Landa (Arratzua-Ubarrundia)

Landa
	Euskal Herria
Kokapena
Herrialdea	Araba
Udalerria	Arratzua-Ubarrundia
Geografia
Koordenatuak	42°57′37″N 2°35′25″W / 42.9602068°N 2.5902715°W

Artikulu hau Arratzua-Ubarrundiako herriari buruzkoa da; beste esanahietarako, ikus «Landa».

Landa Zuia-Gorbeialdea eskualdean dagoen Arratzua-Ubarrundia udalerriko iparraldean dagoen herria da, Leintz Gatzagatik (Gipuzkoa) datorren errepidearen ondoan kokatutakoa. Ubarrundiako ermandade zaharraren barruan legoke.

Herriko jaiak abuztuaren 24an ospatzen dituzte, San Bartolomeren omenez.

Geografia

Landa 1932an, gaur egungo urtegiko uren azpian.

Landako tren geltoki zaharra Anglo-Vasco-Navarro trenbideko bide berdean.

Antzinako herria gaur egun Uribarri Ganboako urtegia dagoen eremuan zegoen, eta urtegiak ia osorik estali zuen. Herria gaur egun Zuhatza uhartearen magalean zegoen^[1]. Urak estali ez zuen eremuetan, bi auzo sortu dira: bata Iñurrieta eta Bentabarri baserrien inguruan, gaur egungo hondartzatik gertu. Araban hondartza gisa prestatutako eremu bakarra da, eta horregatik "Gasteizko hondartza" ezizena du. Gasteiztik 17 kilometrotara dago eta antzinako Anglo-Vasco-Navarro trenbidearen ibilbidetik joan daiteke egun bide berdea dena.

Bestetik, Santiagolarra auzunea dago, urtegia eraiki zuten langileentzat eraiki zena^[1].

Historia

Garaio aldean Landa dorrea egon zen. XIII. mendean eraiki zen. XVI. mendean Landatarren eskutatik Aranako Manrikes familiarengana pasa zen. XVII. menderako hutsik zegoen eta hondarrak baino ez ziren gelditzen.