Kivu (aintzira)

Kivu (aintzira)
Datu orokorrak
Garaiera	1.463 m
Mota	meromictic lake (en) eta aintzira
Luzera	89 km
Zabalera	48 km
Azalera	2.700 km²
Sakonera	485 m
Bolumena	500.000 hm³
Geografia
Koordenatuak	1°51′11″S 29°08′07″E
Honen parte da	Afrikako Aintzira Handiak
Hidrografia
Betebidea	ikusi Karundura (mul)
Hustubidea	Ruzizi
Arroaren azalera	7.000 km²

Kivu Afrikako Laku Handietako bat da. Ruandaren eta Kongoko Errepublika Demokratikoaren artean dago, Rift haraneko mendebaldean. Bere urak Ruzizi ibaiaren bidez, hegoaldeko Tanganyika lakura daramatza. Ruandako genozidioan hildakoen gorpuak Kivuren uretara bota zituzten.

Geografia

Lakuak 2.700 km² area du eta eskualdean sumendi asko daude. Izan ere, munduko hiru laku leherkorren bat da, Kamerungo Nyos lakua eta Monoun lakuen batera. Bere historia geologikoak esaten digu mila urtero lakuan iraungipen biologiko masiboa gertatzen dela, erupzio limniko baten ondorioz.

Lakuan Idjwi uhartetzarra dago. Bere kostaldean Kongoko Errepublika Demokratikoko Bukavu, Kabare, Kalehe, Sake eta Goma eta Ruandako Gisenyi, Kibuye eta Cyangugu hiriak daude.

Fauna

28 arrain espezie deskribatu dira aintziran, tartean bertara sartuak izan diren lau. Sartu diren horietako bat Tanganyika aintziratik ekarritako sardina da, gaur egun arrantza jarduera handia sortarazten duena.

Lau karramarro espezie ere aurkitu dira, Potamonautes generoakoak laurak, hauetatik bi aintzira honetako endemikoak dira; P. bourgaultae eta P. idjwiensis.

Iruditegia

• 
  Kivu aintziraren adar bat.
• 
  Aintzira ertzeko hondartza.
• 
  Arrantzaleak.
• 
  Goma herria.

Ikus, gainera

• Afrikako Aintzira Handiak

Kanpo estekak

• Datuak: Q125912
• Multimedia: Lake Kivu / Q125912

Kivu