Stedhûs fan Snits

It Stedhûs fan Snits is in stedhûs en ryksmonumint yn Snits oan de Merkstrjitte 11. It waard nei alle gedachten yn of om 1480 boud en yn gebrûk nommen.

Stedhûs fan Snits
bouwurk
lokaasje
lân	Nederlân
provinsje	Fryslân
	Súdwest-Fryslân
plak	Snits
adres	Merkstrjitte 11
koördinaten	53° 01'N 5° 39'E
bysûnderheden
type bouwurk	stêdhûs
boujier	1550 ferbouwing: 1760-1763 restauraasje: 1923-1925
boustyl	rokoko
monumintale status	ryksmonumint
monumintnûmer	34048
kaart

Gebou

Raamdekoraasje en byldhouwurk boppe de tagong

It stedhûs hat in gevel yn rokokostyl. By de ferbouwing fan 1760 oant 1763 is it stedhûs mei in ferdjipping ferhege. It hjoeddeiske bordes is út de jierren 1744-1745. Yn de jierren 1923-1925 wie der in restauraasje ûnder lieding fan de arsjitekt en ynterieurûntwerper Willem Penaat út Amsterdam.

De kearn fan it hjoeddeiske Snitser stedhûs waard yn 1550 boud. Doe waard op it stee fan twa losse hûskes in nij gebou oer twa persielen boud. Op it plak fan it efterhûs dêr't de rie byelkoar kaam wie, kaam in riedseal. By de ferbouwing fan 1760 krige it stedhûs it snijwurk fan Johann Georg Hempel, en op de nije ferdjipping in nije riedseal, de Grutte Riedseal; de âldere riedseal waard doe de Lytse Riedseal. Yn de Grutte Riedseal fergadere oant de weryndieling de gemeenteried en wurde de houliken sluten.

Ynterieur

• It stêdhûs hat in romme hal mei oan it plafond de Stêdefaam, dy't tegearre mei in pûtty stedswapen toant;
• Goudlearbehang mei troch Sineeske lusthoven ynspirearre tafrielen yn de Grutte Riedseal;
• De Skutterskeamer hat attributen fan de Snitser skutterij en de helm fan Grutte Pier.

Sjoch ek

• Stedhuzen yn Fryslân

Keppeling om utens

• Stedhûs

Boarnen, noaten en referinsjes

Boarnen, noaten en/as referinsjes:

Commons Wikimedia Commons  Ofbylden dy't by dit ûnderwerp hearre, binne te finen yn de kategory Snitser stedhûs fan Wikimedia Commons.