Bidasoaldea
Bidasoaldea ou Bidasoa Beherea (Baixo Bidasoa en galego) é unha comarca de Guipúscoa, en Euskadi. Atópase no extremo nordés da provincia, no límite con Francia, e ocupa a parte baixa da conca do río Bidasoa.
| Localización | |||||
|---|---|---|---|---|---|
| |||||
| Estado | España | ||||
| Comunidade autónoma | País Vasco | ||||
| Provincia | Guipúscoa  | ||||
É a comarca máis pequena de Guipúscoa e está formada por dous concellos: Hondarribia e Irún. Limita polo norte co mar Cantábrico, polo oeste coa comarca de Donostialdea, polo sur coa comarca de Bortziriak (Navarra) e polo leste cos concellos de Biriatou e Hendaia (Francia).
Xeograficamente correspóndese coa marxe esquerda do curso baixo do río Bidasoa e coa ribeira esquerda da Baía de Txingudi na que desemboca o río. A historia e indosincrasia da comarca está marcada pola súa condición fronteiriza entre España e Francia (antigamente entre Castela, Navarra e Francia). Xuntamente coa localidade francesa de Hendaia forma a comarca de Bidasoa-Txingudi.
Concellos
editar| Cidade | Extensión (km²) |
Poboación (hab.) |
Densidade (hab./km²) |
|---|---|---|---|
| Hondarribia | 28,63 | 16.506 | 576,5 |
| Irún | 42,40 | 61.036 | 1.439,5 |
| 71,03 | 77.542 | 1.091,7 |