Melanoleuca exscissa
| Melanoleuca exscissa | |
|---|---|
 | |
| Sailkapen zientifikoa | |
| Erreinua | Fungi |
| Ordena | Tricholomatales |
| Familia | Tricholomataceae |
| Generoa | Melanoleuca |
| Espeziea | Melanoleuca exscissa Singer, 1935 |
Melanoleuca exscissa Tricholomataceae familiako onddo espezie bat da.[1] Haragi gutxi du eta kalitate gutxikoa (Melanoleuca grammopodia-rena baino baxuagoa), baina bere zapore atsegina ikusita, zenbait lekutan (kapela bakarrik) jan egiten da ongailu gisa, arrozarekin, patatekin, gisatuetan, tortiletan edo kroketetan betegarri gisa.
Sinonimoak: Melanoleuca kuehneri, Agaricus exscissum, Tricholoma exscissum, Melanoleuca kuehneri var. iris.
Deskribapena
[aldatu | aldatu iturburu kodea]Kapela: 8 cm arteko diametrokoa globo itxurakotik ganbilera eta laura, erdiko titia mantenduz. Kapelaren azala leuna, glabroa, zurixka erdialderantz nabarmentzen diren arre-grisaxka koloreko islekin.
Orriak: Sinuadak, estu, zurixkak.
Hanka: 6 cm arteko garaierakoa, kapelaren kolorekoa, oinarrian loditua.
Haragia: Zuria. Zapore gozokoa, atsegina.[2]
Etimologia: Melanoleuca terminoa grekotik dator, beltza esan nahi duen “mélas” hitzetik eta zuria esan nahi duen “leuko” hitzetik.
Jangarritasuna
[aldatu | aldatu iturburu kodea]Jangarri kaskarra.[3]
Nahasketa arriskua
[aldatu | aldatu iturburu kodea]Melanoleuca brevipes delakoak, oin laburragoa du. Beste perretxiko batzuekin ere nahas daiteke, hala nola: Melanoleuca melaleuca eta Melanoleuca strictipes. Lepista nebularis perretxikoak eta baditu antzekotasun batzuk.[4]
Sasoia eta lekua
[aldatu | aldatu iturburu kodea]Udazkenean. Belardietan eta basoetako soilguneetan, normalean hariztietatik gertu.
Banaketa eremua
[aldatu | aldatu iturburu kodea]Kanada, Ameriketako Estatu Batuak, Europa, Maroko, Errusia, Australia, Zeelanda Berria.[5]
Erreferentziak
[aldatu | aldatu iturburu kodea]- ↑ Euskal Herriko perretxiko eta onddoak, 2013, 2014, 2016, 2017, Fernando Pedro Pérez, Kultura Saila, Eusko Jaurlaritza • Bizkaiko Perretxiko eta Onddoak, A.D.E.V.E., 2012 • Euskalnatura • Euskal Herriko Onddoak. 5 tomos, Luis García Bona, Kriselv, 1987 • Catálogo micológico del País Vasco, Aeranzadi, 1973 • Mendizalearen Hiztegia [mikologia], Ostadar Mendi Taldea.
- ↑ (Gaztelaniaz) Lotina, Roberto. (1985). Mil setas ibericas. Diputacion foral de vizcaya, 308 or. ISBN 84-505-1806-7..
- ↑ (Gaztelaniaz) GN Granada natural.
- ↑ (Gaztelaniaz) Ubillos Javier. (2020). Curso de iniciación a la micología, fichas micológicas. Asociacion cultural “Baxauri” Kultur Elkartea Mikologia, Bajauri, Cofradia Vasca de Gastronomia.
- ↑ Melanoleuca exscissa: GBIF—the Global Biodiversity Information Facility.
Kanpo estekak
[aldatu | aldatu iturburu kodea]
Datuak: Q10509810
Multimedia: Melanoleuca exscissa / Q10509810