Das Rheingold

Das Rheingold (en galego, O ouro do Rin) é unha ópera en catro cadros con música e libreto en alemán de Richard Wagner. É a primeira das catro óperas que compoñen o ciclo Der Ring des Nibelungen (O anel do Nibelungo). A ópera foi estreada no Königliches Hof-und Nationaltheater de München o 22 de setembro de 1869 de xeito illado, antes mesmo do termo do ciclo do anel, baixo o patrocinio de Lois II de Baviera, contra a vontade de Wagner, que pretendía estrear a obra por completo no seu teatro de ópera de Bayreuth, que daquela aínda estaba en construción. Non foi ata o 13 de agosto de 1876 cando se representou por primeira vez dentro do ciclo completo. Forma parte do Canon de Bayreuth.

Das Rheingold O ouro do Rin
Estrea en Bayreuth (1876).
Forma	Prólogo
Actos e escenas	1 acto formado por un preludio e 4 escenas
Idioma orixinal do libreto	Alemán
Libretista	Richard Wagner
Fontes literarias	O poema anónimo medieval Das Nibelungenlied e a escandinava Volsunga Saga
Estrea	22 de setembro de 1869
Teatro da estrea	Königliches Hof-und Nationaltheater
Lugar da estrea	München
Duración	2 horas 30 minutos
Música
Compositor	Richard Wagner
Personaxes
Deuses Wotan (barítono baixo) Fricka (mezzosoprano) Freia (soprano lírica) Donner (barítono) Froh (tenor) Loge (tenor) Erda (contralto) Nibelungos Alberich (barítono baixo) Mime (tenor) Os xigantes Fasolt (barítono baixo) Fafner (baixo) As doncellas do Rin Woglinde (soprano lírica) Wellgunde (mezzosoprano) Flosshilde (contralto) Nibelungos

Das Rheingold é desafiante para os músicos da orquestra e o director. Tendo un único acto, e con dúas horas e media de música continua, é necesario distribuír ben a enerxía ata o final. É un desafío tamén para os directores de escena pola presenza do río Rin, onde se ambienta a primeira escena, pola aparición dos xigantes Fafner e Fasolt (que deben aparentar máis de dous metros de altura) e polos efectos especiais das transformacións de Alberich co seu helmo máxico e os poderes de Donner e Froh.

Para crear a impresión correcta ao espectador, foi necesaria a creación de máquinas especiais. Wagner supervisou persoalmente a creación desas máquinas, así como tódolos outros detalles da encenificación, nunha época (segunda metade do século XIX) na que non había enerxía eléctrica.

A historia lida co tema da busca desmedida polo poder, envolvendo a renúncia ao amor e contratos inaxeitados. Das Rheingold está marcada musicalmente polo uso do leitmotiv, o uso de temas musicais para identificar elementos da obra, como personaxes ou lugares.

Personaxes

Personaxe	Tesitura	Repartimento na estrea 22 de setembro de 1869 (Director: Franz Wüllner)	Repartimento na estrea do ciclo completo 13 de agosto de 1876 (Director: Hans Richter)
Deuses
Wotan, deus supremo	baixo-barítono	August Kindermann	Franz Betz
Loge, deus do lume	tenor	Heinrich Vogl	Heinrich Vogl
Fricka, dona de Wotan, deusa do amor conxugal	mezzosoprano	Sophie Stehle	Friederike Grün
Freia, seu irmá, deusa da xuventude	soprano	Henriette Muller	Marie Haupt
Donner, deus do trono, irmán de Fricka e de Freia	baixo-barítono	Karl Samuel Heinrich	Eugen Gura
Froh, deus do día, irmán de Fricka e de Freia	tenor	Franz Nachbaur	Georg Unger
Erda, deusa nai da natureza	contralto	Emma Seehofer	Luise Jaide
Nibelungos
Alberich, anano nibelungo	barítono	Karl Fischer	Karl Hill
Mime, seu irmán	tenor	Max Schlosser	Max Schlosser
Nibelungos
Xigantes
Fasolt	baxo-barítono ou baixo	Toni Petzer	Albert Eilers
Fafner, seu irmán	baixo	Kaspar Bausewein	Franz von Reichenberg
Fillas do Rin
Woglinde	soprano	Anna Kaufmann	Lilli Lehmann
Wellgunde	soprano ou mezzosoprano	Therese Vogl	Marie Lehmann
Flosshilde	mezzosoprano	Wilhelmine Ritter	Minna Lammert

Véxase tamén

---

Este artigo sobre música é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.

---