Hiri Debekatua

Hiri Debekatua
	UNESCOren gizateriaren ondarea
	Ming eta Qing dinastietako Jauregi Inperialak Pekin eta Shenyangen; Imperial City
	Irudi gehiago
Kokapena
Estatu burujabe	Txinako Herri Errepublika
National capital	Pekin
Barruti	Dongcheng barrutia
Jiedao	Donghuamen Subdistrict
Koordenatuak	39°54′57″N 116°23′27″E / 39.9158°N 116.3908°E
Historia eta erabilera
Irekiera	1420
Inaugurazioa	1923
Arkitektura
Arkitektoa	Kuai Xiang (en)
Azalera	72 ha
Ordezkatzen du	Imperial City (en)
Gizateriaren ondarea
Erreferentzia	439-001
Eskualdea	Asia eta Ozeania
Izen-ematea	bilkura)
Bisitariak urtean	15.080.000
	Webgune ofiziala
	↑ UNESCOk egindako sailkapenaren arabera ;

Hiri Debekatua^[1] (txinera tradizionalez: 紫禁城; pinyinez: Zǐjìn Chéng, euskaraz: «Hiri Gorrindol Debekatua») Txinako enperadore-enperatrizen jauregia izan zen, Ming dinastiaren garaitik eta Qing dinastiaren azkenera arte, hots, 1420tik 1912 arte. Gotorlekua da, 8 metro garai den harresi batek inguratua. Antzinako Pekingo erdigune zehatzean bertan dago, eta gaur egun Jauregi Museoaren (txinera tradizionalez: 故宫博物院; pinyinez: Gùgōng Bówùyùan) egoitza da. Hiri Debekatua Txinako enperadore-enperatrizen eta haien familien bizileku izan da, bai eta Txinako gobernuaren zeremonia eta politika arloko erdigunea ere, ia 500 urtez.

Gaur egun, txinatar subiranotasunaren eta Pekingo hiriaren ikurra da, eta Txinako Herri Errepublikako zigiluetan agertzen da. Munduko erakargarri turistikorik handienetakoa da.

Izena

Izena, 紫禁城 Zijin Cheng, hiru partikula independentez osatuta dago. Zik-ek, euskaraz Gorrindola edo Purpura, lehen aipaturiko Iparrizarrari erreferentzia egiten dio. Jin-ek, debekatua, inor, jauregitik irten edo bertara sar ez zitekeela esan nahi du, enperadorearen onespen zuzenik gabe. Cheng hitzak, zer den definitzen du, eta "Harresitutako Hiria" esan nahi du.

Ezaugarriak

0,72 kilometro karratu, 800 eraikin eta 9.000 gela baino gehiago hartzen ditu. Munduan kontserbatzen diren zurezko antzinako egituren bildumarik handiena da. UNESCOk Gizateriaren Ondare izendatu zuen 1987an, 12,96 hektareako babes azalera eta 153,10 errespetu azalera hartuz. Jauregi Inperiala, Tiananmen plazaren iparraldean dago, eta bertara, Tiananmen Atetik sar daiteke. Hiri Inperiala deituriko auzo batek inguratzen du.