Adán Martín

Adán Pablo Martín Menis, nado en Santa Cruz de Tenerife o 19 de outubro de 1943, e finado en Barcelona o 10 de outubro de 2010, foi un político canario, Presidente do Goberno das Canarias dende xullo de 2003 até 2007.

Adán Martín

Nome orixinal	(es) Adán Martín Menis
Biografía
Nacemento	19 de outubro de 1943 Santa Cruz de Tenerife, España
Morte	10 de outubro de 2010 (66 anos) Barcelona, España
Causa da morte	cancro
Lugar de sepultura	Cementerio de Santa Lastenia, Santa Cruz de Tenerife (en)
Deputado no Congreso dos Deputados
24 de xuño de 1993 – 9 de xaneiro de 1996 Lexislatura: V lexislatura de España Circunscrición electoral: Santa Cruz de Tenerife (en) Electo en: Eleccións Xerais 1993 en España
Q47471896
Deputado no Parlamento das Canarias
Actividade
Lugar de traballo	Madrid
Ocupación	político
Partido político	Coalición Canaria

Traxectoria

Naceu en Santa Cruz de Tenerife. Estudou enxeñaría industrial en Barcelona e logo de rematar a súa carreira diplomouse en ciencias empresariais por ESAE e o Instituto Balear de Dirección Empresarial. Tras isto, traballou durante dous anos para Chrysler en Inglaterra (Reino Unido).

Iniciou a súa actividade política en 1979 nas eleccións municipais democráticas, onde saíu elixido concelleira por Santa Cruz de Tenerife. Foi tenente de alcalde do Concello de Santa Cruz de Tenerife (1979-1987), onde fundou a Agrupación Tinerfeña de Independentes. Entre 1981 e 1982 foi membro da Xunta das Canarias, onde foi Conselleiro de Industria e Enerxía. Trala aprobación do Estatuto de Autonomía das Canarias foi Conselleiro de Obras Públicas do Goberno das Canarias. Foi presidente do Cabido de Tenerife (1987-1999) e deputado pola provincia de Santa Cruz de Tenerife (1993-1996), vicepresidente do Goberno das Canarias e conselleiro de Economía e Facenda (1999-2003).

En 2003, saíu elixido deputado autonómico nas eleccións autonómicas, onde encabezou a lista por Tenerife da formación nacionalista Coalición Canaria, e foi nomeado polo parlamentarios Presidente do Goberno das Canarias, manténdose no cargo até a súa retirada en xullo de 2007. Salientou na súa xestión a mellora das condicións das illas e as denominadas rexións ultraperiféricas da Unión Europea, mellorou as directrices de ordenación territorial das Canarias e impulsou un novo estatuto de autonomía que quedou paralizado debido á fragmentación política nas illas.

Morte

Faleceu ás 4:00 horas do día 10 de outubro de 2010 nun hospital de Barcelona por mor dun cancro que combateu durante doce anos.