Alfredo García Alén

Alfredo García Alén, nado en Pontevedra o 10 de abril de 1923 e finado na mesma cidade o 16 de xaneiro de 1981, foi un historiador e mestre galego.

Alfredo García Alén

Biografía
Nacemento	10 de abril de 1923 Pontevedra, España
Morte	16 de xaneiro de 1981 (57 anos) Pontevedra, España
Actividade
Ocupación	historiador, mestre
Membro de	Real Academia Galega (membro correspondente)
Familia
Cónxuxe	Adela Acosta
Fillos	Alfredo, Jose Luis e Carlos Alberto García Acosta
Pais	Alfredo García Hermida   e María Alén Solla
Irmáns	Luciano García Alén

Traxectoria

Formación

Fillo dos mestres pontevedreses María Alén Solla e Alfredo García Hermida, foi irmán de María Rita, Inés, Luciano, Celia, Vicente, Margarita, Francisco, Carlos e Roberto García Alén. Comezou con 15 anos colaborando no Museo Provincial de Pontevedra, obtendo por oposición ós 25 anos a praza de auxiliar de secretaría, sendo seis anos despois secretario. Obtivo os títulos de Bacharelato e Mestre, e as licenciaturas de Dereito e Filosofía e Letras. Doutorouse cunha tese sobre Cerámica popular gallega.

Actividades

Foi membro correspondente da Real Academia Galega, do Instituto Padre Sarmiento e do Museo do Pobo Galego, e mestre no Instituto de Pontevedra (o que agora é o IES Sánchez Cantón). Foi director adxunto do Museo de Pontevedra e secretario técnico de Arquivos, Bibliotecas e Museos da Consellería de Cultura da Xunta de Galicia.

Estudou a prehistoria, o folclore e a antropoloxía galegas, pronunciando moitas conferencias e escribindo moitos artigos sobre diversos temas (numismática, etnografía ou a Virxe da Peregrina).

Vida persoal

Casou con Adela Acosta e foi pai de Alfredo, Jose Luis e Carlos Alberto García Acosta.

Obra

• Grabados rupestres de la provincia de Pontevedra (con Antonio de la Peña Santos); A Coruña: Fundación Pedro Barrié de la Maza, 1980. ISBN 84-85728-04-1
• La alfarería de Galicia (con Luciano García Alén e Xosé M. Gómez Vilasó); A Coruña: Fundación Pedro Barrié de la Maza, 1983. ISBN 84-85728-30-0

Véxase tamén

Bibliografía

• Filgueira Valverde, Xosé. Artigo "GARCÍA ALÉN, Alfredo" na Gran Enciclopedia Galega.