Vâlorba
|
Cél articllo est ècrit en arpetan romand / ORB lârge. | 
|
Vâlorba – oficièlament, en francês : Vallorbe – est una comena suissèssa et arpetana du quenton de Vôd.
G·eografia
[changiér | changiér lo tèxto sôrsa]El’est dedens lo District Jura-Vôd de bise et sè trôve u massis du Jura.
Lo velâjo est situâ a la comba de l‘Orba que la sôrsa est dedens la valâ de Jor. A bise est lo Mont d’Or pués a mié-jorn la Dent de Vâl-Lion.
La cavèrna de l’Orba est un pouent fôrt du tourismo vôdouès et jurassien.
Histouère
[changiér | changiér lo tèxto sôrsa]L’endrêt ére, u moyen âjo, un centro de l’endustrie du fèr.
Lo velâjo est nomâ lo premiér côp dedens un document ècrit en latin de l’an 1139, coment de valle urbanensi.
Lo 29 de j·ulyèt 1899 l’est étâ fondâ lo Jornal de Vâlorba (francês Journal de Vallorbe).
Chemin de fèr
[changiér | changiér lo tèxto sôrsa]Lo 1ér de j·ulyèt 1870 est inôgurâ la premiére gâra fèrroviére de Vâlorba. Lo 26 de septembro 1913, la novéla gâra entèrnacionâla de Vâlorba est uvèrta, que arivont des trens suisses et francês. Lo tunèl du Mont d’Or que passe la frontiére entre-mié la France et la Suisse, est inôgurâ lo 17 d’avril 1915. Vâlorba est un pouent de la lègne de chemin de fèr du Semplon et Losena vers la France, yô que passe lo «Simplon-Orient-Express» dês 1919 tant qu’en 1977. La gâra est cllassâ monument historico d’emportence nacionâla.[1]
Dês 1984, los trens TGV Lyria passont a la gâra de Vâlorba.
Patrimouéno
[changiér | changiér lo tèxto sôrsa]- la gâra
- l’égllése de Vâlorba, bâtiâ en 1712
- lo musê du fèr et du chemin-de-fèr
- lo fôrt de Pré-Giroud 39-45
- lo Pont du Dè
Bibliografia
[changiér | changiér lo tèxto sôrsa]- Pierre-François Vallotton-Aubert : Vallorbes: esquisse géographique, statistique et historique. Losena 1875.
Lims de defôr
[changiér | changiér lo tèxto sôrsa]Notes
[changiér | changiér lo tèxto sôrsa]- Steeve Andrey : Vie(s) de gare: La gare de Vallorbe, Nôchâtél 2021.