Heinrich Hoffmann (fotograaf)
Heinrich Hoffmann (Fürth, 12 oktober 1885 - München, 11 desimber 1957) wie in Dútske fotograaf.
Hoffmann wurke yn syn heite fotostudio yn München fan 1908 ôf. Hy waard lid fan de NSDAP yn 1920 en waard persoanlik troch Adolf Hitler as syn offisjele fotograaf beneamd. Hy waard dêrnei in goede freon fan Hitler. Fan syn fotoos binnen ûnder mear postsegels, ansichtkaarten, posters en fotoboeken makken.
Yn it tiidrek fan it Tredde Ryk skreau Hoffmann in protte boeken oer Hitler. It lêste boek dat er skreau wie Das Antlitz des Führers, krekt foar it útbrekken fan de Twadde Wrâldkriich.
Yn 1930 stelde Hoffmann syn assistinte Eva Braun fan syn fotostudio yn München oan Hitler foar. Braun waard syn partner; op 29 april 1945 troude Hitler mei har. Ien dei letter diene sy harsels te koart.
Nei de oarloch waard Hoffmann fêstset. Al yn 1950 kaam er wer frij. Yn 1957 stoar Hoffmann yn de âldens fan 72 jier yn it doarpke Epfach ûnder München. Syn wido, Erna, bleau dêr wenjen mei de eardere stomme-filmaktrise Wera Engels.
Fotoos fan Hoffmann
-
Foto nei it proses tsjin de dielnimmers oan de Bierkellerputsch (1924) -
Hitler by in taspraak (1930) -
Göring en Hitler op de Obersalzberg (1933) -
Hitler yn synn wurkkeamer yn de Berghof (1936) -
Speer en Hitler op de Obersalzberg (1938) -
Chamberlain en Mussolini yn München (1938) -
Hitler mei syn stêf by de Wolfsschanze (Hoffmann stiet fierst rjochts, 1940) -
Hitler moetet de Frânske maarskalk Philippe Pétain (1940)
Boeken fan Hoffmann
- Hitler, wie ihn keiner kennt (1933)
- Jugend um Hitler (1934).
- Hitler in Italy, Hitler befreit Sudetenland en Hitler in seiner Heimat (1938)
- Mit Hitler im Westen (1940) ISBN 4-87187-883-X
Keppelings om utens
- Heinrich Hoffmann yn it byldargyf fan it Deutschen Historischen Museums
- Foto-argyf Hoffmann yn de Steatsbibleteek fan Beieren (66.000 fotoos)
 |
Ofbylden dy't by dit ûnderwerp hearre, binne te finen yn de kategory Heinrich Hoffmann fan Wikimedia Commons. |