 28 de abril de 2014. Consultado o 29 de abril de 2014. 
  24. ↑ "The NBA's options in dealing with Donald Sterling, ABC News, 28 de abril de 2014
  25. ↑ "Clippers Owner Donald Sterling Fined $2.5M and Banned for Life by NBA" CBS News, 29 de abril de 2014
  26. ↑ "Transcript: Commissioner Adam Silver news conference, NBA.com, 29 de abril de 2014". Arquivado dende o orixinal o 29 de abril de 2014. Consultado o 29 de abril de 2014. 
Traído desde «https://gl.wikipedia.org/w/index.php?title=Donald_Sterling&oldid=6492779»